姊妹禮物

姊妹喺婚禮當中，擔當非常重要既角色。以前都做過妹多朋友既姊妹，好多時婚禮當天既大小事情，新郎新娘都冇時間去理，喺呢個時候，姊妹就會擔當好重要既角色。因此，每位姊妹都係非常重要。當然，應承得做姊妹既朋友，一定係好friend先會肯做，要特登放一日假幫我打點一切，真心感激。

因此，我一早已經為姊妹們準備好化妝，揀好姊妹裙既公司。比自己揀婚紗仲要早（我到而家都仲未試婚紗）。姊妹喺我心中真係好重要，所以小禮物我都會為佢地預備，希望答謝各位既幫忙。

作為婚享同學會忠實粉絲，當然係會爬下文，攞下資料啦。我最後揀既姊妹禮物，都係有b2b之前喺呢度分享過，我覺得幾好既禮物。

如果有睇開我分享既文章，應該知道我喺38婦女節既時候訂左婚戒。早幾日終於攞到實物啦。

忍唔住不斷又戴又除左好多次，影左好多相。真心覺得實物好靚。

介紹下先，我揀既呢對婚戒，係專屬訂製既，即係戒指用既材料、款式同埋刻既字都係自己揀既，獨一無二。

外圈由兩重材質組成，上圈係光身既18k白色黃金（銀色既），下圈係拉絲18k紅色黃金（睇落係玫瑰金色）。

內圈係光身18k白色黃金（玫瑰色）。

外圈內圈都可以刻字，外圈既上下圈係可以轉既，有少少玩味，好特別。

我選擇左喺外圈刻左大夫既名，以後手日都戴住佢掛住佢。

最後，好想一讚既係呢間vendor係我到現時為止跟進得最好，最守信用既vendor。我喺籌備婚禮既過程中，遇到太多vendor講完跟住我畀左錢之後，就冇人再理，之前講過既都冇做到。最常見係話會覆我e-mail/WhatsApp ，但基本上十個有九個都冇做到。

呢間vendor由我上網訂貨開始，有網上專員解答問題，之後我遇到網上既bug，訂製既戒指冇左優惠，佢地既專員即刻幫我解決，喺預定時間內幫我解決左問題。到之後confirm e-mail取貨日子出左錯，佢地既同事（自動）會打電話同我跟進，最後喺佢講既預計日子之內取到貨，成個過程都跟進得好好，完全係好放心。一定要稱讚一下呢間公司既同事，真心覺得好好。

謝謝大家既收看，喜歡我分享既朋友可以留底你既腳印。