婚享同學會


可用已有生活易帳號

登入


未有生活易帳號?

立即註冊

bellajunjun的動態

bellajunjun的主頁 | 打個招呼

2021-05-09

  • bellajunjun 發表了新BLOG 4日前
    💛wwjnbd💛#21 姊妹裙&兄弟西裝試身體驗👔👗

    揀完婚紗禮服加媽媽衫後,下一樣要處理嘅就係兄弟姊妹衫👫其實當中我都有心思思想淘寶訂,但淘左兩次度身訂造都唔岩身😩又試過搵香港一啲鋪頭,但發現一係試身地方太窄,一係就係質素同款式都馬馬🥺比較好嘅,又好貴😢(因為我地兄弟姊妹人數比較多,所以想一pair人嘅預算大約$700左右🙈)


    就係我灰心失意之際,就俾我見到之前有b2b介紹嘅高質姊妹裙小店,呢排居然有做埋兄弟衫😱😱而且仲要推岀限時兄弟姊妹套裝優惠💃🏻👯‍♀️所以,我好快就叫埋男友上去睇下🙋🏻‍♀️


    
(一)預約試身🕤

    可能你會問,點解你地要去試身嘅?🤣🤣因為我覺得做得兄弟姊妹都係好好好朋友,當然要試過係好,先揀俾佢地啦💛


    所以,我就先whatsapp預約,上到去每人可以免費試三件3️⃣仲可以影相做紀錄📝咁樣之後就可以send俾啲兄弟姊妹做參考👍🏻👍🏻


    (二)地點🏢

    係觀塘工業區內,一條直路就到,好易搵到👀非常方便兄弟姊妹上去度身🤗


    (三)試身過程👚

    一上到去環境好大,好舒服😍我覺得呢點真係好重要🙈因為如果姊妹比較多,地方窄試身就好唔方便🥺而且,小店好貼心咁分左女裝部👩🏻同男裝部👨🏻,有客人時男士係唔可以入去女裝部😆咁樣啲姊妹就更加安心💛


    老闆娘同佢老公都非常nice,又會俾下意見我地點襯😚非常幫到我呢啲冇咩美感同idea嘅人😂佢地又好主動幫我地影相,一啲都冇嫌我地煩,俾我地左拼右拼📸


    
(四)兄弟姊妹質素👗👔

    因為呢間鋪一向做開姊妹裙,所以質素一啲都冇令我失望😆鋪入面嘅sample款式同顏色都好多😽而且質料都好多元化,例如:緞布、雪紡及網紗🧵我試著上身覺得非常修身,而且雖然只係sample,但都已經見到車工唔錯,冇咩走線又冇爆拉鍊位🪡


    兄弟衫雖然係新產品,但鋪入面已經有齊吊帶、馬甲、西裝褸、西裝褲、恤衫同煲呔👨🏻‍💼而且款式及碼數都唔少,一般大路款式都有齊👏🏻男友著上身後,都覺得恤衫西裝好稱身,送嘅煲呔款式都幾靚🥰加錢仲可以用姊妹裙嘅布料,製作手工煲呔添🎀



    (五)價錢💲

    兄弟西裝(馬甲、西褲、恤衫、煲呔)連埋同色唔同款嘅姊妹裙(緞布、雪紡及網紗任揀),都只係$7xx😍仲要包埋姊妹裙度身改同兄弟改褲腳,真心好抵🙈聽老闆娘話優惠好似做一個月架咋,所以一試完,我都落左訂💪🏻


    (六)試身小建議✨

    1.其實婚期前三個半月左右,就要開始叫姊妹兄弟去試身,所以可以早啲溫馨提示大家,等大家瘦定身🤣


    2.姊妹裙最好係可任選款式👗因為每個姊妹中意嘅款同身型都唔同,俾佢地自己揀,就自由度大啲,佢地都會開心啲😚


    
如果你想知呢間兄弟姊妹衫小店嘅資料,可以留言俾我,我再pm俾大家💛


    有興趣可以睇埋我其他嘅分享,我會繼續share籌備婚禮中嘅點點滴滴👇🏻👇🏻👇🏻👇🏻👇🏻

    💛wwjnbd💛婚禮文章統整目錄


2021-05-02

  • bellajunjun 發表了新BLOG 11日前
    💛wwjnbd💛#20 懷舊旗袍pre wedding初體驗📸️

    上一篇blog就分享左我去租旗袍嘅體驗😆(有興趣可以睇番👉🏻👉🏻旗袍試身) 提到過我搵左一間攝影連化妝嘅公司幫我地影左輯「旗袍」pre wedding☺️呢排我終於收到相啦‼️所以就想同大家開心share下🥰


    (一)攝影package內容📷

    呢間公司提供嘅package非常彈性,分為2️⃣/6️⃣/4️⃣/8️⃣hrs,大家可以按你所需而選擇👍🏻而且package係包化妝💄(化妝時間唔會計入package內),所以非常方便,一次過搞掂😆


    因為旗袍店係上環,為左方便還衫,我地都諗住近近地係附近影算,所以只係影左2hrs✌🏻雖然短短兩小時,但都已經包左10張精修同所有調色嘅相👍🏻收到相後,我計過啲相嘅數量都唔少😍😍


    (二)地點🏢

    化妝地點係荔枝角,好易就會搵到💪🏻化完妝我地就call uber🚘去上環,半小時內就去到旗袍店,裏面可以暫存個人物品,影相就輕鬆好多啦😌


    (三)化妝💄

    化妝師好早就已經同我聯絡📲,亦都有叫我send定我本身嘅髮色同揀左咩旗袍嘅相俾佢,做足功課📝佢見我件旗袍比較多紅色,好主動俾意見我,提議我個妝點化,又會問下我嘅意見,所以當日我都好放心交俾佢💛


    影相當日,化妝師相當用心❤️特別係眼妝嘅部份,佢真係好仔細幫我調整,令到我對眼更加bling bling👀而且髮型方面都好配合旗袍嘅復古風格📜


    影相期間,佢都全程係到👏🏻一有時間就補妝同幫我地手拎野,仲幫我地側拍左唔少相同影片,真係好好💯


    (四)拍攝過程📸️

    影相前,攝影師一早問左我地想影邊到,然後好快已經幫我地諗好路線🗺所以我地係旗袍店集合後,就跟住佢帶我地去到唔同嘅景點📍


    雖然有左上次影相經驗,但我同男友都仍然係「硬呔」一族🤣但係攝影師真係好有耐性咁教我地,仲會示範埋比我地睇點擺post💃🏻🕺🏼企係到影嘅效果始終顯得有啲生硬,所以佢就建議我地跑下、跳下舞、抱住搖下、走動多啲咁📣而攝影師真係從中幫我地捕捉到唔少珍貴moments📸


    (五)相片質素🖼

    相片岀黎嘅效果好自然,而且我最滿意就係佢影得好有動感👯每張相都好似一張gif圖咁,睇上去人物唔會太硬綁綁咁,而係好有活力☀️揀左幾張同大家分享一下🙈


    (六)價錢💲

    正如之前所講,佢地package好多選擇,價錢都係$3xxx-6xxx內💰當然時間愈長,包嘅精修就愈多啦😉以選擇咁有彈性,加上相片、化妝質素黎講,我覺得對於小資新人/想影多幾輯相嘅新人,真係個唔錯嘅選擇💛


    (七)pre wedding小貼士✨

    1.揀pre wedding公司最重要係了解自己同另一半鍾意嘅風格,然後再睇多啲佢地ig啲相📱愈睇愈鍾意就可以去馬🤣


    2.旗袍店有得借小手袋,記得一定要借,係影相好好嘅道具🤩


    3.通常full day pre wedding都包影一套便服,我覺得旗袍真係一個唔錯嘅選擇😌如果想方便啲,可以租兩日一夜,或者早上影完婚紗,晏就先去租旗袍又得,咁就更加划算🙈


    如果大家對呢間攝影公司同化妝有興趣,可以係下面留言,我再pm大家💛

    有興趣可以睇埋我其他嘅分享,我會繼續share籌備婚禮中嘅點點滴滴👇🏻👇🏻👇🏻👇🏻👇🏻

    💛wwjnbd💛婚禮文章統整目錄