婚享同學會


可用已有生活易帳號

登入


未有生活易帳號?

立即註冊

lhslcwy的BLOG

lhslcwy的主頁 | 查看全部BLOG
自我介紹:
喜愛手作的90後女生。 喜歡簡約的設計與生活❤ 最愛日本最愛日本最愛日本最愛日本✈

你可能也喜歡…

當前第 4 個 | 共 117 個BLOG      上一個 | 下一個
查看BLOG | 返回BLOG列表

《S先生與Y小姐》- EP77 為爸爸、新郎挑選過百款平靚正舒適傳統工藝皮鞋(附女裝鞋

By lhslcwy (聯絡作者) 於 2020-05-09 14:37
Hello, 又係我Y小姐啊


自己嘅大日子,除咗自己同埋S先生要靚之外,我地都想屋企人當日都可以著得舒適又靚靚咁Enjoy the moment!
始終佢地(尤其係四大長老) 平時無乜機會可以著西裝晚裝盛裝打扮,可以嘅話都想為佢地預備到最好!
所以除咗女士們要由頭到腳咁扮靚靚之外,都唔好唔記得要照顧埋一眾男士當日嘅一身裝束啊,佢地都係當日嘅主角之一丫嘛!



呢排一直都幫爸爸物色緊一對有型有款嘅皮鞋
款式一定唔可以係老土(爸爸對打扮有要求,老土款佢一定唔鍾意) ,同埋著得舒服都好緊要!
而價錢最好就around$500-$1000!始終平時唔會點著返,佢千叮萬囑唔洗揾太貴嘅!

點知!!尋日居然發現S先生買咗婚鞋嗰間皮鞋店又有優惠喇!機會黎喇飛雲!!!(今次係另一間分店先會有呢個超值優惠)
S先生上次都買多對黎返工著,佢嘅comment係皮軟舒服,估唔到幾好著,又唔刮腳!
全場過百款男士皮鞋&超多款女裝鞋(亦有適合做婚鞋嘅高爭鞋/ 矮爭鞋/紅鞋/平底鞋)都係四折,兩對起就有三折(可混款!男女鞋、手袋都得) ,真係超抵!
男裝鞋款最平折完$300就有,女裝鞋款我見有d款式折完唔洗$200!
重點係呢個品牌擁有四十年歷史傳統工藝,亦有唔少分店!店面大、環境又舒適,爸爸媽咪可以舒舒服服咁慢慢試慢慢揀(大家明呢點有幾重要架啦 )



比起上次嗰間分店,呢間分店更大更多鞋款!
同樣地,款式選擇都唔少!傳統款、返工款、英倫款、穩陣爸爸款、Casual款,咩風格都有!
顏色選擇亦多,有黑色、淺啡、深啡、深藍,同埋酒紅色!啞面/令面都有!
暫時碼數都幾齊(普遍男士碼數) ,連我爸爸呢d細腳男士(38號碼)都有唔少心水款式岩Size!




以下呢三對簡約版軟皮英倫風嘅款式超抵啊!原價$999-$1199!

左:$999 (四折$400,三折$300) 
右:$1199 (四折$480,三折$360) 

呢對都係$999 (四折$400,三折$300) 



爸爸都試咗好多款,揀得好開心!
不過初初唔記得幫佢影相!同埋有d無佢碼嘅款都無影到相!

呢兩對係最後兩強,兩對都係令面漸變啡色軟皮嘅鞋款
一對係綁帶款,另一對就係鞋扣款(佢覺得唔洗綁帶嗰對方便d,但就無咁靚) !我都估唔到爸爸會鍾意呢d咁年輕嘅款式!仲要係佢自己揀架,哈哈!

最後我地一致認為呢對型d靚d,同埋會襯返我地訂俾佢嗰套度身訂造西裝多d(呢個又係另一高質Item,不得不分享!不過我未有時間同佢去Final Fit,到時再同大家分享!) 
呢對$1298 ,三折後只需$390!爸爸鍾意之餘,仲比起預先嘅Budget平咗好多,大家都開心



本身叫埋S先生爸爸去睇,但佢已經有對新皮鞋,所以佢話唔洗再買俾佢喇!
由於兩對或以上先有三折,所以就叫S先生揀多對返工著!反正黎緊夏天會成日落雨,平平地預多兩三對更換都好!
望落同爸爸揀嗰對有d似,但係係深啡色同埋有d細緻位係好唔同嘅!呢對$1599 ,三折後$480!
温馨提示:我係臨時叫S先生收工去睇,所以逢星期五可以Casual Wear嘅佢無著到恤衫西褲!
如果大家打算同爸爸們/男朋友去睇,最好叫佢地著返同Big Day條西褲顏色相似嘅褲去試!愈貼近當日嘅裝束(下身) 效果會愈好!




另外,呢間分店有大量女裝鞋
有部份鞋款可以當係婚鞋/出門紅鞋!
亦有大量矮爭鞋/平底鞋,不妨可以帶媽咪去試下!
有d鞋款折完唔洗$200就有!都幾舒服,買黎返工著都幾好!超值!
其實女裝鞋仲多過男裝!不過今次主要係買皮鞋俾爸爸,所以無乜點睇&影低d女裝鞋款!




搬遷清貨只限呢間分店架咋,優惠期去到18/5/2020!相信碼數同款式會愈黎愈少,有興趣嘅B2B真係要快d去睇下喇!(我地等咗大半年先再遇到呢個優惠,真係平靚正!) 




有野想問可以留言俾我架,同埋記住留低腳印啊

有興趣睇埋之前嘅Blog,可以㩒下面條Link!
已經分門別類咗架喇,方便大家搵到想睇嘅Blog

《S先生與Y小姐》- 籌備婚禮文章統整


可以Follow埋我地IG:fiancee_y_and_fiance_s
我地會喺嗰到Share一d短片同埋籌備過程&點滴!
發現好野但又趕唔切喺到分享嘅時候,可以即時喺Story Update俾大家
1071 次閱讀 | 188 個評論
Facebook WOW Google+ Weibo Mail
當前第 4 個 | 共 117 個BLOG      上一個 | 下一個

評論


您需要先登入才能繼續本操作