婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 18 個 | 共 650 個BLOG      上一個 | 下一個
查看BLOG | 返回BLOG列表

3月閒聊 - 小一報名

標籤孩子成長  小一面試  3月前
終於都要面對現實幫大女報學校,雖然話小學好大機會會收,但以佢上學期嘅表現,再加上有個細佬跟尾,都係出去考下好啲,如果考到間適合佢嘅又可以收埋細佬嘅學校,就皆大歡喜

自知唔係虎媽 大女亦唔係谷得嘅類型 所以都唔會報啲勁勁勁學校 但其他直資都係勁同埋勁勁嘅Level 講真 係冇信心考到.....但唔報名就連waiting都冇嘛 (自我安慰中...)

暫時我嘅名單上有兩間可以報名 音小同埋真道
音小喺3月頭去咗聽簡介會 校舍真係好大好靚 喺演奏廳度聽簡介會 真係覺得好享受 張櫈坐得好舒服 加晒分 (你知嘛 好多演奏廳啲櫈都會坐到pat pat痛....)
簡介會由校長主講 校長本身係一位牧師 所以其實佢講嘢幾好笑幾好聽 佢係創校校長 所以佢對成間學校運作同課程都熟悉  呢樣對學校嚟講好重要 (感同身受中....)
而學校由一開始就展示佢地嘅立場 就係佢地係一間將傳道放喺學校生活入面嘅學校
聽完簡介會 其實似係上完一場崇拜 
所以老公嘅point有道理 如果小朋友係冇打算信教嘅話 呢12年學校生活可能幾難捱
考到...先再諗
而我呢兩日就趁住唔太多嘢做 喺度填佢份申請表 申請表其實一月尾就已經可以上網填 但一見到啲價值20分嘅題目我就逃避咗 諗住聽完簡介會先再答 但結果尋日我都係靠吹水吹答案出嚟
然後睇下仲有咩要交....有portfolio 話optional其實即係要交 好痛苦 一個考academic cert又冇參加比賽嘅小朋友 佢嘅portfolio真係......結果我又係靠吹水去充撐頁數 我其實好有潛質出八卦雜誌 砌咗兩日 終於搞掂個portfolio 好在只係5頁

而真道就好方便 只係填基本資料 同埋去7-11交報名費 仲有報咗佢地簡介會 9:30開始F5 好在幾次就入到登記咗 10分鐘之後簡介會已經full晒 好恐怖 又話蛇年出生率低啲嘅?

真道我其實幾鍾意 因為好似好鼓勵小朋友獨立思考咁 呢個年代需要嘅係創意同靈活性 而我家大小姐好需要鍛鍊下 仲有就係學費平 同埋我可以送返學慳30%校車費 不過呢 老公以前幫過讀真道嘅小朋友補習 佢話覺得佢地唔夠乖.....希望只係個別事件啦

媽媽淨係搞報名 都冇喺屋企同大女操下題目.....我諗嚟緊幾個星期又唔駛做功課 係最後機會啦..... 
113 次閱讀 | 12 個評論
Facebook WOW Google+ Weibo Mail
當前第 18 個 | 共 650 個BLOG      上一個 | 下一個

留下足跡

評論

  • Bowing 3月前
    HEIHEI: 但又唔係咩國際性獎,
    叫會參加比賽又話唔玩。。。。

    藝術家小姐好難叫佢表現出黎。

    放假去晒玩,仲未砌好啲野,苦惱中。
    我冇理 有CERT就擺落去 證明花幾多時間落去呢樣興趣都好
  • HEIHEI 3月前
    Bowing: 小熊貓喺藝術方面表現突出已經加好多分 我女多方面都係平平無奇


    答問題真係好煎熬。。。
    但又唔係咩國際性獎,
    叫會參加比賽又話唔玩。。。。

    藝術家小姐好難叫佢表現出黎。

    放假去晒玩,仲未砌好啲野,苦惱中。
  • Bowing 3月前
    HEIHEI: 唉,,, 唔想做, 又要面對的問題來了....


    "如果小朋友係冇打算信教嘅話 呢12年學校生活可能幾難捱
    考到...先再諗" <- X2

    要填問卷唔想填, 完全
    小熊貓喺藝術方面表現突出已經加好多分 我女多方面都係平平無奇


    答問題真係好煎熬。。。
  • HEIHEI 3月前
    唉,,, 唔想做, 又要面對的問題來了....


    "如果小朋友係冇打算信教嘅話 呢12年學校生活可能幾難捱
    考到...先再諗" <- X2

    要填問卷唔想填, 完全唔想答問題...
    portfolio仲未砌好, 學術零, 運動零.... 只係得幾張豬肉畫畫CERT,
    都唔知吹D咩~~~
  • Bowing 3月前
    maviso: 入小學做家長真係好大壓力。
    都唔知考小學大壓力啲定係上小學時跟功課大壓力啲。。。
  • Bowing 3月前
    maviso: 將軍澳應該好大競爭
    將軍澳實在太多人住。
  • Bowing 3月前
    牢騷王: 聽見就煩~~
    接受現實啦 音小仲要收幼稚園評估 我見到要print咁嘢真係想放棄
  • Bowing 3月前
    小方: 其他同學仔媽咪都諗緊報直資
    將軍澳區嘅直資,除咗真道,播道同陸慶濤都好受歡迎
    播道我都會考慮 但陸慶濤比較遠我就唔諗啦 始終都係住港島區
  • maviso 3月前
    入小學做家長真係好大壓力。
  • maviso 3月前
    小方: 其他同學仔媽咪都諗緊報直資
    將軍澳區嘅直資,除咗真道,播道同陸慶濤都好受歡迎
    將軍澳應該好大競爭
  • 小方 3月前
    其他同學仔媽咪都諗緊報直資
    將軍澳區嘅直資,除咗真道,播道同陸慶濤都好受歡迎
  • 牢騷王 3月前

    聽見就煩~~

您需要先登入才能繼續本操作