婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 32 個 | 共 656 個BLOG      上一個 | 下一個
查看BLOG | 返回BLOG列表

小女的成長故事 - 4;10

標籤孩子成長  8月前
小朋友去到呢個年紀 媽媽開始忍唔住只focus佢學術上嘅進步 但可惜媽媽係在職懶媽媽 小女讀嘅又唔係學術深嘅幼稚園 面試班老師都話佢學術要努力下 而家只能盡力教得幾多就幾多

不過小女嘅閱讀能力原來比我想像嘅好 一直以嚟我地只係focus教單字 句子係好少讀 所以啲中文字 有 是 在 了呢同埋英文字啲sight words 我女唔係好識 前幾日扮勤力同佢讀中英文 用中文字咭砌嘅句子 都算係讀到 但造句就未得 唔知道咩係主謂賓 英文俾佢讀ort (無幾耐前有人送咗啲俾我) 又讀到幾句 佢自己都覺得好勁 當然同出面好多勁勁嘅小朋友比仲差好遠 但佢肯讀肯學我已經好感動 

btw 我忍唔住分享我同事幫姪仔溫書 (k3) 佢講完句子然後叫姪仔砌番出嚟 學校教緊「喜歡」「穿衣服的」結果佢同姪仔講「爸爸喜歡穿衣服的媽媽」笑死我

數學呢? 之前有教佢加減數 又教佢單雙數 似乎....離成功仲有一段距離 不過而家識睇鐘啦 都係有進步嘅 

媽媽揀好咗會報邊幾間直資 都係以近屋企為主 最好考到啲學費平啲嘅 希望考到一間啦

老師最近又投訴我女學校手多多 我有同老師反映我見到嘅嘢不過老師都好堅持我女好多時係「冇原因」下出手  聽完老師講又聽埋我女講 我覺得佢係不識時務 成日以為24小時都係玩 如果大個啲都係咁佢都幾蝕底 要學識媽媽嘅觀言察色先得 不過老師出到聲我都係要處理下佢手多多嘅問題 同老師傾傾下時講到佢係視覺型小朋友 突然間諗起以前讀嘅counselling skills可能用得著 當晚同佢一路講一路畫 佢好似受落 呢幾日都主動同我講冇聽怪獸話 同咗天使做朋友 但其實好多時佢做咗佢自己都未知 awareness方面要提高

媽媽畫嘅天使同多手仔.....佢聽到我話多手仔住喺佢個腦度佢好擔心XDDDDD

然後就係尋晚 佢拎住張鋪枱布跑 踩咗落枱布後向後跣成個跌落地度 好明顯頭落地 嚇到我地死 佢都嚇親 喊咗一陣話要瞓覺 搞到我都好擔心 瞓瞓下又驚到喊 喊到好似BB嗰時咁瞇埋眼乜都唔聽乜都唔睇又乜都唔講 開電視都冷靜唔到 然後嗌痛但又講唔到邊度痛 問咗一陣先知係肚痛 搽油搓肚都係痛 結果我同爸爸帶佢落樓下睇下診所有冇醫生 點知一落去佢就熄燈 咁佢又冷靜咗啲 就帶佢買嘢食啦 (晚飯都冇食) 返到屋企 見到公公又忍唔住繼續喊 結果搞到11點幾 佢話要跟我瞓 再氹佢一輪佢先真係瞓著 真係陰功 結果今日同佢請假 心靈需要治療下

真係好在有公公婆婆喺度 一個小朋友有事時都有人睇住另一個 細佬見到家姐係咁喊時 佢係發表偉論 不停咁講嘢.......-___-

127 次閱讀 | 23 個評論
Facebook WOW Google+ Weibo Mail
當前第 32 個 | 共 656 個BLOG      上一個 | 下一個

留下足跡

評論

  • Bowing 8月前
    catcat2056: 但佢好早起身, 之前可以瞓到8-9點, 打左6個月針後, 而家朝朝6點幾7點醒
    佢知道你要返工 早啲起身飲奶.....
  • catcat2056 8月前
    Bowing: 早瞓嘅BB其實好好.....
    但佢好早起身, 之前可以瞓到8-9點, 打左6個月針後, 而家朝朝6點幾7點醒
  • HEIHEI 8月前
    小方: same here!!我個女都係成11點先訓~~~
    有時仲要玩,唔想訓。但我明佢其實想我陪。
  • Bowing 8月前
    小方: 冇事就好,可以安心d
    係呀 真係嚇死我
  • Bowing 8月前
    maviso: 發表偉論 不停咁講嘢.......-___-<<<XDDDDDDD
    細路係落井下石型,
    如果換轉係我女,佢會喊幾聲以示驚驚
    我覺得佢係師奶型 係就大件事 男人唔可以咁
  • 小方 8月前
    Bowing: 個天使嘅重點係...手放後面....

    尋晚我都諗起你個女 成晚都留意佢有冇異樣 今朝打去同佢講嘢 好似冇事.....
    冇事就好,可以安心d
  • 小方 8月前
    HEIHEI: 阿女都已經晚晚十一點,老師話佢上堂訓著覺。。。。
    same here!!我個女都係成11點先訓~~~
  • HEIHEI 8月前
    Bowing: 返全日班都可以咁夜瞓嘅? 你個女都好多電

    我女返下晝班都係咁夜瞓 但瞓到朝早9點幾10點
    咪就係想阿女再早啲訓,咁攪法唔掂。。。。。
  • maviso 8月前
    發表偉論 不停咁講嘢.......-___-<<<XDDDDDDD
    細路係落井下石型,
    如果換轉係我女,佢會喊幾聲以示驚驚
  • Bowing 8月前
    catcat2056: 我都係每晚得1個鐘左右同佢玩, 因為佢8點幾就會開始扭, 9點就要瞓覺
    早瞓嘅BB其實好好.....
  • Bowing 8月前
    HEIHEI: 阿女都已經晚晚十一點,老師話佢上堂訓著覺。。。。
    返全日班都可以咁夜瞓嘅? 你個女都好多電

    我女返下晝班都係咁夜瞓 但瞓到朝早9點幾10點
  • HEIHEI 8月前
    Bowing: 其實我都係因為我女夜瞓先可以有一兩個鐘做下嘢....
    阿女都已經晚晚十一點,老師話佢上堂訓著覺。。。。
  • Bowing 8月前
    HEIHEI: 我冇呀,要做家務,食得飯黎,沖涼都要訓覺。
    其實我都係因為我女夜瞓先可以有一兩個鐘做下嘢....
  • catcat2056 8月前
    Bowing: 其實我都花好多時間同佢玩同整手工.........因為都想佢醒目啲同埋有耐性....但每晚都係得一兩個鐘真係可以玩 可以做得幾多
    我都係每晚得1個鐘左右同佢玩, 因為佢8點幾就會開始扭, 9點就要瞓覺
  • Bowing 8月前
    catcat2056: 「爸爸喜歡穿衣服的媽媽」--->笑死我
    你d畫功好叻
    XDDDD  post出嚟都係想自我感覺良好.....

    我女見到我畫完個天使之後 自己不停喺度畫仙子.....
  • HEIHEI 8月前
    Bowing: 其實我都花好多時間同佢玩同整手工.........因為都想佢醒目啲同埋有耐性....但每晚都係得一兩個鐘真係可以玩 可以做得幾多
    我冇呀,要做家務,食得飯黎,沖涼都要訓覺。
  • catcat2056 8月前
    「爸爸喜歡穿衣服的媽媽」--->笑死我
    你d畫功好叻
  • Bowing 8月前
    HEIHEI: 我女學術仍然是零... 我只係識同佢做手工同埋玩~ XDDDD
    其實我都花好多時間同佢玩同整手工.........因為都想佢醒目啲同埋有耐性....但每晚都係得一兩個鐘真係可以玩 可以做得幾多
  • Bowing 8月前
    小方: 講到升小,我地零訓練,加上有兩件,所以直資唔考慮喇,最多報一兩間私小做後備
    又唔想太谷,但又唔想揀間太差,又想要粵教中,真係堅煩
    我睇我嗰區嘅小學 真係全粵教中嘅學校唔多 通常係一級入面有一兩班係咁 同埋係自願性揀
    但你個女國語好 其實唔駛太擔心
  • Bowing 8月前
    小方: 媽媽畫o既天使好靚呀

    跌親個頭仔嚇親我明,fifi仲食得玩得冇嘔就唔使擔心
    個天使嘅重點係...手放後面....

    尋晚我都諗起你個女 成晚都留意佢有冇異樣 今朝打去同佢講嘢 好似冇事.....
  • HEIHEI 8月前
    我女學術仍然是零... 我只係識同佢做手工同埋玩~ XDDDD
  • 小方 8月前
    講到升小,我地零訓練,加上有兩件,所以直資唔考慮喇,最多報一兩間私小做後備
    又唔想太谷,但又唔想揀間太差,又想要粵教中,真係堅煩
  • 小方 8月前
    媽媽畫o既天使好靚呀

    跌親個頭仔嚇親我明,fifi仲食得玩得冇嘔就唔使擔心

您需要先登入才能繼續本操作