新婚圈子 - 婚禮DIY

舉報 |

倒數50日@蛋糕仔第三回

子維 2011-07-29 11:14

呢幾日結婚既野完全無進展呀~~停滯佐呢... ...

唉... ...開始有少少擔心d野趕唔切呢... ...

仲有好多小作仔、音樂、成長片段既相都未搞掂,唉... ...帖封面都未印好晒... ...名單又未齊... ...個個都懶懶行,得我一個急呢,最後做個個又唔係佢地,緊係個個都唔緊唔緊咁,到最後又迫到我要做快d,唉... ...會唔會過份佐呀~~~越黎越多問題出現了,我已經無力去接受及解決了.呢一刻我可以做既就係逃避,咩都唔理,老公淨係識得講我做咩咩都唔理,但佢有無諗過我根本就解決唔到,咁我可以點呢??

踏入八月了,八月要準備好晒d帖、姊妹裙、度身、婚紗相、成長片段既相、音樂、小作仔、過大禮等等... ...真係開始懷疑自己能否可以係一個月內做晒咁多野呀~~~~呢幾晚都睏得唔好,開始覺得有d辛苦呢... ...嗚嗚... ...

整蛋糕整上'引'呀~~哈哈... ...噚日咩都唔諗,專心整朱古力鬆餅... ...之前整過幾次朱古力既作品,最後都係失敗,所以一路整一路擔心呢... ...最後俾我成功佐喇~~~yeah... ...(今次老公都好欣賞呢)放工返黎一下子食佐兩個呢... ...hee hee... ...個一刻真係好開心呀~~

朱古力鬆餅,成功了,個樣都幾好,哈哈.

第三款味道,誕生了.

朱古力口味都成功了,應該當日會以牛油、香蕉同朱古力三款味道去迎賓呢... ...hee hee... ...希望我d賓客會鐘意啦~~~~

依家考慮緊,應該要整幾多個先夠呢... ...(大約會有228個賓客呢)平均一位賓客兩個是否足夠呢???大家俾d意見,唔該.

(原文來自思思公主：按此入blog)

你還不是該小圈子正式成員，不能參與討論。現在就加入。