婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 90 個 | 共 121 個BLOG      上一個 | 下一個
查看BLOG | 返回BLOG列表

倒數290日- 你要知道sample sale的7 件小事情

By Mschichi (聯絡作者) 於 2019-05-15 01:02

喺上年嘅依個時候,我同未婚夫其實已經言談間傾緊我哋結婚嘅事情。 嗰段時間我咁啱有幾對朋友結婚, 我都有幫我哋睇一睇結婚嘅資料。  大大話話我都做過七次姊妹, 所以流程上其實我都略知一二。  不過到自己結婚 ,唔多唔少都會係會緊張啲嘅


係一年前嘅我, 被求婚又未被求, 日子也未定,時間由又未。  但係我已經同緊未婚夫去睇婚紗啦 其實周圍去試下唔同嘅婚紗都好㗎~~ 可以了解自己多啲, 著乜嘢嘅婚紗好睇,同埋睇下自己著上身之後幻想同現實中嘅分別呀嘛


所以我都好推薦大家可以去睇下sample sale 嘅禮服婚紗晚禮服啱唔啱自己嘅


其實sample sale價錢同租一套婚紗嘅價錢差唔多, 唔會特別平得去邊 。 租金貴嘅婚紗, 佢哋嘅sample sale價錢都會依比例地係會比較貴少少。 當然我見過有啲平嘅sample sale婚紗 99蚊 都可以全套拎返屋企。 呢家野豐儉由人。 所以唔好以為sample sale係平好多好多呀。 一分錢一分貨嘅。 


第二, 買咗返屋企嘅婚紗,就係自己㗎喇。  對於有d 好似我咁粗魯嘅新娘子就最適合不過啦!  成日都好驚整爛,整污糟條裙! 特別係我知道好多女仔食嘢都會流口㗎( 利申我應該無流口既) ,雖然當日新娘子都唔係食好多嘢。 但係一整污糟套婚紗就有排煩。 又或者你啲親戚朋友飲酒飲到好瘋狂嘅。 就自己買一套會好啲啦。 因為我去過咁多間婚紗舖,  職員都會叮囑紅酒係好難洗的污漬, 甚至係洗唔到嘅污漬黎, 有機會唔只係賠清潔費咁簡單。 如果到時有個親戚一個唔該倒咗杯紅酒係你條婚紗上面,  畀著我應該會即場黑面

換句話講, 你買sample sale嘅時候, 都要留意睇下會唔會有啲明顯嘅污漬, 雖然可能有啲污漬用放大鏡先睇到, 但你知啦, 有時啲嘢明知有瑕疵, 個心就會銀住銀住, 所以check清楚先好去畀錢呀



第三 , 好多婚紗舖都 係sample sale唔可以試著上身嘅 , 但有部份可以再加錢畀佢 改size。 因為佢哋之前都已經改過好多次呢套婚紗,  所以佢哋都好熟識呢個布料, 我相信佢地改一定熟悉過拎出去再改size。 


第四 , 婚紗舖嘅地方大啲, 如果改好之後,你可以問下職員可唔可以即場試上身。 如果都仲發現有啲唔啱嘅地方, 就可以同佢再商量下, 可唔可以改善。 


第五, sample sale 唔一定係舊嘅婚紗,  因為其實婚紗都成日會轉款 , 季季唔同。 婚紗舖一年都有兩至三次嘅sample sale , 婚紗嘅體積比較大, 舖頭都會常常去買新嘅婚紗去替換壞的。 

我都見過不少係全新 100% new 冇畀人著過出去嘅婚紗係作為sample sale 。 咁當然就可能唔係 當季最新最新嘅款式啦~


第六,一生人一次咁特別嘅日子, 如果可以留起當日自己著過嘅服裝, 其實都係一件好甜蜜嘅事嚟嘅 。 作為紀念又好, 第時傳畀個女都好, 都好有意思。


第七 ,如果真係唔想keep件婚紗嘅話, 係婚禮完結之後都可以賣返出去。  不過如果扣除返改衫費同埋洗衣費嘅話,  我覺得心態上就要作出調整, 唔好諗住可以平返買婚紗價錢。 如果可以幸福承傳, 環保價咁樣讓畀其他人其實都好有愛嘅事情


其實我本來只係想講 有間舖頭有sample sale想講畀大家知, 知唔知講下講下又咁長氣🤣 

結婚嘅旺季啱啱過咗去, 夏天又嚟啦~~ 代表sample sale嘅旺季都會正式開始。  希望大家都搵到啱自己的the one 啦 














912 次閱讀 | 52 個評論
Facebook WOW Google+ Weibo Mail
當前第 90 個 | 共 121 個BLOG      上一個 | 下一個
全部(2)

留下足跡

評論

 52 12

您需要先登入才能繼續本操作