新婚圈子 - 婚禮苦水區
-
揀衫都好煩~~~左睇右睇..都揀唔岩心水~
-
a_wingv: 揀衫都好煩~~~左睇右睇..都揀唔岩心水~揾多幾間有得免費試衫去試下啦
-
我覺得擺酒同當日rundown最煩!!
雖然距離on-day極級遠.
但剩係去左幾個frd同親戚既婚禮見度唔同既rundown就係度lum個on-day應該點搞.
講真. 又唔想悶啵. 但有時見度d人搞d野又奇奇怪怪咁..
有冇suggestions呀? 要搞笑d特別d既!!
-
我覺得真係樣樣都煩,酒席預既人數,搵化妝師果D已經夠晒煩
-
我覺得係自己既媽媽最煩。口講一套、心想一套,宜家搞到係佢嫁女,唔係我結婚,no say .....
-
我同個伴侶講親婚宴既野,佢就會話個腦諗唔到野,佢剩係識得乜都BAN,話樣樣野都無謂,但又唔見佢幫手,我一個人準備個婚宴又得唔到認同真係好辛苦!
-
其實好多嘢都好煩........>,< 當然BUDGET係首要, 其次係如果未來99乜鬼人都想請就真係煩上加煩.....好在我男友都控制住佢地........ 其實我覺得BOOK唔到心水嘢的時侯就會煩的了.....
-
我煩緊o既係唔知接唔接新娘好, 我開頭想簡單d唔接新娘, 各自去註冊場地就算, 但媽咪又話想我著褂, 咁即係要做埋接新娘果part啦....
-
我最煩既係我亞媽, 佢到而家都仲未接受我未來老公...但佢又READY我嫁...只係成日講老公係你既, 有咩唔好問我, 你有你家庭我有我家庭, 我唔使你理...仲有更難聽, 例如人嫁你嫁嫁埋D狗屎垃圾!
-
男人好似失憶咁!!
開頭又話想有個backdrop影相, 我揾左Deco資料, 又問我究竟係咪要整?得閒又問我酒會時間會唔會太趕,我問左場地可唔可以加時間book多個鐘, 佢又唔係咁like咁問番我係咪一定要?
不過酬備上都唔算煩, 所有最煩既問題都係源自男家果邊,例如好唔想請男人細佬個老婆,佢未入門就已經扮哂奶奶咁款,我時先啱啱同男友決定結婚, 就係未來老爺奶奶面前話不如夾埋一齊買餅卡, 又話一定要買Hagaan Daz,佢早過我用,佢三月我十一月, 點知佢陣間唔夠會唔會借D二拎我果D?!而且我家長都未見,要買邊間都由雙方家長傾完先決定啦!
平時見到面都面左左,真係唔知請佢來做乜?!
-
我男人都好似失憶咁.....
我現在煩緊係唔夠人數....我地搞酒會, 係計人頭, 男家方面, 好似連佢爸d親兄弟都唔想請咁.....唉......人結婚結得好熱鬧, 我現在好擔心, 唔夠人數等於我地要蝕架
-
我有啲親戚成日想我同男友分手,仲叫我唔好結婚
-
我想星期六擺,男友反對怕貴,咁我比錢有乜所謂?一至四擺人地又要趕趕回家!第二日返工唔夠訓又怕做錯事,又易病,我不忍心
-
最煩係有D 好多意見,又搞事既親戚係到搞事
-
當然錢最煩
-
LauKaman: 擺酒唔知請咩人好? 親戚一定要請,唔到都要比帖....朋友想請又怕佢唔想到,寫左帖又可能唔到......請同事又有另一個同事同一個月結婚,好似屈人情咁.....唉!有同感
你還不是該小圈子正式成員,不能參與討論。
現在就加入。