Yannnbb
人氣同學
您認識Yannnbb嗎? 認識或者想成為新朋友,立即可以加為「好友」,第一時間知道Yannnbb的最新動態。
把Yannnbb加為好友

  • BLOG
  • 相簿
  • ?啣?瑼?
Yannnbb

https://wow.esdlife.com/space.php?uid=148792

已有 5093 人次訪問, 157個積分

全部 個人動態

  • Yannnbb 發表了新BLOG 1日前
    郭生。準郭太 有驚喜的3V揀相日

    明明上去揀相前,同郭生講好左”一定唔加相!!” 但原來對住自己覺得好靚既相時,呢個引誘係完全抵抗唔到架🤦‍♀️🤦‍♀️🤦‍♀️

    選片師貝貝非常幫得手佢會因應你揀既相,再提議油畫、相架用邊款框!



    揀相日會有幾張試執既相,之後會再因應要求再執埋之後既相 (郭生有張俾人重手執到成個女人咁,笑死我地)



  • Yannnbb 發表了新BLOG 3日前
    郭生。準郭太 3V Pre-wedding拍攝花絮

    上回講到拍攝日既前一日去3V揀好衫,我地選擇係3V附近既酒店住一晚,拍攝當日準時8點到3V集合

    我當日既攝影師係雷蒙,化妝師係敏敏 

    攝影師係出發前同我地傾左陣,佢會了解我地有d咩風格想影,我事前都有save低鍾意既3V相,真接拎住張相同佢傾雷蒙好細心問埋我平時影相鍾意微笑定露齒笑,亦都有問我覺得自己邊邊面靚d,我覺得呢個細節位好加分呀

    化妝師亦都有同我地再確認多次d衫,以防去到景點先知拎錯衫 (開車前,佢亦都有幫我睇多次小助手有無拎錯!)


    攝影師、化妝師、兩位既小助手、我同郭生一行6人就一齊出發喇!我地join既plan係有專車既plan,坐得舒服d


    3V既重點景點之一安蒂拉城堡,見到個景咁靚即刻心心眼唔通每個女人唔通都有個公主夢?







    我有個小建議,出發前係酒店好好咁戴左nude bra先,因為去到景點3V既化妝間係幾個b2b share用既,如果去到先戴,個人一定會心急,同俾其他人見住你痴nude bra (當然換衫時,一定會叫哂d男人出去,安心d我有著埋打底褲)


    我係一個超級佛系既人,連耳環自己都無準備就去影相!而我十分好彩,化妝師敏敏既飾物十分岩我既口味 我問過佢,飾物都係佢地自己既私伙,所以係有要求既b2b,千祈唔好學我咁佛系,始終唔知化妝師既私伙岩唔岩自己。

    妝容同髮型,我大部分都係俾敏敏自己發揮,整好後我覺得要執既再同佢講,整體黎講我都好滿意呀現場睇個妝係覺得厚,但過左相機又真係唔覺厚架! 





    可惜當日天公不造美,天氣凍,而且時不時都有落雨,但慶幸個天色都算光。因為地下有積水,我著住條大拖尾係濕哂,行路都有困難呀 兩位小助手真係值得一讚呀 攝影師助手除左落力幫我拋頭紗之餘,我地一要行去第二度時,即刻拎返件外套俾我,而且仲幫我拎住濕透既裙腳!呢位小弟弟真係好細心!


    除左城堡境,個場地仲有一條街景。我地個日係星期六,可能天氣唔好既關係,佢地話唔算多人,但有d位都係要排隊影相。





    影好城堡後,我地就轉移去3V既創意館影內影喇!Studio環境好舒服










    事前好擔心郭生唔識擺pose,又驚佢聽唔明普通話喎,好在攝影師雷蒙係講流利既廣東話而且佢好識帶動氣氛係郭生成日都俾我地笑眼神無戲囉佢最後忍唔住終於豁出去,擺左個補習天王既pose!



    總結整日既拍攝係好輕鬆架!可能我地影既景點唔多,唔算太累!完左拍攝,我即刻問郭生好唔好玩,想唔想影多一輯

    聽日已經可以去3V揀相喇,好緊張呀🥰🥰


  • Yannnbb 創建了新相簿 20190316 3日前
  • Yannnbb 評論了 kukuma 的BLOG 王子PW 分享圖出左啦!! 6日前
  • Yannnbb 評論了 kukuma 的BLOG 王子PW 分享圖出左啦!! 6日前
  • Yannnbb 發表了新BLOG 8日前
    郭生。準郭太 3V Pre-wedding: 揀衫篇
    期待已久的Pre-wedding終於都完成左🥰Pre-wedding咁重要既事,郭生好出奇地好樂意咁同我慢慢研究🤭(平時唔踢都唔陏架)

    去外國影: 我地由頭都尾都無諗過

    香港影: 無乜景想影

    韓國影: Plan結婚前一直都係諗住去韓國影,點知見到同事影完又變左無衝動🤷‍♀️

    咁得返大陸同台灣二選一

    台灣原本想去台中搵返朋友影過既,但郭生話大陸d相岩心水d(其實我覺得佢係比婚展班台灣人嚇親)

    搵大陸既婚攝公司,我地覺得首選條件係,一。定。要。有。朋。友。影。過成日都好驚有d鬼鼠條款,我地真係務求搵陣!!

    我地搵左3V同王子兩者去揀,2間既風格都好似!有聽聞過王子其實係3V分拆出黎!我地最後揀左3V!(郭生有個朋友影完好靚,我自己身邊都有幾個朋友影過!)

    我地係12月婚展Join既,我地Join左城堡+創意館+創意館夜景,原本個plan係仲有個金沙灣(沙灘),但我實左太懶,我同Sales講唔影沙灘 

    落左訂之後,Sales會開個wechat group,入面除左佢,仲有好多人,例如經理,同之後會負責你張單既客服等等 平時我有問題問,group入面既同事都覆得好快,但我個客服就真係無左個影🤷‍♀️

    後來係WOW先發現有B2B開左個3V whatsapp group大家互相交流意見。原來客服好重要,有d好既客服係會幫到好多手,例如你睇岩d衫款,可以幫你留定咁。

    可惜我地係婚展join plan,我地都應該係隨機派俾客服,我同郭生都認為,唔係直接搵佢join,都可能真係會無咁上心,我地只求順利,無伏就得

    等左話要減肥但又無減到既幾個月之後,終於都到影相既日子喇落單時已經幫我地定左影相既前一日到深圳3V去揀衫!

    我無記錯係分3個揀衫時間,10點、1點、同6點!雖然3V真係好多衫既選擇,但早去真係搵到心水既機會會越大如果咁岩俾人留左,你其本上就唔會見到個條裙(除非佢地同款有多條)

    3V地點好方便,羅湖過左關轉地鐵,搭一個站到國貿站已經到! (國貿站exit B,一出直行行到燈口位轉左,行多幾間舖就到!)

    一到埗既感覺係,嘩!好靚呀!       

    坐低等左陣,服裝師小C就幫我開始搵衫喇!揀衫位好大,每行都分左類,Aline、魚尾、紅裙、彩紗...基本上諗到都會有!每套衫既衫袋外都有張相,揀衫就係睇個張相去揀。想試既,同服裝師講佢就會即刻幫你留起。

       

    我可以揀4套,揀衫前我覺得要好清晰自己想搵咩衫係for咩景,始終服務師既品味未必岩自己,當然佢建議得既都可以試下無妨啦 試左覺得唔鍾意既可以同佢講唔考慮,覺得唔錯既叫佢留住先,如果唔係佢就會秒速既掛返好件衫俾其他人揀🤪

    城堡景: 10個有10個都係影大拖尾當然我都係啦 

     
      

     
        

    城堡街景: 諗住黑色或者紅色,之前已經搵定2件心水既款,點知2件都無係度,剩係既黑色又唔太岩,好彩有件紅色都唔錯!  

    創意館: 想影d韓式感覺,搵d簡約款為主

             

    創意夜影: 由頭都尾都無idea,服裝師建議搵輕盈款,自問唔係走甜美路線,彩紗同短身既我都唔考慮‍♀️  

     
    試完我個d,就到郭生試喇!我想講,男裝衫既選擇都有好多我地有係趙太個度買定件恤衫上去襯,其實3V個度都好多,而且都好Fit身        

    郭生可以揀3套,男裝我地真係覺得有驚喜喎!之前仲好驚d款會好老套,又驚西褲唔修身!郭生一向好怕試衫,但佢試完都覺得自己靚仔左        

    最後我地揀左呢4條裙同3套西裝!我覺得佢地d衫都算多,而且都幾新淨喎!當然,你唔可以要求太過高,有d位係會有污積,有d lace位都可能之前已經勾到過!但我覺得,佢地都會執相架嘛,呢d問題可以靠執相解決得到! (放心,我地試左咁多套都無異味   

    拍攝當日雖然天氣唔係十分好,但一切都好順利!花絮相下次再你地分享🥰🥰



     

      
  • Yannnbb 上傳了新圖片 8日前
    手機上載
    共 1 張圖片

新婚檔案

我們的大喜日子 : 13/12/2019

全部 相簿

全部 BLOG