婚享同學會


可用已有生活易帳號

登入


未有生活易帳號?

立即註冊

MC_Oliver的BLOG

MC_Oliver的主頁 | 查看全部BLOG
自我介紹:
Oliver為婚禮司儀及全職表演者,富有為多個品牌演出的經驗,擅長以幽默金句和魔術表演,為婚禮及活動營造氣氛。 曾合作客戶:Cartier, Johnson & Johnson, ICAC、澳門銀河酒店駐場表演⋯

你可能也喜歡…

當前第 1 個 | 共 12 個BLOG      上一個 | 下一個
查看BLOG | 返回BLOG列表

一場婚禮一個故事 - 【台下大叫溝仔】

By MC_Oliver (聯絡作者) 於 2020-10-18 01:27
講新人故事唔難,講得好唔好先係重點,又要浪漫,又要塑造個畫面好靚,仲好有埋笑位,但最幣就係新人用唔夠10個字形容晒相識經過,「朋友介紹一齊行山/食飯/唱K識」,錯不在於新人,而事實係大部份都係朋友介紹、同事嚟嘅~識得簡單直接,都好平常,你估個個劉華嘅天若有情️嘅轟烈咩~

新人故事有時都會fine tune少少,變得有趣啲,反正大家都係想輕鬆下~故事只係開頭,有時啲小資訊可以喺唔同時段加落去,唔使一次過係故事拋晒出嚟,咁樣仲好玩仲有驚喜,唔會一般流程咁standard,講完蛋糕再講合巹交杯⋯都係嗰啲。


呢場喺上菜前有兩圍賓客大叫「溝仔」🥶,發生咩事呢?其實都係我安排嘅~一般情況完成晒所有儀式,新人返到主家席就坐時,都係講下起菜嗰啲嘢,今次我就講多句,「健Cow!溝仔咪?」以前工作關係,識少少泰文名詞,開會時知道原來有啲賓客係泰國華僑,當時已經心諗可以點玩?晚宴時佢哋明唔明我啲講場白,我真係唔知,但我相信佢哋都唔會執著呢個位,反而我覺得做個「食飯」嘅廣播好少少,至少知道幾時完成儀式先呀~所以我就講咗句「食飯,明唔明白?」聽到有兩枱笑埋咁答「溝仔溝仔」,即係「明白明白」,估唔到呢個位做出嚟咁好效果,雖然只得兩圍枱有笑,但聲浪反應絕對唔差,可能佢哋自己都估唔到司儀會講泰文,呢個係屬於佢哋嘅驚喜。

事後檢討返,發覺對白上同賓客有關,都會幾開心,多咗一份尊重咁,好似特別嗚謝呢班朋友嚟飲,所以新奶奶嗰一刻都好有Face,當然無講亦唔代表唔尊重,如果唔係⋯10點都起唔到菜

新人同司儀開會時,就算唔係我都好,不妨講多少少自己嘅嘢,唔一定只限於職業同相識經過,有啲嘢自己會覺得無關痛癢,🤭不值一提,但做司儀角度,你唔會知我用邊啲資訊,有啲得意故事就更加好啦~所以我同新人開會,都會安排一part嘢同佢哋⋯⋯唔話你知!呢場喺一片幾唔錯嘅掌聲下完結,原來我未完全完結,來賓中有一位人仕一直隱藏身份⋯下回分解~🤡
232 次閱讀 | 0 個評論
Facebook WOW Google+ Weibo Mail
當前第 1 個 | 共 12 個BLOG      下一個

留下足跡

評論


您需要先登入才能繼續本操作