婚享同學會


可用已有生活易帳號

登入


未有生活易帳號?

立即註冊

JC0216的BLOG

JC0216的主頁 | 查看全部BLOG
自我介紹:
❤ IG: judy.yu.ec ❤

你可能也喜歡…

當前第 2 個 | 共 14 個BLOG      上一個 | 下一個
查看BLOG | 返回BLOG列表

️結婚戒指篇️【低調的奢華】天生一對 心心眼結婚對戒「#我的夢想婚禮」

By JC0216 (聯絡作者) 於 2020-06-09 22:26
️結婚戒指篇️【低調的奢華】天生一對 心心眼結婚對戒「#我的夢想婚禮」


我的分享
結婚戒指

繼續多謝各位b2b們對我blog既支持~日我會分享一下我同老公既結婚戒指~相信好多b2b對買結婚戒指既要求都會比較高,因為要一直帶係手,新人搞婚禮期間有好多項目要一個個完成,婚戒往往未必係新人們最早開始睇既野,所以剛開始選擇婚戒時我都做左d功課,我地去過婚展連鎖名店DIY婚戒公司等等今篇就會以款式、價錢性價比去分享我地既結婚戒指

我自己覺得選擇婚戒屬於*比較主觀*,而我自己對戒指既要求就係第一款式第二價錢款式基本係最重要,如果個款太普通,日日望住隻戒指好可能好快睇厭,盡可能係襯到所有衫同造型。另外就係材質,戒指既質量都同樣重要,買到唔好質量既戒指,有機會過敏或帶一兩年就甩色就麻煩。最後就係價錢自己認為戒指雖然係日日帶,但價格應當合理,成日帶住最緊要係舒服,加上帶好多年之後戒指總會折舊,所以如果要用幾萬蚊去買對戒指我認為不太值,以下就分享下我地購買戒指小貼士。


選擇婚戒貼士

款式:我自己個人比較喜歡氣質奢華款戒指粗幼係我第一樣睇既野,表面睇上去太粗既戒指真係覺得似Rock And Roll feel~完全扣分。其次就係男士款式~~呢樣真係好緊要好緊要好緊要事情又講三次!我自己認為結婚對戒不能只係女款好睇,男款同樣要好睇,我見好多都係女款OK,男款太普通~~好多b2b只注重自己隻戒指款式,往往會忽略左男士既款式,而市面上除左自家訂造款式外,大家有無發覺大部分男士款都係淨色加個圈,頂多再多粒細鑽。


舒適度:由於我同老公既工作性質都係雙手要成日洗同做野,所以不能選擇有凹凸表面既戒指,一定要完美貼合手指,唔會影響工作,所以睇中既款式裡面我自己會選擇比較幼身既戒指,一來容易襯所有造型,二來工作方便,帶係手睇上去亦比較有氣質


價格:方面,我地其實無話要預幾多budget買,但睇多左幾間之後,就發覺不同店鋪在婚戒既價格上相差都幾大,主要針對品牌名氣婚戒設計戒指質料去定價。



以下係我自己對不同婚戒店鋪既分享心得


DIY門店對戒:
DIY一對婚戒既價格大約要1-2萬起跳盡量提早大半年以上預約,之前我都睇過好幾間,包括最有名氣個幾間手工DIY店鋪,主要或想要既公仔係戒指環表面,有d就係情侶自己上去手工打造結婚戒指等。講真D相係幾靚~但戒指既實物都幾粗糙,畢竟要刻咁多野係戒指表面,戒指一定要夠粗先夠位刻,而且帶上手遠遠睇其實咩都睇唔到。另外,自己手工做既婚戒,個人覺得係好紀念價值既,做紀念或平時間中襯衫帶下我覺得可以,但以日日都帶既結婚戒指來說,我自己會建議新人選擇帶返正常d既款式


連鎖婚戒名店:好多連鎖婚戒名店都有賣廣告,亦係大部分b2b既選擇,有時婚展仲會有好多discount,不過重點係新人唔知選擇邊間,連鎖店鋪其實有好多款式都係差唔多。我睇過近年比較大熱既幾間婚戒專門店,婚戒材料同服務都唔錯,但d款就真係較為普通,甚至有d款係同外面其他連鎖店鋪係一模一樣,但價錢就相差一倍以上,所以建議各位多d出去門市睇款,再貨比三家


最後選擇
同老公係出面睇左一段時間之後,本來一心要去某間婚戒專門店,但來來回回睇左好多次,睇極係都無心動既款式,最後老公話不如帶我去佢買求婚戒指既店鋪睇下有無心水款,因為當時佢買求婚戒指時,個間d戒指款都係獨家得一隻,加上個間店鋪都係幾出名既~所以感覺都係有保障d,決定去睇睇,點知一去到淨係睇個櫥窗都未開始選擇時,我已經覺得就係買呢間架啦,因為佢地d款真係比普通連鎖店靚太多,當然靚唔靚呢樣野都好主觀,但起碼我自己覺得一眼睇上去係有好多款我都覺得合眼緣有心心眼個種。加上佢地既婚戒有好多都配搭得幾好睇,你可以自己買唔同款式既戒指進行搭配,亦可以買佢地現成配搭好既婚戒款式,重點係價格我個人覺得真係性價比極高真心推薦各位


對戒照片分享

其實最後我係先睇中左男士款,因為男士款真係好少有好睇
,再睇配搭既女款真係好襯好靚,我個人覺得搵到好睇既男士戒指仲緊要過女款,呢對戒指本來就係一對既設計,款式上係金銀色結合一體,戒指前面睇會有似兩邊拉緊抱抱+心型款既設計,重點係戒指表面有設計之餘,帶上手指完全貼服唔刮手。另外,戒指內圈可以免費刻字和小圖案,手工好精美。



男款係光面,帶上手超好睇,由於係有弧型既設計上下兩邊調轉帶都可以,亦因為弧度,帶上手指睇上去會
唔會顯肉地。女款就更特別,外型除左同男款完全一致外,我自己仲超鍾意係上面有好多粒小鑽石我個人太鍾意Bling Bling,戒指上有閃鑽會加分低調中帶有奢華,而且就算返工、出街、宴會等,戒指都係完美配搭到。



附送既高級絨面戒指盒~


結婚戒指特寫~~


超級心心眼呢~~好唯美哈哈~~

以上都係我既個人分享,絕非廣告,只想將最好的分享給各位,希望新人們都會到喜歡既結婚戒指,婚戒店鋪資料歡迎大家PM我或留低腳印喔。

**各位b2b如果想睇更多結婚照片內容,可以follow IG** 

歡迎大家follow IGjudy.yu.ec 
隨時可以PM我任何關於籌備婚禮既問題!
或者大家喜歡我share咩內容呢,都可以PM我喔~

************************************************************

我的其他人氣分享帖子~~喜歡的B2B可以去看看哈!

1.租裙褂篇我的性價比超高質裙褂,超閃水晶褂后,驚艷全場之選

2.
證婚律師篇【抗疫時期】我的最強證婚律師!
一個陪你共渡患難、超水準、穩重、安心之選
https://wow.esdlife.com/space.php?uid=154072&do=blog&id=427654

3.新娘化妝篇【我的最強MUA】完美主義的我 遇上星級新娘化妝師~*
https://wow.esdlife.com/space.php?uid=154072&do=blog&id=427700

4.減肥篇懶人分享~無時間做運動 如何改變飲食月瘦10
https://wow.esdlife.com/space.php?uid=154072&do=blog&id=427847

5.旗袍篇全港獨一無二的手工旗袍

6.男禮篇【新郎最愛】性價比第一  最高質男仕禮服  終極分析

7.頭紗篇【一秒成為最美新娘】我的蓬蓬頭紗 必買分享
https://wow.esdlife.com/space.php?uid=154072&do=blog&id=428149

8.褂鞋篇【性價比超高】我的Bling Bling金褂鞋
https://wow.esdlife.com/space.php?uid=154072&do=blog&id=428984

9.輕婚紗篇性價比冠軍 度身訂造超完美高質輕婚紗「#我的夢想婚禮」
https://wow.esdlife.com/space.php?uid=154072&do=blog&id=429988

10.美甲篇一秒搞掂  10元超閃Bling Bling美甲片!
https://wow.esdlife.com/space.php?uid=154072&do=blog&id=430074

11.婚禮籌備篇我的完美Wedding Planning【WeVow試用文】
https://wow.esdlife.com/space.php?uid=154072&do=blog&id=430199

12.染髮篇【髮型界KOL】我的超人氣專屬髮型師
https://wow.esdlife.com/space.php?uid=154072&do=blog&id=430215

13.結婚戒指篇【低調的奢華】天生一對 心心眼結婚對戒「#我的夢想婚禮」
https://wow.esdlife.com/space.php?uid=154072&do=blog&id=430636

14.婚照篇實測!0成本 家中自拍唯美婚紗相「#我的夢想婚禮」
https://wow.esdlife.com/space.php?uid=154072&do=blog&id=430905


************************************************************

1529 次閱讀 | 80 個評論
Facebook WOW Google+ Weibo Mail
當前第 2 個 | 共 14 個BLOG      上一個 | 下一個

評論

 80 123

您需要先登入才能繼續本操作