婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 2 個 | 共 11 個BLOG      上一個 | 下一個
查看BLOG | 返回BLOG列表

【舌尖上的懷舊粵菜】昔日香港食乜好西

標籤懷舊粵菜  經典  傳統  中菜  7日前
戈渣?炒肚尖?糖芯皮蛋酸薑?

唔知大家有冇聽過這些懷舊粵菜呢?懷舊粵菜在香港買少見少,因製作繁複丶準備時間冗長,在現今講求速食嘅文化而逐漸失傳,我覺得非常可惜。

早前有幸到「大公館」《萬慶軒》品嚐,由兩位廚藝精湛嘅客席大廚向忠健及向忠達先生兩兄弟,特別主理嘅多款懷舊粵菜,不多說先跟大家分享多張美食圖!

前菜

我第一次品嚐「腿茸戈渣」,看似平平無奇,實質上非常考師傅工夫。以雞蛋及粟粉製作的鹹點,口感如日式玉子,但更軟滑甘香帶脆口。


我一向不好食雞腳、鴨掌和鵝掌,但這道「葱油仙掌」全去骨,去骨技術跟「阿婆鳳爪」有得揮,口感非常爽口,同時沒有怪味。


糖芯蛋食得多,糖芯皮蛋真的第一次試,再灑上白砂糖,可以遮蓋石灰的味道。

主菜



主菜最矚目要數矜貴菜式「崑崙鮑甫」,用上幾乎喺香港絕跡嘅原塊乾龍躉皮入饌。師傅展示專誠由馬來西亞引入嘅原塊乾龍躉皮,足足成個人咁高,單是成本已逾五萬元!與鮑脯同炆,龍躉皮爽彈滑溜,充滿骨膠原,價值HK$488 / 位,絕對物有所值。


另有其他心思菜,尤其每天限量供應嘅「古法欖仁炒肚尖」,僅選用豬肚最嫩滑嘅末端部位,烹調這道菜式平均需要用上兩個豬肚,非常矜貴。



懷舊粵菜其中一個特色就係化腐朽為神奇,師傅再次重現「蝦籽柚皮」呢道經典粵菜。為求達到入口即化嘅口感,兩位師傅特別加入蝦米及瑤柱,與柚皮一同烹煮數小時,落足心機。

還有其他賣相考心思嘅懷舊粵菜︰

玉簪明蝦球,蝦球特別以菜心貫穿,保持蝦球形狀~


網油春花卷,用上豬網油包裹著魚肉、豬肉、冬菇及韭菜脆炸,係六十、七十年代的常用做法。

第一次聽聞片兒麵,麵身透薄,原來係切成薄而輕軟嘅菱形雲吞皮片,吃嘅時候很容易滑入口中。

甜品

古早味甜品雖然係平常會見到嘅紅豆砵仔糕、懷舊芝麻卷,但絕不欺場!砵仔糕上滿佈大大粒紅豆,入口滲出淡淡椰香。


懷舊芝麻卷係我兒時最愛甜品,芝麻味勁濃,猶如將一碗芝麻糊濃縮入芝麻卷當中。

以上懷舊粵菜只屬菜譜少部分,一共逾70款懷舊菜式由即日起至4月22日期間推出,趁週末和復活節長假,可以一家人帶埋老人家一同懷緬昔日粵式美食!

地址︰荔枝角長義街9號D2 Place One 10樓A (荔枝角地鐵出口D2)
訂座電話︰2743 8055
平均消費:
午市時段:港幣200元起
晚市時段:港幣350元起
營業時間:
周一至周四、周日及公眾假期:中午十二時至午夜十二時(最後點菜時間:晚上十時半)
周五及周六:中午十二時至凌晨一時 (最後點菜時間:晚上十時半)

174 次閱讀 | 0 個評論
Facebook WOW Google+ Weibo Mail
當前第 2 個 | 共 11 個BLOG      上一個 | 下一個

留下足跡

評論


您需要先登入才能繼續本操作