婚享同學會


可用已有生活易帳號

登入


未有生活易帳號?

立即註冊

lhslcwy的BLOG

lhslcwy的主頁 | 查看全部BLOG
自我介紹:
喜愛手作的90後女生。 喜歡簡約的設計與生活❤ 最愛日本最愛日本最愛日本最愛日本✈

你可能也喜歡…

當前第 14 個 | 共 146 個BLOG      上一個 | 下一個
查看BLOG | 返回BLOG列表

《S先生與Y小姐》- EP85 親手打造全世界只有一對的限量版摩斯密碼Couple Ring

By lhslcwy (聯絡作者) 於 2020-07-21 09:41
Hello, 我係Y小姐啊



話說S先生自己睇通勝擇咗個吉日過大禮!我被落訂喇
唔知大家有無印象,我地一齊咗咁多年都係無情侶對戒嘅呢!S先生仲唔俾我戴其他戒指飾物架,佢話只可以戴求婚戒指同埋將來嘅結婚戒指
點知過完大禮之後S先生俾咗個驚喜我!佢居然揾到個好特別嘅打金Workshop,話要由零開始一齊親手打造全世界只有一對嘅Couple Ring紀念同埋宣佈我地正式訂婚



一入到去映入眼簾嘅就係呢道意義重大嘅五顏六色Memo紙牆
工作室雖然格局唔算大,但係麻雀雖小,五臟俱全!係一個充滿文青氣息嘅小天地



木製嘅工作枱上整齊咁擺放咗唔同嘅工具,令我回想起中學上DT堂嘅畫面,好青春!
完全唔敢相信無任何打金經驗嘅我地將會親手製作一對Handmade對戒,真係超興奮



我地揀嘅Material係輕盈防敏嘅925 Sterling Silver,即係純銀!
另外亦都可以揀近年非常多人鍾意,經典獨特又帶點Vintage感覺嘅銅!
佢地仲會舉辦其他打金Workshop,甚至推出季節限定嘅工作坊/新產品,會有其他物料選擇!

而戒指/手環嘅表面,亦可以根據個人喜好去選擇唔同嘅效果!

如果鍾意表面有多d Texture嘅話,可以選擇唔同嘅金工方法處理!
無論揀邊一種款式,每個人整出黎嘅效果都會好唔同,呢個就係手作嘅吸引之處



首先量度咗指環尺寸先
導師為我地預備好所需材料就可以正式開始喇!

今次呢個Workshop需時3hrs!由頭到尾都有導師由零開始帶領住,就算我地係新手都應付到,仲超!好!玩!
雖然我地揀嘅Material係純銀,但導師講解完之後會俾塊銅片我地練習下先架!
喺呢個時候就要好好利用呢塊銅片練習&感受敲打嘅力度同埋控制字與字之間嘅距離!

畫好設計圖之後,就可以將Design好嘅英文字/數字/圖案敲打上去銀片上面喇!
今次嘅設計交由S先生全權構思!而佢嘅設計當然係別具特色啦,對我黎講絕對係充滿挑戰性!
佢打算將指環嘅整個內側不斷重覆咁敲上我地兩個嘅Initial!代表住無時無刻都會喺對方身邊,陪伴彼此一生嘅承諾
而外側就會係我地嘅結婚日期,因為原意係想用呢對戒指黎公佈正式被落訂嘅喜訊!
親戚好友當然一早就知啦,但係有d同學/同事真係未必記得我地嘅Big Day係幾時!
Send Digital嘅RSVP俾大家預人數已經係大半年前嘅事,Invitation Card又完全未開始整wo!將張相Post上Story提早Remind大家留返嗰日俾我地似乎會無咁尷尬!
事實真係有唔少舊同學/同事睇到之後就Inbox我地Confirm當日會出席見證,真係好感動



之後就需要進行初步嘅打磨程序喇!
首先要決定隻戒指嘅角係圓定方,然後再運用導師教授嘅技巧去進行打磨!
由於將文字敲打上銀片上嘅時候會令到銀片條邊有d凹凸不平,所以都需要磨返平!
我覺得呢個Step係有d難度嘅!經過導師不厭其煩咁指導,最後都順利完成

之後就要玩火喇
係啊!真係需要玩火架!

等待鐵片冷卻之後,需要用工具將銀片屈成戒指狀!
定型後就可以試下個Size岩唔岩,有需要就可以即刻調較指環大細!

最後再用工具打磨返內外就可以做到抛光嘅效果喇

最後就係揀戒指盒同埋設計下個戒指盒啦!
佢地有印章/顏色筆/貼紙/麻繩提供,可以隨意使用!
我地原本諗住咩都唔加嘅!但係發現花花印章好襯我地個Wedding Logo,所以簡單蓋咗佢上去!咁就完成喇!



Overlap款式嘅好處係由唔同角度睇會有完全唔同嘅效果,比起單圈會更有趣!

由上面望落去嘅角度睇,會好似伸出雙臂互相擁抱緊對方咁,好浪漫!

將兩隻戒指打横咁平排擺放,又會形成(Infinitas無限) 嘅圖案!好神奇!

日常配戴嘅時候,我地會將望落係素面單圈嗰邊戴向出面,呈現簡約自然效果!
我地仲打算Big Day當日將呢對戒指擺喺Reception Table / Photo Table作Deco,別具意義




喺短時間內好難掌握哂所有技巧!非常感謝導師不斷咁用心指導我地、協助我地、糾正我地,鼓勵我地,最終先可以超額完成
當日兩位導師都講解清晰又細心!遇上問題都好有耐性咁有問必答,所以真係唔需要太過擔心可唔可以完成到,Enjoy it!
最Surprise嘅係原來導師密密地喺旁邊幫我地影咗唔少花絮同埋少少動態!
多得佢咁細心我地先有咁多製作中&完成後嘅合照咋!仲影得幾靚架
我地自己都拍咗d縮時短片紀錄低個製作過程,可以去我地嘅IG Story睇下!

我同S先生都Highly recommend呢個Workshop,真係好好玩!課程內容非常充實,三個鐘嘅時間眨下眼就過,可以暫時忘憂!
初初我地會執著於每粒字嘅距離、上下位置要相若!事實當然係無可能啦,世事邊有咁完美架!
Handmade唔係追求十全十美,而係應該好好享受創作嘅慢活過程,建立共同嘅回憶!只要成品係獨一無二,又表達到我地之間嘅故事,就係最完美!



除咗戒指Workshop之外,佢地仲有舉辦手環工作坊架!
我見有準新人去佢地到親手打造結婚戒指,勁Sweet
亦都有新娘子約埋一班閨蜜姊妹一齊上去Handmade姊妹手環,物輕情意重
佢地嘅官網已經有哂唔同Workshop嘅Ratecard架喇!二人同行仲有Discount,優惠好多!
最重要嘅係,一睇到佢地嘅Memo紙牆就知道呢間係非常值得支持嘅小店啦!親手製作真係比起買現成嘅Product有温度、有意義好多架!



有野想問可以留言/PM我架,同埋記住留低腳印啊

有興趣睇埋之前嘅Blog,可以㩒下面條Link!
已經分門別類咗架喇,方便大家搵到想睇嘅Blog

可以Follow埋我地IG:fiancee_y_and_fiance_s
我地會喺嗰到Share一d短片同埋籌備過程&點滴!
發現好野但又趕唔切喺到分享嘅時候,可以即時喺Story Update俾大家
1248 次閱讀 | 38 個評論
Facebook WOW Google+ Weibo Mail
當前第 14 個 | 共 146 個BLOG      上一個 | 下一個

評論

 38 12

您需要先登入才能繼續本操作