婚享同學會


可用已有生活易帳號

登入


未有生活易帳號?

立即註冊

lhslcwy的BLOG

lhslcwy的主頁 | 查看全部BLOG
自我介紹:
喜愛手作的90後女生。 喜歡簡約的設計與生活❤ 最愛日本最愛日本最愛日本最愛日本✈

你可能也喜歡…

當前第 8 個 | 共 129 個BLOG      上一個 | 下一個
查看BLOG | 返回BLOG列表

《S先生與Y小姐》- EP80 超顯瘦靚Cutting平靚正嫁衣 #我的夢想婚禮

By lhslcwy (聯絡作者) 於 2020-06-09 14:17
Hello, 我係Y小姐啊



岩岩同咗姐妹齊齊去完呢間婚紗店試身就急不及待要同大家分享喇
呢間婚紗店嘅嫁衣雖然唔係歐美大品牌,但係無論Quality定係剪裁都充滿驚喜!
估唔到試咗咁多條裙,全部都勁顯瘦勁Fit身,每條裙嘅Cutting都好適合亞洲女仔身型!
除咗大拖尾嘅婚紗晚裝之外,仲有輕紗款!佢地亦引入咗韓星御用嘅品牌嫁衣,同樣係性價比極高!
喺呢個咁艱難嘅日子,呢間小店仲做緊單租Promotion同各位新人一齊共渡時艱tim



首先分享下又靚又瘦嘅姐妹試身記先
佢Total試咗五條,其中兩條我都有試到!

宮殿式Bling Bling兩穿A Line
呢件婚紗係呢間婚紗店嘅Signature,唔少B2B去親都會試!
喺佢地Ig見到已經覺得款式高貴典雅,全條裙都有唔少Detail位!
吊帶同手臂之間嗰串珠珠為整條裙加咗唔少分,公主款得黎又有特色!
上身由立體花布加珠珠組成,而胸口Deep V位置都有立體花刺繡設計,手工精緻!成條裙係超閃!
裙擺布料挺身得黎自然唔誇張,係輕量版嘅宮殿式拖尾A Line!無論March in 定係喺歐陸式建築物影PW都好適合
修飾手臂一字肩穿法:


上膊珠串形成幼帶款:



歐式靚Lace小清新A Line
呢件婚紗用咗大量嘅Lace元素,配合埋上身嘅Bling Bling閃石小花朵刺繡,輕盈温柔!
胸口位置有一層碎花Lace布覆蓋,加埋腰間兩側嘅透視設計,顯露小性感!適合唔習慣展露身材嘅B2B!
呢類全Lace簡約款式嘅A Line婚紗喺歐美國家好Hit,佢地會著住黎喺草地上翩翩起舞!係小清新嘅感覺啊
個人非常推薦揀全Lace嘅A Line婚紗影小清新風格嘅PW,因為會顯得身型高挑修長!我之前都著過呢類Cutting嘅婚紗影PW(係高腰心型胸Deep V小拖尾款 ) ,出到黎效果真係好瘦好靚!


古典輕紗拖尾背殺A Line
呢件婚紗嘅亮點係背面嘅花藝圖騰刺繡同埋輕紗長拖尾,係古典Style啊!
遠睇好似心型胸Low Cut款咁,其實佢係背心型嘅A Line!所以非常安全穩陣,唔洗擔心會跣落黎!
雖然係拉鏈款嘅設計,但效果出乎意料地修腰!加埋背後嘅V Shape Design,有助修飾背部線條,更加顯瘦
裙尾有波浪邊嘅Lace點綴,襯托返背脊嘅復古圖案,突顯古典風格!




之後呢兩條係我地兩個都有試嘅裙款

仙氣唯美氣質A Line
自從有次試過國際品牌嘅幼帶輕紗之後就一直念念不忘!
呢間婚紗店居然都有呢類唯美清新Style嘅輕婚紗!重點係無論係Cutting定係舒適程度都出乎意料地高質,價錢仲好經濟!
一著上身我地都驚呼:嘩!好舒服啊!好輕身啊!超顯瘦啊!
上身嘅刺繡非常細緻,影相出黎嘅效果好突出!腰間係半透Girdle嘅設計,所以唔需要著任何束褲都超級超級超級修腰!加埋前V後V嘅Design,令到整體效果超顯瘦️!
估唔到姊妹都一樣咁鍾意呢類簡約唯美嘅輕婚紗!影PW時著住黎跑跑跳跳影相都無難道!
幻想喺舉行Cocktail Ceremony嗰陣時著住呢條有小拖尾嘅輕紗黎迎賓,真係非常適合!又靚又輕身,最緊要係超超超超超顯瘦️!

姊妹試身效果:

我嘅試身效果:


特色一字肩雙色A Line
呢件婚紗嘅特別之處在於佢嘅雙色設計!
上身運用咗Nude色嘅布料,加上Bling Bling嘅玫瑰花刺繡!而下身就係網紗+玫瑰花圖案嘅設計!
一字肩可以遮一遮Bye Bye肉,有助修飾手臂線條!呢條不粗不幼嘅一字肩肩帶正好遮到手臂最粗嘅位置同埋副乳!
好多時一字肩嘅手袖會令到雙手無辦法遞高,但著上呢條裙之後手臂仍然可以活動自如️!
姊妹試身效果:

我嘅試身效果:




最後仲有我試嘅另外三件婚紗

若隱若現一字肩浪漫A Line
呢件Nude色婚紗雖然係偏向浪漫公主Style,但近睇都幾Sexy架,有d似以色列婚紗嘅Style!
上身除咗有歐式立體Pattern點綴之外,就只有胸墊,其他部位幾乎係半透鏤空嘅!係若隱若現嘅性感!
而呢條裙嘅一字肩比起上一條裙係挺身d又闊身d嘅,所以視覺效果都完全唔一樣!
由手袖、背部,去到整條長拖尾上都有刺繡圖案點綴,就算影後都唔洗驚會單調


魚尾 & A Line集合於一身飄逸輕婚紗
呢件輕紗係小清新Style!裙身佈滿小花小草,加埋兩袖嘅飄逸薄紗,姐妹稱佢為仙子裙!
其實佢係Mermaid黎嘅,腰間加咗輕紗營造A Line嘅效果!平時唔敢嘗試魚尾嘅B2B可以試下呢類型嘅裙款,可以修飾到假胯寬嘅問題!
只要輕輕將腰間嘅輕紗向後擺,就會變返一件突顯曲線嘅Mermaid!一件婚紗,兩種風格,可塑性高!我覺得呢條裙好適合著去樹林影PW,坐喺樹幹上面影逆光照真係會好似仙子咁!
另外就係裙尾都有小小嘅拖尾,唔係平腳設計!個人望落高挑咗,身型比例又靚d!重點係非常非常輕身,方便走動!全條裙有好多細緻嘅Design,視覺效果豐富
不過其實呢條裙唔岩我Size,前一位租呢條裙嘅B2B應該好Slim!我係差d拉唔埋條拉鏈,好勉強先拉到,所以會有少少壓胸同埋背脊有d咇肉,大家唔好介意!哈哈!


閃閃閃閃閃爆修身Mermaid
Staff一拎出黎先知呢件重手工婚紗係咁Bling Bling,由頭到腳都非常閃爍!
而佢嘅拖尾係由輕紗拼接而成嘅,所以都洗擔心咁重手工嘅婚紗會太重身!
幼帶設計加添咗安全感,令到胸口位置更加貼,唔洗擔心Deep V位置會走光!仲可以收埋副乳
著魚尾最怕剪裁唔適合自己,會令到身型比例唔靚!呢條裙就無呢個問題,都幾修身!




呢間婚紗店嘅婚紗禮服性價比高!仲有大量紅裙、媽媽衫,同埋西裝!好岩小資新娘!
值得一讚嘅係裙款Cutting好岩香港女仔身型,著上身之後非常顯瘦,仲可以收埋鬼鼠肉同埋副乳!
行過未必會留意到呢間小店有婚紗禮服租借,仲以為得媽媽衫同埋西裝!多謝攝影師介紹,我地先知樓上有個神秘小天地,仲有Special Discount 7折tim!
有興趣嘅B2B記得要Make Appointment先上去啊

最後,有個小彩蛋獎勵睇到最後嘅你地!想知點樣先會享有Extra Discount(平時最多8折) ,可以留言等我PM架!





有野想問可以留言/PM我架,同埋記住留低腳印啊

有興趣睇埋之前嘅Blog,可以㩒下面條Link!
已經分門別類咗架喇,方便大家搵到想睇嘅Blog
可以Follow埋我地IG:fiancee_y_and_fiance_s
我地會喺嗰到Share一d短片同埋籌備過程&點滴!
發現好野但又趕唔切喺到分享嘅時候,可以即時喺Story Update俾大家
1858 次閱讀 | 122 個評論
Facebook WOW Google+ Weibo Mail
當前第 8 個 | 共 129 個BLOG      上一個 | 下一個

評論

 122 12345

您需要先登入才能繼續本操作