婚享同學會


可用已有生活易帳號

登入


未有生活易帳號?

立即註冊

lhslcwy的BLOG

lhslcwy的主頁 | 查看全部BLOG
自我介紹:
喜愛手作的90後女生。 喜歡簡約的設計與生活❤ 最愛日本最愛日本最愛日本最愛日本✈

你可能也喜歡…

當前第 8 個 | 共 146 個BLOG      上一個 | 下一個
查看BLOG | 返回BLOG列表

《S先生與Y小姐》- EP88 爸爸超滿意精選-靚Cutting顯瘦收肚腩高質西裝🤵

By lhslcwy (聯絡作者) 於 2020-08-12 21:13
Hello, 又係我Y小姐啊



爸爸係主婚人,喺證婚儀式上出鏡率好高!
由進場、交付,到註冊嘅每個感動時刻都會有爸爸嘅身影!
我地一早就決定會幫兩位爸爸訂製新西裝,希望佢地當日都可以靚靚仔仔🤵
S爸堅持唔需要重新訂造,因為佢多年前訂造嘅長青款格紋西裝仲Keep得好好,又岩身!
至於Y爸就呢十幾年都無再試過著到咁正式,所以難度在於說服到佢願意訂造過套新西裝!
爸爸唔想我地擺太多Budget喺佢嘅服飾上!我地嘅Target係揾間用料靚、選擇多,又物超所值嘅禮服店!款靚之餘,著得舒適自在都好緊要!



舖面整齊企理,又有位可以坐住等,帶多幾位屋企人去幫下眼都無問題!
佢地嘅Tailor Made Package價格非常經濟,比起連鎖西裝店做緊半價優惠嘅時候仲平!
呢間禮服店嘅西裝係度身訂造嘅!由布料、顏色、鈕款、領形,剪裁細節都任君選擇
重點係店面長期會有經驗豐富嘅師傅Stay喺到,有關男士禮服嘅問題都可以向佢溝通查詢!



慶幸Y爸唔係傳統型爸爸,接受程度高,基本上咩款式佢都好樂意試!
喺揀選款式嘅時候,我地希望可以襯到媽咪件晚裝,但又唔好同S先生/S爸套西裝太相似!
由於我地嘅Wedding Theme Color係藍色,我私心希望爸爸會著藍色/灰色嘅西裝!有少少格紋點綴都係唔錯嘅選擇
*以下試身相光線不一 (只試西裝外套),影出黎會睇到唔同效果!

型仔韓式Blue Tone款🤵
呢款西裝雖然係淺色Blue Tone,但出奇地超顯瘦,無加馬甲背心都可以完完全全咁將個肚腩收埋!
Y爸一著上身就顯得好後生,就算膚色黝黑都可以輕鬆Carry到!建議真係可以大膽試上身睇下效果!
我地都覺得Y爸著呢個款好型仔!但佢就有d擔心如果西褲都係呢隻色會顯得太Young,會唔好意思!哈!


穩陣深灰暗格款🤵
之後就試咗件穩陣款!呢隻灰色係深灰,加上隱約嘅白色暗格,突顯爸爸嘅穩重!
以Y爸嘅年紀黎講,深灰x格紋會比淺灰顯得更後生,Cutting亦都好顯瘦!低調得黎又有Details位,無全黑色/淨色款咁悶!


文青深藍格紋款🤵
呢個款同第二件好似,但藍色格紋更為突出,低調中帶點特色!
木製鈕扣嘅設計令到整體感覺唔同哂,散發出淡淡嘅文青氣質,即刻化身為型爸!
比起灰色格紋款,深藍色顯得更年輕,但又唔會太誇張,恰到好處!有驚喜




揀岩款式之後,老闆娘就會安排經驗豐富嘅師傅即場度身!
由於呢間禮服店嘅西裝Cutting較為修身顯瘦,所以Y爸主動提出唔需要加馬甲!
師傅好細心,佢知道長輩對於訂製西裝嘅過程會有唔少Concern,所以一開始已經好主動咁直接問爸爸有無咩特別要求,再適時提供意見!
最貼心嘅係,由領口Cutting、鈕扣款式、布料選擇,到剪裁細節全部都可以Tailor Made!只要有Idea都可以同師傅傾,睇下可唔可以做到心目中嘅效果!
從Y爸嘅笑容睇得出佢好滿意!尤其係布料選擇超級多,淨係顏色花紋都有排揀!加上用料靚,Cutting又超顯瘦,真係將佢個大肚腩收得好埋,效果好好!



前排終於帶咗Y爸去Final Fit喇!一Take過好岩身可以直接拎走

忍唔住要再次讚嘆師傅嘅剪裁功力!
真係好修身好顯瘦,視覺效果高挑咗!
大肚腩又離奇地消失得無影無蹤,非常神奇!
唔同光線下影出黎嘅效果會好唔同,真身其實係深藍色格紋款!
呢款布料唔會太厚身,適合11月秋冬季節穿着!即使質地柔順軟滑都做到挺身效果
佢地提供超級多款布料、鈕扣,同埋唔同配件選擇,可以因應場合同埋季節去揀選合適嘅款式!



最後,特登幫Y爸揀埋個好有質感嘅彩線麻質灰色Bow Tie!整體造型會係韓風型爸Feel,唔會有一絲Old School嚴肅爸爸嘅感覺!
整體而然,爸爸同媽咪都非常滿意!佢地除咗大讚款式同埋造工靚之外,仲不停咁讚老闆娘同埋師傅意見中肯又有禮!
尤其係爸爸,全程開心到見牙唔見眼!真係好期待Big Day當日見到爸爸媽咪着上禮服陪伴我出嫁啊



呢間禮服店真係滿足哂我地嘅要求!用料靚、選擇多,又物超所值!
Y爸唔高,但師傅高超嘅剪裁技術修飾哂所有缺點,望落身型比例好好!
個人強烈建議要為新郎/爸爸們度身訂造一套西裝,效果真係同現成西裝差好遠!推薦俾想以超值價訂造男士禮服嘅B2B!



有野想問可以留言/PM我架,同埋記住留低腳印啊

有興趣睇埋之前嘅Blog,可以㩒下面條Link!
已經分門別類咗架喇,方便大家搵到想睇嘅Blog

《S先生與Y小姐》- 籌備婚禮文章統整


可以Follow埋我地IG:fiancee_y_and_fiance_s
我地會喺嗰到Share一d短片同埋籌備過程&點滴!
發現好野但又趕唔切喺到分享嘅時候,可以即時喺Story Update俾大家
1272 次閱讀 | 207 個評論
Facebook WOW Google+ Weibo Mail
當前第 8 個 | 共 146 個BLOG      上一個 | 下一個

評論


您需要先登入才能繼續本操作