婚享同學會


可用已有生活易帳號

登入


未有生活易帳號?

立即註冊

lhslcwy的BLOG

lhslcwy的主頁 | 查看全部BLOG
自我介紹:
喜愛手作的90後女生。 喜歡簡約的設計與生活❤ 最愛日本最愛日本最愛日本最愛日本✈

你可能也喜歡…

當前第 12 個 | 共 139 個BLOG      上一個 | 下一個
查看BLOG | 返回BLOG列表

《S先生與Y小姐》- EP83一次過滿足哂三個願望嘅文青Vintage Blue Tone Colour相片集

By lhslcwy (聯絡作者) 於 2020-07-01 06:55
Hello, 我係Y小姐啊



今次想分享一輯我自己非常非常之鍾意嘅Blue Tone Colour相片集俾大家
呢輯相對我黎講係一個新嘗試,有別於之前幾輯嘅Style!朋友們嘅Comment都好一致,覺得同平時嘅我好唔同!整體感覺好Vintage & 充滿女人味!
攝影師分別用咗數碼相機、菲林相機,同埋航拍器材拍攝!估唔到會有猶如Big Day咁Large Production,一次過滿足哂我三個願望,整個拍攝過程都驚喜連連



當日一早去咗化妝室化妝先,化妝師安排咗個環境舒適嘅Studio幫我化妝!
之前提及過,我一化得太濃妝就會好顯老!加上我兩隻眼都有多層眼皮,仲要兩邊嘅摺位都唔一樣,要化得好化得靚真係好高難度!
妝容方面,我只係預先Send咗自己嘅相俾
化妝師睇,無咩特別要求!通常我都會等化妝師自由發揮,佢地一定會發掘到最適合自己嘅Style


不得不讚,今次呢位化妝師擁有獨特嘅慧眼,佢居然發掘咗不一樣嘅我出黎
之前不外乎都係韓系/日系/小清新嘅Make Up呢位化妝師大膽咁為我打造咗偏歐美嘅妝容
至於髮型方面,我就希望有自然飄逸嘅效果所以選擇咗簡單嘅捲髮造型,唔需要特別編髮雖然只係簡單咁夾曲把頭髮,但都好考化妝師技巧因為我把頭髮又長又厚,仲要無剪到層次,一個唔覺意就會變成好整齊嘅復古波浪頭最後成功夾出一頭自然得黎帶點Vintage韻味嘅曲髮,係我想要嘅野

而另一個髮型就係簡單嘅編髮加埋Bling Bling頭飾,轉換埋唇色之後就變成小清新嘅感覺

呢位化妝師除咗時時刻刻都喺我身邊Standby之外,其餘所做嘅野係超出哂化妝師本身嘅範疇
除咗幫我補妝、整理頭髮,同埋婚紗之外,仲化身埋小助手幫我拎野、擔遮,吹風扇!就算自己熱到出哂汗都non-stop咁貼身照顧咗我先,真係好幫得手
佢仲好專業咁帶埋自己部相機去幫我側拍咗好多
相,等我即日就有相可以同朋友分享!感謝佢全日都Nice又Sweet咁陪住我
兩個妝容同埋髮型都非常之襯件Wedding Gown同埋菲林相風格!估唔到出到黎嘅整體效果係咁Perfect Match,我好鍾意





化完妝之後就Join埋攝影師們出發去影相喇
我期待咗好耐架喇,一直都好想影一輯菲林相
嗰種獨特嘅色調同埋復古嘅味道係菲林相先至有嘅獨一無二效果!
每筒菲林都非常珍貴,真係好考攝影師嘅功力先可以影到一輯靚相!

至於航拍機呢,就真係睇人玩就睇得多!
今次呢位攝影師居然俾咗個咁大嘅Surprise我,帶埋去飛一Round影相!

而今次呢輯偏藍調嘅相就有齊我鍾意嘅元素,係充滿文青Feel嘅Vintage感覺!
加上當日天氣好好,有藍天又有藍綠色嘅大海,出到黎嘅作品就更加有味道!
原本我地只會去一個地點影相!但係攝影師同化妝師真係好好啊,佢地見到我咁猶疑不決,就安排埋去埋另一個相鄰嘅地方影埋!仲出動埋換衫帳篷同埋私家接送,真係超Nice啊




一直都好想去石灘影一輯有山有海有石嘅相,但又唔想去太遠/太多人嘅地方影
攝影師推介嘅呢個熱點中嘅秘景就岩哂喇!地方細細有齊哂我想要嘅野!好好彩當日無其他人影,又少人,唔洗等又唔怕尷尬!重點係無乜蚊!哈!
拍攝嘅過程好輕鬆,大家一路傾住計講住笑咁影
攝影師不停咁搵唔同嘅地方同埋角度取景,令到作品嘅畫面好豐富
由於天氣真係好熱,
攝影師影一陣就會叫我坐陣休息!喺呢個時候靚靚化妝師就會擔住把遮過黎俾把風扇我吹,然後攝影師就遞部相機俾我Quick review一下




今次有位好後生嘅攝影師跟埋主攝影師一齊黎影相佢地會由多角度以數碼相機同埋菲林相機拍攝,所以我收返嘅相係海量咁多!真係意外收穫
非常欣賞兩位攝影師喺咁熱又咁曬嘅天氣下出動咁多法寶拍攝!見住佢地走上走落,成件衫濕哂都仍然不停咁按動快門,真係好專業!
最Surprise嘅係我第二日已經收到哂所有相,仲有幾張已經精修咗嘅相tim不過今次係因為攝影師咁岩有時間先可以咁神速咋,唔係必然架




簡單嘅赤腳轉圈動作已經好有意境
攝影師仲會適時引導我做一d簡單嘅肢體動作,令到我心情放鬆d,表情都無咁彊硬果然經專業人士嘅導之後,成個畫面都變得自然
同一個動作嘅相大部份都有攞齊遠鏡同埋近鏡,打直同埋打横都會有!呢個安排好細心,方便之後用d相黎製作成相簿/其他用途!
有時同一個Post又會加埋合上雙眼嘅表情,配上碧海藍天,整體嘅感覺又會唔同咗




當然唔少得海量嘅近鏡啦
最估唔到嘅係攝影師可以將發緊呆嘅我影到咁有空靈感!
不得不讚佢地真係好識得捕捉每一個Moment,喺佢地嘅鏡頭下總會有驚喜





影森林景嘅時候有個小插曲我無啦啦頭暈標冷汗,疑似中暑唔舒服
感謝化妝師即刻跑過黎扶我上車休息,仲幫我抺汗吹風扇!攝影師又帶我去樹陰下休息!好彩好快就好返好多可以繼續影
雖然喺呢個場景唔係影咗好耐,但原來攝影師們密密地喺不同角度幫我影咗唔少相
喺呢個樹林景影出黎嘅相同頭先嘅Vintage Style截然不同!化妝師幫我快速編髮改變髮型,令到整體感覺變得温柔唯美,係Elegant嘅感覺!一輯相有兩種風格,鍾意



非常感謝化妝師同埋攝影師們發掘到另一面嘅我,為我度身訂造咗一輯不一樣嘅Bridal Portrait!
呢輯相就好似記錄住自己「由懵懂女孩銳變成人妻嘅成長」咁,好有紀念價值!將來睇返都會係一輯充滿意義嘅相片集
整輯相嘅感覺同埋Colour Tone都係我鍾意嘅!藍藍的、Vintage的、文青的、空靈的、唯美的!好期待菲林相成品啊!
朋友們都叫我一定要將呢輯咁不一樣嘅相印埋落相簿!成個感覺同我地Cocktail Ceremony嘅場地好夾,我會自私曬一兩張獨照出黎擺喺Photo Corner架喇!哈!



除咗Bridal Solo之外,我見都有唔少人揾佢地影PW!Big Day註冊佢地都會接架!
我Highly Recommend大家揾佢地影一輯有温度嘅獨一無二菲林相!除咗特別之外,價格仲超優惠,一定唔會失望!

佢地嘅PW Package都好吸引!
$4000左右可以自選兩個地方拍攝,最少500張相(連20張精修) !
呢個價錢已經包咗一婚紗、一男禮,同埋化妝(連跟妝)架喇!都係我今次呢位化妝師x攝影師嘅組合,佢地又Nice又搞笑架,會好好玩!
仲有仲有,佢地時不時都會招募準新人拍攝免費嘅PW,仲有機會係拍攝珍貴嘅菲林相!攝影師影相係為開心、為興趣,所以真係好有Heart!有興趣嘅B2B快d向佢地查詢啦!



有野想問可以留言/PM我架,同埋記住留低腳印啊

有興趣睇埋之前嘅Blog,可以㩒下面條Link!
已經分門別類咗架喇,方便大家搵到想睇嘅Blog
可以Follow埋我地IG:fiancee_y_and_fiance_s
我地會喺嗰到Share一d短片同埋籌備過程&點滴!
發現好野但又趕唔切喺到分享嘅時候,可以即時喺Story Update俾大家
1368 次閱讀 | 123 個評論
Facebook WOW Google+ Weibo Mail
當前第 12 個 | 共 139 個BLOG      上一個 | 下一個

評論

 123 12345

您需要先登入才能繼續本操作