婚享同學會


可用已有生活易帳號

登入


未有生活易帳號?

立即註冊

鯨魚家姐‧蝦子細佬的BLOG

鯨魚家姐‧蝦子細佬的主頁 | 查看全部BLOG
自我介紹:
鯨魚家姐.蝦子細佬既逗人歡樂,也惹人煩躁,最喜愛玩樂,也熱衷運動,專門搜羅親子好去處、好玩趣味之郊遊及旅遊路線。 Facebook: https://m.facebook.com/KaileynKarson 合作或活動邀請Email: kaylienkarson@gmail.com

你可能也喜歡…

當前第 26 個 | 共 42 個BLOG      上一個 | 下一個
查看BLOG | 返回BLOG列表

係咪一大拖住兩小好恰啲? 人媽的慘況!!

By 鯨魚家姐‧蝦子細佬 (聯絡作者) 於 2019-07-19 10:19

人善已經被人欺,如一大拖住兩小仲會被人恰獲金!

鯨媽總覺得多一事不如少一事,大事化小,D衰野好快就會過去! 我秉持呢個信念良久,但發覺被人恰情況持續,當我獨自一個拖住兩個小朋友時,出現次數更多! 係咪啲人特別鐘意欺負弱小?? 尤其一大拖兩小! 



有一次搭lift
,本身有3-4個人係lift度,停到我那一層時,我就入lift並持續向後移動,讓更多人可以入lift,直至小腿撞到貨物就停下,然後有個送貨男人就立即出聲話:「你想非禮我啊?」本能反應即刻回佢sorry並向前移動......後來,我同朋友講返件事,佢地就話我傻,人多擠逼好正常,仲要撞到死物唔係男人,恨不得幫我出頭! 係囉,我明明係良家婦女來架,點會去非禮啫,只怪我怕事!

又有一日,我送兩小返學,因落雨同趕時間就去坐的士,正常係$24唔洗跳標就到,點知落車比錢時,司機就已經黑我面,仲問候我娘親,我O晒咀,究竟我做錯咩野! 我同自己講,應該係黑仔遇著個冇良司機啫,點知同樣情況係第二日又再次發生,但就係另一個司機,今次除左問候我娘親仲話X街快L啲走,因為今次鯨魚蝦子未落車,嚇到佢地呆左,我又唔知咩事惹著司機,又唔想係小朋友面前同司機嘈交,最後都係急急腳走人算! 連續兩日遇到衰司機,怪自己黑仔之外,我覺得司機見我一拖二恰得就恰,因為唔會反駁唔會同佢癲! 

又有一次,一拖二去茶記食野,入內向侍應表示3位,同步有個男人跟手表示1位,但那侍應無視我地,向那男人招手帶枱,跟手先走來問我幾位,大佬! 明明我來先,有咩理由唔係我地入座先?! 算數! 小朋友肚餓,我只好冇骨氣地坐低食野! 之後又有次去另一間茶記,本身想點咖哩飯食,但因為鯨魚蝦子唔食得辣,我就問個侍應隻咖哩辣唔辣,然後佢就好串咁點我冇咖哩唔辣架喎! 大佬,就係有咖哩唔辣,我先多口問句啫! 難道一拖二真係好恰啲?!



作為人媽嘅你,我諗都有遇過類似情況,好似行步路食下野都阻住地球轉咁,一拖二究竟做錯咩喎!! 難道次次都要扮大媽潑婦罵街咁先得?! 我諗我要強悍起來,保護小朋友,唔可以再比人恰!

更多親子分享,請Like & Follow 鯨魚家姐‧蝦子細佬Facebook IG啦!

75 次閱讀 | 0 個評論
Facebook WOW Google+ Weibo Mail
當前第 26 個 | 共 42 個BLOG      上一個 | 下一個

留下足跡

評論


您需要先登入才能繼續本操作