婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 3 個 | 共 27 個BLOG      上一個 | 下一個
查看BLOG | 返回BLOG列表

Y & J #22 成本低但夠體面之過大禮

By yeebee (聯絡作者) 於 2020-08-16 23:16

雖然我12月尾先結婚,但因為之前想提早派帖,諗住好讓外國朋友提早準備過黎參加婚禮,所以搵師傅擇左七月尾過大禮。

諗左好耐,亦都係分展睇過過大禮package,睇落幾方便,不過又想慳啲錢,同埋想揀屋企人真係岩食既海味,所以最後都係決定自己執!由於我屋企人都比較西化,對於傳統嗰啲細節都唔太在意,所以會比較 flexible

係我毫無頭緒之際,有一日去左試裙褂,褂店老闆娘原來最近先結婚,同佢講起過大禮煩惱,佢就教左我一個超體面既過大禮方法,真係好多謝佢,幫我慳咗好多錢


海味:

呢間海味舖本身冇無做過大禮,我諗主要都係做街坊生意,不過都有好幾間分店同埋有網店。經褂舖老闆娘介紹之後就去左屋企附近嗰間分店,買滿$800就會送貨上門 當日我揀好晒之後,就叫店員安排送上男家,原來佢地老闆會親自送貨,感覺好貼心


由於睇左好多過大禮既相片發現,其實大家都係將d過黎用品擺係籃入面,基本上從來冇人會睇到入面係乜野 所以我同屋企人都共識左,要買實用既海味同水果 不過最重要係叫店員幫手轉做禮盒裝,即刻鋪出黎,夠晒睇頭 海味份量真係豐儉由人,可以買両或者買幾斤,重點就係叫佢轉做禮盒裝🤣 成件事就可以唔同晒。但因為我唔識分,所以好多都買左一斤裝,後尾發現其實買一半既份量都已經好足夠


水果:

水果我本來想去油麻地果欄買,但自己住得比較遠又唔係好方便,最後就去超級市場執咗啲日本水果,但如果有要求的,建議去返專賣進口水果店/果欄買,我諗品質應該會再好啲!


椰子籃:

椰子籃我本身諗住淘寶,但發現寄到香港其實仲貴過我係香港買,所以最後幫襯左香港一間過禮公司,我雖然我淨係買椰子籃,但係佢地覆WhatsApp都超快,七月中去婚展我都有再問多少少詳情,非常耐心咁樣解答 價錢都好合理。


過大禮籃:

過大禮籃方面,我係結婚二手group買左6個籃,已經好夠用!當日兄弟同埋屋企人幫手砌靚啲籃影相


中式唐餅:

之前母親節八折,就買左餅券,揀邊一款餅我屋企人冇所謂,所以我既目標都係大大盒夠牙咋影得靚就ok 大家記得一定要提早打電話去預訂!我記得我遲左訂,當時都好擔心會冇,好彩都講得切拎。不過因為我買唔夠$1000 ,冇得免費租借中式餅盒,但聽人講要即日借即日還,所以新娘子要衡量返自己當日的行程,免得麻煩。


紅酒:

早幾個月有同事結婚,佢有紅酒多,所以我叫佢讓俾我,由於佢係一箱箱咁買,所以我就問佢買左四支,價錢超實惠而且係高質既紅酒,所以又幫我慳咗一筆。


禮金:

前一晚我同男朋友一人寫數左一張支票,佢寫禮金總數,我就寫回禮尾數。各自入定一個利是封,唔使過大禮當日咁尷尬有散子


提提大家,當日幫手過大禮既兄弟我地男女家屋企人都有封番利是比佢地,大家可以提早叫屋企人準備


裝飾:

前一晚我貼咗一啲小佈置,方便影相靚啲,增加左屋企既喜慶感覺 不過我用咗兩個禮拜執清左個廳🤣 呢一樣野真係好痛苦,不過為咗一張靚相,值得既

另外我發現搵一張紅色布鋪着枱面好重要!感覺比較喜慶,影相都靚啲,大家可以買紅色布,大概$20就有交易了。我呢一塊係問同事借的 又慳返


簡單講返比大家聽我用左既錢: 

海味:~$3000 (我呢個份量比較多,我諗正常買$1500已經好夠)

水果:~$800

椰子籃:~$300

過大禮籃:~$80

中式唐餅:~$550

紅酒:~$300

裝飾:免費(同事結婚物資)


希望可以幫到想慳錢又想夠體面既你地啦

需要更多資料可以留言+留腳印俾我啊

我會逐一PM資料


1295 次閱讀 | 117 個評論
Facebook WOW Google+ Weibo Mail
當前第 3 個 | 共 27 個BLOG      上一個 | 下一個

評論

 117 1234

您需要先登入才能繼續本操作