上星期日日都諗個rundown....概括咁預計有5個上落點 同van公司負責人不斷以email聯絡及查詢 終於confirm book佢28金色van了 一星期內交訂金~~~ 今日終於過了數呢~~~ 完成了一件心事~~ 我book的van公司係~孖一世

今日一放工就趕係6:30去到秋子, 去到的時候沒有人,打俾湯生,  湯生買完貨返緊來..幾分鐘後佢就推了一大車花材回來 我就同伴娘睇相簿, 自己對花都沒有什麼認識, 除了基本的玫瑰,牡丹,繡球花都認識外, 有些花真係唔識個名 我想個花球有些紫色, 同粉色....湯生見我地睇了好耐都冇咩心水咁. 因為個個都好靚~~~自己又心大心

今晚入了餅咭,回禮利是, 入埋帖入去 研究緊帖封如何寫法 朋友當然沒有什麼問題 問題在於如何寫給親戚 由爸爸名義發出, 咁我d 舅父,叔伯個d應該點寫呢? 今晚入了大部份帖後，才發現之前計錯了數，以為親戚要派兩張西餅咭，父母個邊又有d因相沖而有幾位沒有派餅咭, 於是預多了, 暫時多了30-40張西餅咭~~ 天呀~~

倒數一個月就係大日子~~ 心情開始緊張，好似還有好多事都未搞~好擔心~~ 呢幾日男友仲出了公幹~~~~仲有好多項目都進行中~~~

原本9:30or9:45開始, 依家改早d, 試下夠唔夠時間, 大家幫幫忙俾d意見~~~ 未來奶奶話當日好日, 由9:00開始全部都係吉時 當天係星期日 接新娘遊戲(45mins) 9:00-9:45 女家敬茶影相(45mins)9:45-10:30 女家(旺角)出發到男家(將軍澳) (45mins)10:30-11:15.....預埋出門個時影相時間 入男家門敬茶(30mins) 11:15-11:45.

經過一連幾天收新傢俬 新居大致有了個小初形 執嘢執嘢的日子將要開始 清理對我來說係一件超級痛苦憫憎的事~~ 希望自己有能耐去做執拾,清理的工作~~

今日去了寫菜單 酒樓經理提我約化妝師3:30到酒樓~~~???我話好多mua全晚服務時間由4:30開始, 唔係4:30去到就得咩??? 經理話3:30交個新娘房for我可以化妝著返褂, 到4:30到就可以再同親戚敬茶等~~~ 天呀~~~ 本身諗住回門後即去尖咀影外景, 影到大約4:30先返酒樓 mua又4:30 到, 咁咪啱囉??? 醒唔起可能真係有人會4:30就到

今日就是過大禮的日子，很期待，但又有些緊張 之前的日子忙買傢俬外，就是忙處理過大禮的細節~~ 昨晚男友替我慶祝生日， 夜晚返到家，就以電話同男家個邊再對一次有什麼禮節同回禮的安排。 現在已有些親戚在家打牌作興，要熱熱鬧鬧~~~ 希望一陣過大禮順利~~~歡喜熱鬧~~ 等我一陣影下相先

未進行的: 未book 28van 未book 花球/襟花/手花...但有心水去邊間花店(秋子) 未揀花車佈置....但有心水搵ally flower...但未決定用邊款 未買   跪墊,敬茶茶具,紅傘,紅紙杯,上頭睡衣 , 7"公文袋, 結婚公仔, 姊妹裙, 兄弟呔  等等~~~ 未design桌號牌 未design

這幾天假期, 日日都出去睇傢俬電器外, 仲有就係搵過大禮要回的物品~~~~ 未來奶奶真係可否一次過講晒要d咩? 之前雙方見面時講好了過大禮的細節同物品 點知最近話要買痰罐~~之前唔係講好買個迷你子孫筒就得咩? ok算, 我媽咪周圍去睇碗之餘, 仲望有冇痰罐~~每日抽時間睇碗, 已經冇咩心水~~痰罐~~仲係見都