• 選擇到台灣影相了嗎? cy_winny 2010-10-13 19:16 當你決定要去台灣影相既時候,相信你多多少少都知道台灣既攝影方法你點. 係呢度,準備左d參考資料,希望幫到大家.   地方:台灣可以影相既地方多的是,但大致上可先分為:台北,台中,台南.         台北:大部份台灣婚紗攝影公司既基地,景點包含山,水,海,大部份係網上見到既都係台北縣影,較現代化,                 地點亦方便假期唔多既香港人,有3日已經夠用(但會辛苦d)         台中:如想影古色古鄉既人,台中係一個唔錯既選擇.但要留意,台中比較少當地既婚紗公司進註,大多由台北揸                  車落去,車程大約2至3個鍾,所有公司都會收附加費,所以唔係真係太渴望要影既,唔好諗啦.而台北亦有d                 舊區都有懷舊既味道,可同攝影師溝通下,相信佢會俾到更好既意見.         台南:介乎台北同台中之間既感覺,但熱門地點會集中係最南面既墾丁,藍天白雲,想影d活潑既婚照可以去呢度.                 高雄市會有較多西式古蹟,教堂,大樓,愛河邊,夢樂園摩天輪,風車島,西子灣都係熱打景點.但耍留意,除非                 你選既攝影公司係台南有分店,否則最好問清楚,因為有d公司會因為你要去台南影,要求額外既交通同住                 宿費,如果真係想影台南既,當然係搵返當地既攝影公司,會比較化算.   選好地點,當然就要諗幾時去影啦.天氣,對於影相當日既表現同心情都好影響架嘛,選對時間係好緊要架!         花期:如果要影花海,大部份都會選3月既時候,因為呢個時間,好多花都開始開,但北部既,我會提意3月尾至4月                 頭兩期去,因為天氣比較穩定,大太陽既日子比較多.氣溫大約15~20度.           櫻花:其實台北都有櫻花影架,但花期好短,只有3月,比較多櫻花既地點會係烏來,但唔好期望好似日本咁多咁密.           天氣:一般黎講,台灣既要好天氣主力都會係3-4月同10-11月,因為其他既時間,都會比較濕同多雨,7,8,9月仲                 係台灣既風季.而1-2月就會比較凍,如果你想影落雪,或者都可以撞下,因為每年台灣都會有1-2場雪,當                 然亦唔係日本果隻啦.          日期:我強烈建議揀平日過去影,千期唔好撞台灣既假期(可以上網查到),因為台灣係返5日,所以星期六,日例必                多人,如果唔想避人,又唔想影既時候有勁多人圍住你,咁就麻煩點都請假過去,影得舒服,又可能順利.                最重要係:唔洗塞車,浪費晒d時間(特別係要影日落既人).