婚享同學會


可用已有生活易帳號

登入


未有生活易帳號?

立即註冊

lhslcwy的BLOG

lhslcwy的主頁 | 查看全部BLOG
自我介紹:
喜愛手作的90後女生。 喜歡簡約的設計與生活❤ 最愛日本最愛日本最愛日本最愛日本✈

你可能也喜歡…

當前第 11 個 | 共 146 個BLOG      上一個 | 下一個
查看BLOG | 返回BLOG列表

《S先生與Y小姐》- EP86 婚禮必備加分DECO-小清新文青押花玻璃畫

By lhslcwy (聯絡作者) 於 2020-08-01 01:00
Hello, 又係我Y小姐啊



籌備婚禮嘅過程中,最有滿足感就係發掘到一間又一間嘅高質Vendor
由於婚宴場地已經有唔少現成Deco,所以我地一直以黎嘅策略都係自己親自搜羅/製作唔同嘅裝飾品,同埋揾唔同嘅Deco公司散租合適嘅Items!
雖然會花多咗時間,但比起揾同一間Deco公司提供一條龍服務彈性得多!精挑細選下,每件裝飾品都真係我地嘅The One,每一個Item都蘊藏住特別意義!
今次想同大家分享嘅係而家好Hit嘅文青風押花玻璃畫,無論係用作婚禮佈置定係家居佈置都超加分!係有質感嘅小清新Deco,真係好靚好靚好靚架



幸運之神眷顧,一直Follow開嘅人氣本地設計品牌推出Floral Initial玻璃畫Workshop,可以親手製作一幅獨一無二嘅押花作品
近排疫情嚴重,Designer仲好貼心咁推出咗Workshop材料包,等大家有多個選擇,可以DIY at Home

一去到Studio已經見到導師(即係Designer) 預備好哂所有材料喇!
除咗玻璃畫框之外,仲有顏料同埋海量嘅保鮮花
導師一早就問定我想寫咩英文字母,原來佢已經事先幫我起咗Initial嘅初稿,好貼心!
而保鮮花就已經按顏色分哂類,一目了然!方便我地揀選同埋配襯




點解我唔係整S / Y,而係L?因為圓婚後我嘅身份將會有所轉變,會由Y小姐變為L太太!
When two become one,我地就會係L's Family L可以代表身份上嘅轉變,亦可以Stand for LOVE!
喺Workshop開始之前,導師會了解咗我地嘅喜好先,再一步步咁教我地製作!
左下角嘅字型係導師預先幫我地設計嘅,亦已經好貼心咁起埋初稿!即使毫無藝術天份,都唔洗擔心!都係嗰句,Enjoy it
雖然我知道畫直線會容易d掌握,但係我地都係鍾情了草!所以最後都係決定向高難度挑戰,嘗試自己重新起稿!
選擇困難症嘅我遲遲都揀唔岩字型,又唔敢落筆!好彩導師俾咗唔少意見我,先可以咁順利!



起完稿之後就開始揀顏料上色喇!可以揀型格嘅黑色/清新嘅白色,Depends on自己鍾意嘅風格!
經過導師嘅鼓勵之後,我決定毫無保留咁放膽去畫,慶幸效果比想像中好!事實證明,藝術真係可以發掘到一個人嘅另一面出黎,放膽去試就會有意想不到嘅驚喜!
畫initial應該係用得最多時間嘅一Part!真係辛苦哂導師係咁幫我地補筆執漏,又忙住幫我地吹乾再上色,好有耐性!最估唔到嘅係佢仲化身為攝影師幫我地影低咗d側拍,記錄低我地努力嘅過程



我地嘅Wedding Theme Color係Blue,所以毫無懸念咁用藍色系嘅保鮮花去裝飾
拼湊嘅過程好得意,未到最後都唔會知道效果係點!憑空想像可以激發到創意,結果往往係充滿驚喜嘅,真係好有趣!
No idea都唔洗驚,導師會根據你心目中想要嘅Color Tone/效果俾意見你!我仲學識運用多d米白色嘅花/葉材去增加層次感tim!



登登登登!完成
白色字加上金色玻璃相框真係Perfect Match,整體感覺好有質感!
用藍色保鮮花作主調效果突出,切合到我地嘅主題!藍色真係好靚,鍾意
和諧嘅Earth Tone都係我杯茶,非常適合用作家居掛畫佈置!掛喺白牆上已經好Eye catching




導師係一位又Young又有才華嘅本地Designer黎嘅!
由Wtsapp溝通到真正見面都覺得佢真係好有禮貌,仲要每次都幾乎係秒回!最鍾意嘅係佢嘅真性情,熱情直率可愛,好有Heart
最可愛嘅係佢同我地夾Dress Code,仲帶咗好多Props去幫大家嘅作品影美照!真係好Cute
完咗Workshop之後,佢仲俾咗個小驚喜我地,送上親手寫嘅心意卡!見到預祝我地婚禮順利嘅窩心字句,真係好感動
對於鍾意小手作嘅我黎講,呢兩個半鐘嘅Workshop真係又好玩又有成功感!每位同學嘅作品風格都唔一樣,可以Tailor Made自己鍾意嘅Style!



當初Follow呢位Designer係俾佢相簿&Invitation Card嘅獨特設計吸引到!
最特別嘅係佢會根據每位客人嘅故事去Design相簿嘅每一頁,係真正獨一無二嘅設計!
聽Designer講,所有製作同埋印刷都係Made in HK架,係真本土製作!好值得支持鼓勵
至於佢地嘅Floral Initial Workshop,而家仲做緊二人同行優惠架!可以等疫情好轉嘅時候同另一半一齊去整,Big Day當日用黎做Deco,重可以用作新居佈置tim!



有野想問可以留言/PM我架,同埋記住留低腳印啊

有興趣睇埋之前嘅Blog,可以㩒下面條Link!
已經分門別類咗架喇,方便大家搵到想睇嘅Blog

可以Follow埋我地IG:fiancee_y_and_fiance_s
我地會喺嗰到Share一d短片同埋籌備過程&點滴!
發現好野但又趕唔切喺到分享嘅時候,可以即時喺Story Update俾大家
1167 次閱讀 | 22 個評論
Facebook WOW Google+ Weibo Mail
當前第 11 個 | 共 146 個BLOG      上一個 | 下一個

評論


您需要先登入才能繼續本操作