婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 3 個BLOG      上一個 | 下一個
查看BLOG | 返回BLOG列表

#媽媽唔易做 法國醫院誕B全記錄及疫情下可以陪產嗎??

By Nanacheung (聯絡作者) 於 2020-06-30 21:15
大家好,我係一個新手媽媽,
希望可以好好記錄自己生BB既經歷同埋分享一下感受

相信係大家生BB之前都做左好多唔同既research
例如搵邊個醫生產檢,照結構,開刀,去醫院要帶咩等等...
所以我都想用我既親身經歷去分享下比大家參考。

入院時間


因為我揀左係5號9:00am開刀,所以要係4號既8:00pm前去到醫院
我當時就4:30pm左右去到醫院(我係預早左時間去拎房)
入院程序
終於到達醫院去到門口會有2個姑娘係到幫手量體溫~之後就坐升降機上去辦理入院啦~
之後會有位置同你慢慢講解返同埋揀要邊隻奶粉
需唔需要做聽力測試/代謝篩查(需要另外收費)
因為健康院可以做聽力測試所以我只加左做代謝篩查~
去到大家最開心既揀房啦~ ~疫情嚴重既關係要求同香港既媽媽同一間房~
但已經無晒6人房,姑娘就開左間3人房比我
可以揀要邊個床位~我最後揀左3人房既窗邊位(不過窗邊位要加大約$50-$100)
然後姑娘叫我影低Wifi PW, 探病,點餐,餵奶三個時間表

仲有影低去辦出世紙既步驟(生完之後第2日就可以係網上做登記)
另外會比埋個入院包比你
之後姑娘帶我先生落樓下交一萬蚊入院按金
我就跟另一位姑娘入房剃下面既毛同埋驗尿
搞掂晒就上房啦~
窗邊位空間較大同埋可以望下風景~但廁所位距離最遠~


廁所環境~
開頭滿心歡喜諗住有機會可以自己一間房haha 可惜去到11:00pm左右就黎左2個媽媽~

第一日(入院當日)
因為要開刀係11:00pm之後就唔可以再食野,所以我就叫左個飯做我既最後晚餐~~
其實可以買定鐘意既野食入去食都得(當時已後悔無係生前大吃大喝)
不過個飯都唔錯
之後姑娘會係比定套手術衫你換叫你要係第二朝既7:30am前換好
咁我就食完就刷牙訓教等待聽日可以見到自己既BB啦

另外提提可以帶埋IPad同杯入去,可以平時睇下戲上下網時間會快過D~
醫院有提供熱水但無薑水提供,
需要既可以自己帶定薑包同埋炆燒壺自己焗黎洗手

第二日(開刀日)
我較左7:00am鬧鍾起身梳洗,之後換衫等去手術室
梳洗後影左張最後既大肚照留念~~
然後9:00am開刀先生要7:30am前黎到醫院準備
換好衫預備過床去手術室~
等左陣姑娘黎左幫我過床啦~超級緊張~~
過完之後會有胃藥比我飲(比較難飲)
姑娘解釋用黎止嘔同埋保護個腸胃,飲完就推我出去同先生會合啦
咁我地就排隊入手術室,開始淆底了
入到手術室同先生各自分開,會先幫你麻醉同量血壓
麻醉既時候身體要程C字形彎住個身打落背脊到(支針都幾痛)
唔知係唔係打得唔準feel到打左3-4次(因為好驚成日陏可能搞到打得唔準)
終於打完麻醉種埋豆set up完帳篷先生就可以入黎
成個過程一路有暖風機吹住~好暖
但打完個麻醉針之後成身震得好勁好勁,已經分唔到係驚到震定麻醉藥既效果
當時我已經喊緊(太緊張),麻醉師一路不斷安慰我
先生入到黎之後一直緊握住我隻手~直到我地既BB終於出黎啦!!!(開刀到bb出黎既成個過程好快,大約15分鐘左右)
聽到喊聲個刻真係好感動~
之後用醫院相機影大合照姑娘問要相定係碟,我問佢價錢係幾多
佢話佢都唔清楚,相就得一張,碟就多D相~
我就揀左要碟...收到碟後入面有17張相~~
(疫情其間仲可以陪產啊~)
之後影完相先生同BB就跟姑娘一齊走,
我就繼續係個手術室到縫針(醫生手勢唔錯傷口都細同埋價錢合理
先生就係房到等我上返去
手術後4個鐘唔可以飲水/食野~
4個鍾之後就可以飲小小水,如果無問題過多1-2個鐘就可以叫粥水食~
之後麻醉藥會慢慢過開始宮縮,個種感覺係超級超級痛
手術完後會插尿喉成晚都唔洗陏(根本痛到陏唔到)
然後成晚就迷迷糊糊就訓左~~

第三日
子宮同傷口都仲係好痛
朝早會有姑娘黎量下血壓同埋睇下你個尿袋多唔多尿
姑娘問我係唔係飲好少水話無乜尿
但其實我飲左好多~後來發現因為飲左炒米茶~
姑娘叫我飲普通水就得唔好飲炒米茶~(所以炒米荼可以唔洗帶啊~~)
之後排尿問題就正常返啦~~
然後中途有姑娘換m巾和抹身,醫生和兒科醫生黎睇我地
拆左尿喉後就可以等老公黎扶我一齊去睇BB啦~~(自己一個實在行唔到)

第四日
朝早會有講座聽~可以同埋先生一齊聽~
之後當日仲會有個出院準備講解,呢個就先生無得聽
因為呢個係餵奶室入面講既~
朝早既講座會教你一D育先知識~餵人奶技巧~有D咩退奶食品一定唔可以食等等...
聽完之後就可以一齊去睇下BB~~好可愛啊
每次睇之前都會有張卡仔去登記,時間大約15分鐘左右~
真係睇極都唔夠~🥺
然後我會按返佢既餵奶時間去餵(餵人奶/奶粉都可以入去餵BB)
餵BB前要紮起頭髮,排隊洗手同埋佢會有件好似醫生袍既衫比你著
入到去唔可以用電話同埋唔可以影相~~
每次去到都真係愛不釋手~
餵奶室既姑娘好好人,我當時個胸谷到好硬好硬~
姑娘幫我推鬆返~之後姑娘叫我借泵奶機去泵奶,泵完比D奶佢地幫手餵返~~
但我都只係泵到15ml
後來聽朋友講~
未生之前食卵磷脂可以預防塞奶~~(我朋友生完第2日已經可以泵出80ml-90ml了~~)

第5日
今日係接BB出院既大日子啊~~
先生黎醫院接BB既時候就要帶定包被黎~
衫就唔需要,醫院會送一套出院既衫比你既~~
之後汁好晒野係房到等單出,(要等兒科醫生同埋開刀醫生開單~)
當日我既兒科醫生好遲先黎都等左一段時間....
出左之後要落樓比左錢先~比完之後就要上返去比返單佢睇
排隊接BB走~(我出院當日好多人~~)
出院前醫院都送左好多野~~

仲有包順順兒既濕紙巾(綠色)~~
之後仲會有本聖經同相集送~~


總括黎講醫院姑娘友善,醫生收費亦都合理~~
如果想知道邊一個醫生同埋收費如何可以留言pm比資料你參考~
之後我會再出文分享我既坐月同紮肚~
****原本我係有請陪月~但因為疫情關係撻左掟****
所以我會分享返我係如何自行坐月既~~~
記得留低足跡啦

535 次閱讀 | 9 個評論
Facebook WOW Google+ Weibo Mail
當前第 1 個 | 共 3 個BLOG      下一個

評論


您需要先登入才能繼續本操作