婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 5 個 | 共 10 個BLOG      上一個 | 下一個
查看BLOG | 返回BLOG列表

我的THE ONE店 - 全部婚紗晚裝都叮叮叮!!! (多相超長文)

By LittleLove (聯絡作者) 於 2019-11-18 18:18

其實我一向都好清楚自己想要咩款嘅衫, cutting靚最緊要, 因為著上去嘅線條同平野完全唔同, 布料同手工都好緊要, 雖然係pre-wedding 影相, 平野如果影近鏡, D穿崩係會睇得好清楚架, 所以衫真係唔可以慳, 岩身貼身望落去先會有氣場! 我寧願擺酒decoration同戒指可以cut D budget放落衫同化妝度!

呢個月都試左幾間婚紗店, 觀塘、尖沙咀同中上環都有, 價錢平嘅好多都係大路款, no way! 牌子野一係就超貴, 價位平D嘅又唔特別, 之前都有一間差D join左架, 因為有件Riki Dalal好岩feel, 雖然豬先生都批左, 但真係太太太貴, 我都過唔到自己... 放棄左...

咁岩俾我上網搵到觀塘呢間, 一睇就知好係我鐘意既款, 雖然價錢唔係平, 但我覺得CP值係超高! 預約上到去2個店員都好nice好好笑容, 一D都冇壓力, 仲每件衫都拎出黎詳細咁介紹俾我, 我免費試左2件就已經毫無懸念, 叮叮叮就係佢喇, 應該係「佢地」先岩, 因為其實「佢地」好多衫都好岩我style!

上到去我係俾佢地個高級系列婚紗吸引住, 店員介紹呢個系列係佢地自己設計, 係搵品牌婚紗廠造架!!! 我都有D懷疑嘅, 但的確現場睇係呃唔到人, 摸上手係特別輕同柔軟, 完全係品牌婚紗質素!!

(from their facebook)

我 黎緊去得布拉格咁遠影pre-wedding就緊係唔好浪費, 所以我預計會帶2-3套婚紗同晚裝去, 盡量揀D輕婚紗同輕便嘅晚裝, 婚紗我試左3件已經好鐘意, lace全部都好靚好細緻!

第一件輕婚紗, 因為裡面係香檳色, 所以D lace好出好靚, 幾層lace的裙擺真係好有層次, 我就咁用電話影相都睇到detail, 試完上身已經即刻叮叮叮, 影布拉格就真係一流!  同埋佢好輕, 放入喼完全冇難度!

第二件就係佢地個高級系列,lace同上面嘅釘珠真係好fine, 個sexy back design就更加不得了(雖然我唔sexy同埋仲要去搞搞美背嘅大工程), 陪我試衫嘅姊妹都俾佢叮到, 呢件冇得輸!

第三件係好靚嘅blush color, 我見有好多人去外國影相都揀blush婚紗, 外層lace pattern好特別好grand, 佢仲可以加一個活動的薄紗拖尾(不過我冇試到), 好吸引, 條裙又夠輕便可以拎去外國,不過魚尾cutting就好貼身,尤其是我hip位好橫, 真係1516點唔知算好...


我仲試左幾套晚裝, 全部都好靚好特別, 仲著到勁slim添呀!!

3件淺色嘅晚裝都好清新, 影外景草地花草樹木就好岩好浪漫


另外3件就偏深色tone, 上鏡效果好sharp, 好高貴

等我同攝影師朋友夾下睇下帶邊件去影好!


佢地仲話個個月都有新衫返, 我會上去再試一次先正式決定帶邊件去影相, 其實我而家有D心多, 想搵件大拖尾婚紗去, 影相可以多D angle嘛...  總之揀定左呢間就安心晒,  真係好好彩俾我搵到佢地!   我諗住big date都係呢度搞掂架喇, 咁就可以留返D時間心機搞其他野!


同埋佢地今個月仲做緊7折呀!!! 真心超抵!!!!

(from their facebook)   (呢條裙我都好鐘意, 下次要去試埋!)


多謝大家睇完我呢篇咁長嘅blog, 希望大家都快D搵到自己THE ONE啦~

1828 次閱讀 | 77 個評論
Facebook WOW Google+ Weibo Mail
當前第 5 個 | 共 10 個BLOG      上一個 | 下一個

評論

 77 123

您需要先登入才能繼續本操作