婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 28 個 | 共 74 個BLOG      上一個 | 下一個
查看BLOG | 返回BLOG列表

CH44*性價比極高既婚宴紅酒白酒*免費試酒送貨 仲可以退酒 :D

By csjchan (聯絡作者) 於 2019-04-17 23:40
話說心急新娘同MR H都係好少飲酒既人.對於晚宴既酒水一直都好苦惱…直到去好朋友婚宴既時侯.俾我發現間咁貼心既婚宴訂酒公司..真係要同大家HAPPY SHARE!!!

係好朋友婚宴飲過D酒已經覺得幾好.仲見佢晚宴完左後仲有得退酒!!真係勁正.所以快快問朋友拎左INFO!!!上網做左D RESEARCH.原來間公司除左可以退酒.仲有得免費試酒.呢個真係好少有!!我就快快手網上預約啦..但佢D BOOKING都幾FULL幾難BOOK丫.因為每段時間佢地只會SERVE一組客人.俾番D PRIVACY大家..我地想BOOK星期六都要預早2星期!!><

BOOKING當日佢地仲SEND左份超詳細既路線圖教我地去.勁貼心~!!一上到去試酒室.同工業大廈出面超唔同..勁大.裝修好靚好高級咁.好有格調~!!感覺好舒服~
 


 
 一坐低.店員就俾個WINE LIST我地睇.問我地有冇咩酒想試~!!但我同MR. H望住D酒名..對D酒真係冇咩CONCEPT~XD店員都好專業咁介紹番俾我地.原來佢地既酒全部都係老細親自係西班牙揀選出黎.~精選左二十幾款紅酒.白酒.氣泡酒同玫瑰酒黎做婚宴酒.質素好有保證~!!重點係價錢都好抵.由$68到最貴都係$123!!好AFFORDABLE!!我地同店員講左我地既BUDGET同紅白酒比例.佢就推介左D酒俾我地試~一場黎到.我地試左勁多XD最後試左3款白酒.1款玫瑰酒同埋4款紅酒:D
 

其實我同MR H係第1次試酒.店員推介先試白酒後試紅酒.味道由淡到濃咁試~一路試仲一路講解.令我酒知識大增XD
我地第1款試既白酒~係呢款~!!冇甜味.但水果味重.有D番石榴味咁~少少酸.個人覺得淡味D!!
 
於是店員就俾我地試呢款白酒~~係有D桃味咁.感覺比較厚身同滑身.飲完仲係有個餘韻係到~!!幾香~!!!我中意XDD
 

 
之後試左款粉紅色既ROSE WINE!!實不相瞞.我第1次飲..真係笑料百出..:O原來ROSE WINE係用紅提子做.唔係玫瑰花做.只係紅提浸皮時間短D.令到個色係粉紅色!!佢好香~酒精濃度相對低.係甜但又唔會太甜.好易入口.好岩女仔飲..同埋應該會飲得好快XD
 

跟住再試下同系列既另1款.但就係用白提子做架~甜得黎又清新~!!應該會飲下飲下飲左好多:D
 

試完白酒.再試紅酒
第1款都係淡身D.口感簡單.果味為主~有少少澀.但接受到既~!!
 

第2款呢款個樽好靚~有隻喜雀.紅色樽口.感覺好岩婚宴用XDD味道就濃少少~好香丫~有花香味!!滑身D入口舒服D~!!店員話呢款好受歡迎~~
 

第3款.個樽好得意~好似菲林咁~我對個酒名好深刻.叫CINEMA~同個樽好襯丫!!店員初時話呢款比較多男士中意飲.因為佢有種SMOKY既感覺.果味熟D.再濃D~但出奇地.比起開頭試果2款.我比較中意呢款XD
 

最後試呢款.店員話係呢間店既皇牌~2011既存貨都剩得唔多喇!!來自西班牙頂級酒莊.仲拎左好多獎~!!一試.果然名副其實~!!最FULL BODY.果味好重. 層次變化好多..好好飲丫!!原來係由5種提子醞釀出黎~~仲要係同我最中意果款白酒係一對架~!!*V* 
 

試完一大輪.真心覺得D酒好好飲~佢地每款酒都係即刻係我地面前開俾我地試.咁就可以比我地試到係婚宴時賓客飲既味道.係完全唔駛BREATHE.即開即飲都冇問題!! 

仲要價錢平.最低消費$1000.即係2箱酒到~~但服務超好.勁貼心!!
落單後.佢地會直接同婚宴場地聯絡.安排送貨.重點係免費送貨!!
而且可以原價退酒.最多可以退返訂既數量一半!!例如訂10箱.咁最多就可以退番5箱~~但要留意係原箱退.開左箱就唔可以退貨喇~
到婚宴當晚.佢地既職員會黎到現場.收尾數或者安排退貨.完全唔駛擔心要自己搬番屋企..飲埋剩下果D~!!!勁方便~~
呢個服務流程好清楚易明XD
 

我同MR H其實好心動想即刻落訂.但奈何父母對酒好有要求.一定要俾佢地試過先可以訂..所以我地冇即時落單.好似混吉咁.勁唔好意思=V=但店員都冇黑我地面.仲叫我地番去慢慢考慮下!!我地就買左最中意個一對紅酒白酒番去.等父母試下O唔OK先~~聽店員講佢地6月應該會擺婚展.到時再去訂酒都唔遲!!!XD 
 

呢間真係性價比極高..服務同價錢都超值丫!!如果大家對買酒未有諗法.約去試下都無妨丫:D希望可以幫到大家啦:)
2330 次閱讀 | 314 個評論
Facebook WOW Google+ Weibo Mail
當前第 28 個 | 共 74 個BLOG      上一個 | 下一個

評論


您需要先登入才能繼續本操作