婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 1 個BLOG      上一個 | 下一個
查看BLOG | 返回BLOG列表

韓國燉雞帶來嘅小確幸

標籤燉雞  韓國  泡菜  加料  聚餐  1月前

小編前年去完韓國旅行,一直掛念當地食到嘅燉雞,因為味道甜中帶辣,而雞肉燉完仍然好嫩滑。

最近跟朋友們去左間位於旺角嘅燉雞專門店,令小編回憶起之前身處弘大,天寒地凍時走入店舖食熱辣辣燉雞嘅情景。當然喺香港食燉雞,點都不及喺韓國當地食夠風味。辣味會因應香港人口味而調教,雞肉都不如想像中嫩滑,但人就係咁奇怪,對喜歡嘅食物有一種情意結。

  
美中不足喺,原來燉雞上檯後,無法後加飯焦topping... 雖然未能品嚐到吸盡雞汁精華嘅脆脆飯焦,不過有冬粉墊底,還有燉得好入味嘅薯仔、紅蘿蔔,淋上半溶芝士,一碟大份量嘅燉雞唔使半粒鐘就只剩下一堆雞骨。

芝士雞蛋卷亦都係小編喺香港嘅韓式餐廳經常會點嘅菜式,因為雞蛋混入芝士特別香口,又容易跟朋友開心share~ 反而喺韓國就較少揀,亦唔太留意有呢款菜式。 

  

喺韓國食飯,有部分餐廳可以免費添加泡菜,呢間餐廳都唔例外架!全靠同場有位精通韓文嘅朋友,就跟韓國人老闆講「김치 좀 더 주세요~」(Kimchi Jom deo juseyo),中文意思解作「唔該再加D泡菜呀」。老細回應「예~」 (係~),二話不說就遞上一碟滿滿嘅泡菜!無論源於文化習慣,抑或係老闆對食客嘅人情味,呢個小舉動都令成班朋友即時有種小確幸嘅感覺。

準備去韓國旅遊嘅朋友,就好好記住呢句,能唔能夠加餸就靠佢喇~ 
96 次閱讀 | 0 個評論
Facebook WOW Google+ Weibo Mail
當前第 1 個 | 共 1 個BLOG     

評論


您需要先登入才能繼續本操作