婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 2 個BLOG      上一個 | 下一個
查看BLOG | 返回BLOG列表

令我重燃希望的pre wedding相簿

By Rach_da_second (聯絡作者) 於 2020-09-06 19:11
Hello, 平日都係睇其他 B2B Blog 多, 好少會分享自己籌備婚禮的點滴~ 因為懶 🤦‍♀️但直到遇上佢....令我不得不分享一下........就係我的Pre wedding 本地相簿設計師   

Vendor名稱及IG會係文末公開

事緣上年我地去新西蘭搵當地華籍攝影師影左輯婚紗相, 由於拍攝的兩日都天氣唔好, 又落雨又天陰甚至乎落雹, 令到好多原本我地想影嘅地方都去唔到 (例如雪山, 羊駝, 星空....etc), 雖然當地攝影師都好好, 有不停揸車搵一D暫時冇落雨嘅地方俾我地影, 但最後輯相確實我係失望的.....除了天色唔好, 角度平平無奇, 輯相唔講真係唔會知係新西蘭, 雖然另一半都有不停安慰我話屬於我們二人回憶就足夠,我本身都諗住算啦,唔好咁執著......但當收到原本攝影師本相簿成品, 我就知道GG了, 竟然係大陸寄來的淘寶質素相簿 D相根本係睇唔清個樣, 紙質又差! 於是我就決定要重新印過本相簿!搵左好一段時間, 都未搵到乎合自己心水, 點知無意中喺IG 發現到呢間本地相簿設計小店, 佢地同平時一般見到嘅白邊相簿唔同,係會根據客人相片風格做設計, 塑造一本屬於倆人又帶出故事性嘅相簿, 見到佢D成品, 完左係我杯茶呀心諗自己輯相影得唔太滿意,但又唔想再去外地影多輯(因香港完全冇地方吸引到我影)🤦‍♀️不如就由相簿設計著手啦, 於是就直接搵左佢設計同製作啦

首先店主即設計師Kinki勁nice同有耐性, 佢會因應你提供嘅相片提供專業意見, 相簿主要分兩大類~ 無縫無縫印刷, 無縫即係相簿每頁中間有壓邊, 可以攤平本相簿, 睇嘅時候就唔使按實本相簿, 而無縫就有D似雜誌咁, 玩味性重D可以加牛油紙內頁設計, 不過睇嘅時候就要按實本相簿, 雖然我好鍾意佢地嘅牛油紙內頁設計, 但考慮到擺酒放相簿喺album corner方便來賓欣賞, 最後我就決定要無縫印刷啦

由於我輯相係影大自然為主 , 封面方面設計嘅感覺同色調都係偏向柔和自然嘅花糸風格,相簿無論係質地,包邊細節位都好仔細, 絕對唔會好似淘佬嗰D普通紙皮咁個角會凹同皺

相簿第一頁係印有設計師logo嘅牛油紙成本相簿即刻高級左

之後內頁嘅設計, 設計師係會加插適合你相片風格嘅文字同圖案, 視覺上即刻豐富好多如果有自己鍾意嘅歌詞/詩句, 相識日, 拍拖日....呢D咁有紀念性嘅日子都可以設計落去呢


至於最現實嘅問題~價錢, 老實講, 咁一定會高過坊間整白邊相簿嗰D, 另外會因應你放嘅相片張數來彌定, 千金難買心頭好🤭🤭我自己就覺得非常值得佢嘅整體質素同服務絕對配得上呢個價錢!

當收到成品時, 我真係好開心同滿意🥰🥰可以擁有一本獨一無二, 並不是千篇一律的白邊相簿, 而且個設計真係令到我成輯相upgrade左原本灰到落谷底....唔敢show之前攝影師本相簿而家終於可以展示呢本咁完美嘅相簿啦希望大家都可以搵到自己心頭好啦

Vendor名稱: Hereafter 小本事
1156 次閱讀 | 3 個評論
Facebook WOW Google+ Weibo Mail
當前第 1 個 | 共 2 個BLOG      下一個

評論


您需要先登入才能繼續本操作