轉載靚太分享：廚界盛事。Le Creuset Private Sale (By Yena)

一直都好想買Le Creuset，心知開左個頭就大件事，

忍手三四年，每次望一望摸一摸當買左，

今次終於抵擋不住了一年兩度的Le Creuset 開倉!!!!!

第一次去le Creuset開倉，其實主要想買個煲

聽朋友講有D只係一千鬆D，立即兩眼發光 ( 眼球變成煲ahahha)

當日排隊嘅時候跟前面幾位LC神級人馬挺啱咀形，

就問我有咩想買?

我:下….唔知呀，睇下有D咩啱

神級人馬們: 咁大憺, 唔得喎，你要諗定如果唔係咩野都買唔到嫁，無時間比你慢慢睇慢慢諗，

要有Target, 之後無咁想要嘅個D先慢慢諗，如果唔係唔夠人搶嫁!

我: 其實我未買過LC嫁

神級人馬們: 咁就等我地介紹你邊D要買, 屋企幾多人? 多唔多煮野?……….???

如事者……哈哈! 神級人馬們幫我安排好晒! 仲每人分好崗位!

我嘅崗位係負責睇貨，因為我唔識D煲煲碟碟嘅密碼，哈哈!!!!

盞盞!!!!

見到嘛! 六個人兩個紅白藍，再加幾個開倉嘅袋。

揀好晒，搵岩主人就慢慢睇下D收獲有無爛有無瑕疵。

十年無去花市嘅我可以話你知，呢到係迫過花市!!! 頭個十五分鐘場面好混亂!

最後我買左兩大袋!仲有D放左係背囊^^

而家我明白咩叫多人好辦事，所有都係神級人馬們好辛苦咁幫我拎番來

我地素未謀面，再加上我烚烚下，心情真係好興奮好感動!!!!

唔好睇少細細盒，其實已經好重…..買多一個煲都真係唔得掂!

心知紫色好少機會買得到，

所以轉買粉藍，但係而家買到亂晒龍，

有咩就買咩，因為見到有唔同色又會好開心喎:P

粉紅色影相好靚,紫色好邪惡!!

上網睇完D相，我先發現呢Set比人換左個深紫色，

神級人馬們已提醒過每件打開Check過，睇下有無問題

我掛住睇下有無瑕疵，點左三個齊晒數，完全無理會過D色，

仲要隔左兩日先發現到，好可惜Receipt寫明無得換，

只怪自己一時疏忽 T.T

心心盅一直是經典之物，不能欠缺，藍色是大一點

花花系列則當日花瓣都見唔到:P

呢幾件係後補再入嘅^^因為買左煲無買鏟

買左緊係會用喇，仲有得好Hapi

先來一個海鮮蕃茄豆腐湯

再來蘿蔔炆門鱔魚

湯碗真身是咁樣的，擋不住的粉紅色

點少得肥肥鐘意食嘅香煎三文魚呢?!

呢個週末我要養靚個白煲，好快又可以同大家分享美食喇^^

原文：

http://wow.esdlife.com/space.php?uid=52037&do=blog&id=188843