婚享同學會


可用已有生活易帳號

登入


未有生活易帳號?

立即註冊

MrsMusial的BLOG

MrsMusial的主頁 | 查看全部BLOG
自我介紹:
我是一名香港土生土長的中泰混血兒,在香港遇上了波蘭靚仔,2019年成為了波蘭人妻,即將嫁到世界另一端 - 波蘭~ Follow us on Facebook: 波蘭人妻Mrs Musiał 之日常 @MrsMusial www.facebook.com/MrsMusial Or Follow us on Instagram: Polishwifediary

你可能也喜歡…

當前第 3 個 | 共 6 個BLOG      上一個 | 下一個
查看BLOG | 返回BLOG列表

我們的波蘭婚禮 - 度身訂造西裝篇️Our Polish wedding - Tailor made suit

By MrsMusial (聯絡作者) 於 2019-12-06 20:39

終於都到同大家分享我們明年的波蘭婚禮啦點解會講左big day 西裝先呢?!因為西方文化關係,新郎係結婚前,係唔會見到新娘子著的婚紗嘅樣,咁又點解會有呢個傳統呢?!因為以前所有嘅婚姻都係盲婚啞嫁,由雙方父母安排嘅,係佢哋結婚之前係完全唔會見過對方如果係結婚前,新郎見到新娘子,會怕新郎會反悔

演變到今日,主要原因係想保留神秘感及驚喜,保留新郎係婚禮當日第一次見到新娘嘅反應,所以係結婚前新郎係唔會有機會見到新娘當天所穿嘅婚紗禮服。正因為呢個原因,我同大家分享唔到我嘅艱辛搵The One嘅經歷住,要等大婚後先分享到俾大家

好啦!講返正題~雖然好多人都覺得結婚當日新娘子嘅婚紗禮服俾新郎嘅西裝禮服更為重要,聽過好多新郎哥分享,話我着咩冇所謂呀!最緊要襯返新娘子就得啦!但係我本人覺得,婚姻係兩個人二合為一,所以新郎嘅角色亦都好重要,同雙方平等的!所以我同未婚夫都同意度身訂造一套佢嘅The One

有些人會覺得西裝來來去去咪又係黑白灰,唔使特別花錢訂做啦,租咪得囉!雖然西裝望落去件件都差唔多,但係一件超啱身嘅西裝禮服,馬上會令個人升Lv幾倍

俾張相大家睇睇先🤤之後再同大家分享細節‍♀️

以下嘅西裝係喺sample sales買的,俾大家對比下買或租,同訂做嘅分別‍♀️

這套西裝我哋為節省註冊日既開支而買的,其實呢一套一式三件(西裝外套 + 西褲 + 馬甲)只係$500內咁抵,真係物有所值同符合我哋註冊日用嘅要求!比起影per wedding嘅時候,係完全冇修改底下,已經好啱身

購置觀塘 - Snowy Wedding, 係上一篇嘅blog有介紹過的


以下這一套西裝,係影Per Wedding既時候,Package包埋的!

雖然驟眼望落去都好睇,但係如果細心D睇袖口位同埋西裝嘅長度,其實比例上仲未係最fit,不過我哋覺得for Per Wedding,算不錯了

per wedding 服務及婚紗禮服 - Dream in London 


戲肉黎啦我哋睇過幾間度身訂造嘅西裝洋服店,除咗考慮款式同顏色嘅選擇外,我覺得最重要係要睇該店嘅西裝係如何製造,通常喺香港有些洋服店係度身之後,拎返大陸工廠做出嚟,而有些係由香港老師傅度身後喺香港佢哋自己做出嚟嘅!當然我哋選擇咗後者啦因為經驗豐富嘅本地老師傅,佢哋嘅手勢唔俾外國嘅差,仲好好添!有訂造開西裝返工嘅男士一定明白我講乜嘢,有些人更加講究都要搵上海師傅添!而且喺香港訂造比起外國訂造平好多,你見到好多外國人特登嚟到香港訂造西裝你就知啦🤭咁當然要好睇你揀咩布料


最後我哋揀咗以下呢一間

洋服店:中環 - Herencia Bespoke Tailors 

首先佢哋係有豐富經驗師傅主理嘅,第一次我哋上到去,睇佢哋嘅樣板,已經覺得款式好英式同好有型呀

分享少少我揀西裝嘅小貼士,第一係個人膚色及氣質,呢一樣野係好重要嘅,老實講有時候我見一啲結婚相或者Per Wedding相,明明個新郎着白色係一啲都唔好睇,但係為滿足新娘子白馬王子嘅形象,新郎都要照穿,咁又何必呢以我未婚夫為例,着藍色嘅西裝就最襯佢嘅灰藍眼睛,不過我就覺得灰色嘅西裝更加切合佢嘅髮色同膚色,令整個人望落去更smart更年輕also look so hot and sexy🤤叫我花痴啦吓🤣

第二係款式,不同既領位同布料,出嚟嘅效果都好唔同!所以一定要不斷咁試,你先會搵到心目中最適合你嘅款式!當然這間洋服店服務非常好,佢哋會好細心同我哋解釋同俾我哋試到夠️真係好多謝佢哋嘅耐性同細心嘅服務

當決定下單訂做時,佢哋細緻到由西裝外套領口去到用乜嘢嘅鈕扣都要選擇,不過真係太多details位要揀,好難喺度盡錄俾大家知🤪總之佢哋會有專業人士會全程貼身幫你啦。重點黎啦!價錢係大約唔洗四千蚊,就有一套度身訂造的西裝禮服(西裝外套 + 馬甲 + 禮服型恤衫 + 西褲 + 煲呔 + 袋巾)

選擇好布料、顏色及款式後,就會度身。約三至四星期後,就會做好半製成品,會再需要試身去進行調整。其實我哋前前後後上左去試三次身先攞到最後嘅製成品,因為佢哋要確保整套西裝嘅比例要符合身形,尺寸一定要去到最完美我哋真係好佩服佢哋嘅堅持及專業,覺得呢個價錢真係非常合理


希望這篇blog可以幫到大家啦,如果大家鍾意可以留個腳印及留言!有任何查詢,請留言或PM我啦


如果你想知道我的波蘭人妻生活?!歡迎追蹤我們於各大社交媒體‍♀️


YouTube: Polish Wife Diary


https://www.youtube.com/channel/UCiTwYOnGJylDri66UVaQp-w

上個星期分享左我們德國瘋狂一天買車記🤪


另外預告下我哋即將會帶大家去到波蘭既聖誕市集今年CNN出咗報道介紹全球最世界級嘅聖誕市集,而克拉科夫,波蘭嘅聖誕市集就係其中之一啦想第一時間睇到新片,就記得Subscribe我們的頻道同開埋旁邊的小鐘仔,咁就唔會錯過啦


Facebook: 波蘭人妻Mrs Musial之日常

https://www.facebook.com/MrsMusial/


Instagrampolishwifediary



494 次閱讀 | 4 個評論
Facebook WOW Google+ Weibo Mail
當前第 3 個 | 共 6 個BLOG      上一個 | 下一個

評論


您需要先登入才能繼續本操作