婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 36 個 | 共 650 個BLOG      上一個 | 下一個
查看BLOG | 返回BLOG列表

小女的成長故事 - 4;9

標籤孩子成長  6月前
放假前手冊全tick 可喜可賀 可以安心去旅行 但到校接佢放學時 老師都係提一句 「隻手要乖」
都係嗰句 有時佢玩嘅時候真係會推下人 但有時係人地蝦佢佢出手攞番自己啲嘢 只係同學會同老師投訴 我女唔會

而家對讀字好有興趣 會自己指住句子讀 或者要我教佢讀 有啲冇教嘅字 見得多都可以自己讀 真係好 我一向都注重中文多過英文 一嚟公公自己鍾意教佢英文 我唔駛跟咁多 二嚟始終覺得中文難過英文 一定要硬記 三嚟如果升得上原校小學 中文方面一定會更弱 希望我行呢個方向冇錯

講英文興趣都大咗 可能覺得自己講得幾好 (人地聽得明) 有時佢會專登話「而家我地要講英文呀」跟住就英文對答 外星話少咗 亦開始有句子 似乎送佢去呢間centre上英文班係冇錯嘅選擇 不過老師評估完話佢未ready去考trinity 唔緊要啦 聽聞而家考小一都唔睇portfolio嘅  (自我安慰中....)

有輪教佢加減數 但冇恆心教 我諗佢而家開始明咩叫加數 但都要提示下先計啱 又要下工夫先得

最近好鍾意幫人改名 我叫王凱琳 爸爸叫王希琳 細佬叫李倩晴 仲有新買嘅Jenny叫做Carol 多啦美做咗Carol妹妹叫Mealis 獅子變咗座駕叫Lelus 好有創意 然後每日唔係扮老師就係Carol佢地又要跌落山 成日都跌落山 好悶
而買咗個Jenny俾佢之後 我個頭就唔駛當災俾佢紮辮 由Jenny頂上 佢玩得好開心 佢完全唔記得個Jenny係可以換衫 幫佢創作髮型就可以

對勞作興趣都大咗 終於有啲時間係自己坐喺度畫畫 開始鍾意填下顏色  佢要mix color先覺得好玩 即係外框一隻色 入面填另一隻色 

停咗唱歌 轉面試班去原本唱歌時間 咁樣星期六日又可以瞓到自然醒 所以呢個星期都係好乖好合作 而家決定5歲就叫佢學樂器 佢話要吹喇叭 我覺得非常ok 但....咁細個應該未有得學住


77 次閱讀 | 16 個評論
Facebook WOW Google+ Weibo Mail
當前第 36 個 | 共 650 個BLOG      上一個 | 下一個

留下足跡

評論

  • Bowing 6月前
    HEIHEI: 好叻呀! 咁要學啦!
    但問咗好多次 佢都係唔揀鋼琴......
  • HEIHEI 6月前
    Bowing: 我相反 我屋企有琴 但我女冇興趣玩 但其實佢應該有啲天份 玩玩具琴 佢係彈到一兩句兒歌出嚟.......我都唔知點引導佢揀好
    好叻呀! 咁要學啦!
  • Bowing 6月前
    小方: 幫阿爸阿媽改名好正啊,你地兩公婆變咗做兩姊妹XD

    學樂器我都係學返最傳統嘅鋼琴,每次去親戚度兩姊妹都係咁玩人地個琴,不過我屋企係冇琴的⋯⋯
    我相反 我屋企有琴 但我女冇興趣玩 但其實佢應該有啲天份 玩玩具琴 佢係彈到一兩句兒歌出嚟.......我都唔知點引導佢揀好
  • 小方 6月前
    幫阿爸阿媽改名好正啊,你地兩公婆變咗做兩姊妹XD

    學樂器我都係學返最傳統嘅鋼琴,每次去親戚度兩姊妹都係咁玩人地個琴,不過我屋企係冇琴的⋯⋯
  • HEIHEI 6月前
    Bowing: 咁有冇同老師講佢上得唔開心? 睇下老師有冇辦法令佢有動機上
    我女話啲野太深,唔識,啲字又好難寫。
  • Bowing 6月前
    HEIHEI: 我女話啲野太深,唔識,啲字又好難寫。
    咁面試班教嗰啲字真係深好多 我女學校都仲係寫單字 間唔中詞語
  • HEIHEI 6月前
    Bowing: 我都係為咗面試班先停唱歌...好可惜

    有冇朋友教音樂可以介紹下
    佢返面試班真係好唔開心,
    但老師又真係講出左阿女好多問題出黎。
    (呢期報上到去3月,仲有時間我揀😅)

    我只係識人教大提琴咋🤣🤣🤣🤣
  • Bowing 6月前
    HEIHEI: 佢返面試班真係好唔開心,
    但老師又真係講出左阿女好多問題出黎。
    (呢期報上到去3月,仲有時間我揀😅)

    我只係識人教大提琴咋🤣🤣🤣🤣
    咁有冇同老師講佢上得唔開心? 睇下老師有冇辦法令佢有動機上
  • Bowing 6月前
    HEIHEI: 我睇面試班返黎啲note, 我女真係完全唔識。
    再唔上咪仲死?!  好擔心。

    話劇一次報十堂咁,如果真係報都要等面試班完晒先。撞左時間。

    中晒,小提琴啲聲真係
    我都係為咗面試班先停唱歌...好可惜

    有冇朋友教音樂可以介紹下
  • HEIHEI 6月前
    Bowing: 你女女都好識表達自己 我女呢方面係零意見

    話劇班都好好玩 有冇短期課程玩下

    小提琴真係劏雞 你快啲說服佢玩大提琴
    我睇面試班返黎啲note, 我女真係完全唔識。
    再唔上咪仲死?!  好擔心。

    話劇一次報十堂咁,如果真係報都要等面試班完晒先。撞左時間。

    中晒,小提琴啲聲真係。。。
    大提琴我仲搵到上門教,邊度搵。。。。
  • Bowing 6月前
    牢騷王: 我依家都好唔想要個琴, 因為要揾住放, 但係唔要佢, 到第時真係比佢學/佢真係想學, 又要買新, 好貴
    係 二手嘅 音色差好遠
  • 牢騷王 6月前
    Bowing: 我家都有琴 但好明顯我女係冇興趣 我都唔想佢大個時好似我咁一搬屋就要諗個琴擺邊度
    我依家都好唔想要個琴, 因為要揾住放, 但係唔要佢, 到第時真係比佢學/佢真係想學, 又要買新, 好貴
  • Bowing 6月前
    牢騷王: 我同外星人上完一期體操班, 想幫佢報PHONICS, 樂器就無乜頭緒.....我有琴, 可能試下揾嫂子試下...
    我家都有琴 但好明顯我女係冇興趣 我都唔想佢大個時好似我咁一搬屋就要諗個琴擺邊度
  • 牢騷王 6月前
    我同外星人上完一期體操班, 想幫佢報PHONICS, 樂器就無乜頭緒.....我有琴, 可能試下揾嫂子試下...
  • Bowing 6月前
    HEIHEI: 我都想阿女學樂器呀,佢想學小提琴,
    但我想佢學大提琴。但我覺得敲擊,最岩佢。

    阿女試左話劇班話好鐘意,但好遠,同埋撞左面試班時間。但女話唔想上面試班,
    你女女都好識表達自己 我女呢方面係零意見

    話劇班都好好玩 有冇短期課程玩下

    小提琴真係劏雞 你快啲說服佢玩大提琴
  • HEIHEI 6月前
    我都想阿女學樂器呀,佢想學小提琴,
    但我想佢學大提琴。但我覺得敲擊,最岩佢。

    阿女試左話劇班話好鐘意,但好遠,同埋撞左面試班時間。但女話唔想上面試班,啲野好深。。。 又要寫字,細B 真係完全唔掂。😕

您需要先登入才能繼續本操作