正宗日式抵食火鍋 午市火鍋$52/位

lunch成日想嘆日式火鍋，但一個人又無可能食得哂咁點算？最近就嚮佐敦發現一間正宗日式火鍋店叫「清湯牛肉」，嚮Bar枱一人一鍋慢慢嘆。佢湯底可以揀Sukiyaki、日本風味等，而且有日本雪花肥牛、日本黑毛豬或者其他海鮮同埋蔬菜，醬汁亦有傳統日式醬料Pons (檸檬醋) 及 Goma Dare (芝麻醬)揀，每位都只係$52，食得正宗又好味。

如果齋食火鍋唔夠滋味，重有其他小食好似自家出品o既煎餃子，用到日本黑毛豬做餡，juicy又嫩滑，另外重有挪威三文魚刺身、鱔片等等小食，一個lunch可以食得好正斗~ 佢地址嚮佐敦長樂街28 號地下(佐敦地鐵站E出口)，大家可以打電話去2780 2125訂位。