婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 2 個BLOG      上一個 | 下一個
查看BLOG | 返回BLOG列表

懶懶新娘 ch.2 - 本地快閃pre-wedding

By w3n (聯絡作者) 於 2019-11-29 02:19

上一篇先岩岩講完擇日,話咁快就 pre-wedding

其實係咁既,因為我之前係婚展抽中左獎🤣 可以免費整簽名布,最遲一月尾要整,但我未有pre wedding相,又唔想浪費左呢個獎!好難得唔係送洗頭水sample同罐頭食物架嘛⋯

又咁岩係ig比我見到招素人model係香港影輕婚攝,就厚顏無恥咁dm左個vendor,而佢又真係搵返我!呀,講明先,我冇錢收架,亦都唔係打手 佢淨係比返d相我,條件係要比佢post返 d相出黎。問過男朋友佢都肯,於是就gogogo!

初頭對呢輯相其實冇好大期望,我淨係想揀到一張相黎比我整簽名布 但拎返d相之後,真係好好好滿意!

首先講攝影先啦!原來攝影師係女仔,我覺得女仔係比較細心。男仔可能會比較重視整個構圖,但女仔會睇多d個樣,點樣笑得自然d,點樣瘦d,有冇企直 etc. 對我黎講呢d好重要呀!仲有不得不講,全程都影得好舒服

再講d裙啦,原來攝影師有間租衫既舖頭,可以就咁租,不過影相就會包埋。我見佢除左衫之外,仲有鞋同少量飾物,價錢都好抵下~不過講返衫先,佢既裙主要係輕婚紗或禮服。如果要大拖尾果d就冇喇~不過清清地,我覺得都好特別~好有氣質️ 同埋呢d裙反而著得好舒服,好鐘意 老實講big day就真係唔會著呢d,除非真係搞好細或者好casual, 但呢d著黎影相或者big day租比家姐細妹都好合適

另外,攝影師仲幫我向其他vendor借左d飾物同道具,好細心呀 我呢d咁懶既人遇到佢真係好好彩 本身佢提議我可以準備氣球,但最後都係覺得太麻煩冇準備到🤣 不過而加睇返d相,有既話真係會再靚d!大家如果未影既話,可以考慮下

講咁耐,比大家睇下點解我咁鐘意呢輯相啦


我真係好鐘意呢種小清新既感覺

如果想知道呢輯相入面既vendor (攝影、化妝、租裙、hairpiece、花球&花環) 係邊個,就留言啦

558 次閱讀 | 41 個評論
Facebook WOW Google+ Weibo Mail
當前第 1 個 | 共 2 個BLOG      下一個

評論

 41 12

您需要先登入才能繼續本操作