婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 1 個BLOG      上一個 | 下一個
查看BLOG | 返回BLOG列表

s.a wedding 之廣州婚攝體驗(⁎⁍̴̛ᴗ⁍̴̛⁎)

By alice9830 (聯絡作者) 於 2019-10-22 15:25

對於籌備婚事,我完全係一個新娘初哥,但好清楚知道自己對婚紗相嘅要求係較自然,小清新,偏好韓式風格的。婚紗攝影公司琳琅滿目,但睇左幾攝s.a wedding 嘅相後,我就已經心意已決!


  本身我工作性質無太多假期比我影海外婚照,另外我地兩個都怕辛苦,偏好室內景,a.a wedding 嘅廣州studio真係好岩我地!資詢當日,同事清楚咁同我地展示哂sample嘅相,廣州studio新裝修後嘅場景係比我係網上睇嘅更加精緻更加靚,完全係我心目中想要嘅效果!另外,佢地有得選擇韓國或中國攝影師,兩個價錢同攝影風格有少許分別,個人比較偏向自然寫實嘅style,所以就選擇左韓國team~無論係攝影feel或者係場景風格,我地都真係一見鍾情!


  攝影分兩日,第一日先到studio挑選禮服以及主要場景。其實studio地點都算便利,因同事一早比足指引帶路,都好快搵到。到達後,廣州同事全部都好有禮貌去招呼我地,盡佢地所能迎合我地需要,佢地studio嘅禮服好多款式,我plan內包含了兩套主紗,一套輕婚紗及一套晚禮服,當中佢有一部分較為精緻同華麗嘅禮服需要加少少錢,價錢都合理的。因為我係個有選擇困難嘅準新娘,而新郎又訓著左嘅緣故,過程中佢地同事都比左好多意見我,挑選左4套唔同風格嘅禮服,超滿意!新郎嘅禮服都有好多唔同風格,仲有齊碼添,著上身都好fit身,亦都好襯我4套禮服。

  

  到攝影當日,我地因為有包含夜景攝影,所以10:30studio就可以了。拍攝前一日,同事已經清楚講述當日拍攝流程同所需物品,所以我地只係帶左 nubra同我地嘅鞋過去就可以了。同事真係好友善,因為我唔識著nubra,連咁尷尬嘅事都好諒解我,仲執衫執到你最舒服嘅狀態。特別要稱讚化妝師姐姐—yoko,佢好理解我想要嘅造型係咩,係妝髮上同我心有靈犀,設計左4個完全唔同style嘅造型,換妝過程都好快手,妝容有風格得嚟又整潔乾淨。


  初時會面攝影師剩室長時,真係有點緊張,但好彩有可愛的翻譯同事協助下,氣氛變得好歡樂。劉室長雖然外表coolcool地,但實際上佢影相真係好專業,務求影到我地最自然流露嘅一面,亦都好勇於突破創作,令我地嘅攝相加點玩味同特別。另外,佢將服裝同場景配合得好好,唔單止更可以帶出風格,亦都令成個感覺唔似係studio裡面咁簡單。


  到之後回港揀相時,同事都好有耐性咁幫我地去挑選細節,比嘅建議同提議我都幫左我好多,令我成個過程都好快手搞掂。睇到原相時,完全就係我地想要嘅風格,整體嚟講真係好滿意好開心,超級期待3個月後出相!🥰

1487 次閱讀 | 2 個評論
Facebook WOW Google+ Weibo Mail
當前第 1 個 | 共 1 個BLOG     

評論


您需要先登入才能繼續本操作