婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 18 個 | 共 654 個BLOG      上一個 | 下一個
查看BLOG | 返回BLOG列表

繁忙的復活節(二) - 愉景灣沙灘獵蛋奇兵

標籤孩子成長  獵蛋奇兵  easter  egg  hunt  愉景灣  5月前
影完相第二日就係去愉景灣獵蛋 上年因為生仔所以冇報名 今年就準時喺電腦前F5 好在reload幾次就可以登記
報名費$200一位小朋友 3-4歲組別有一個大人陪入場玩 之後啲組別都係得小朋友入去 好在我係今年幫個女報名 再大啲冇大人陪佢佢應該食沙食到飽 仲有對眼入沙 又唔夠其他小朋友狼死掘蛋 (我知我知 網上有篇blog講啲媽媽連仔女都唔理淨係掛住掘蛋嘛 但佢地只係狼到唔要個仔 冇話要搞人地啲小朋友) 言下之意我應該之後都唔會參加XD

$200報名費 而家諗番其實係回到本 首先佢free咗參加者去程船票 然後有3個大人quota可以半價$20買去程船票 跟住去到愉景灣 登記完會收到本voucher 有回程船票voucher 去counter度揀班次拎船飛就得 淨係呢度都已經過$100

另外仲有啲voucher去唔同攤位換禮物 例如「有益」的零食 仲有係可以free 一件uniqlo嘅大人內衣($79) 我老公就去咗now個counter度登記世界盃 之後就拎咗張有保冷袋嘅摺櫈仔返嚟 

咁當然去掘蛋都會有禮物 大蛋我地就掘唔到 (唔知點解可以比賽一開始就聽到主持嗌有人掘到大蛋 仲要有兩個) 但啲細蛋夾夾埋埋都幾豐富 其中係兩張換uniqlo小童內衣嘅voucher($45) 淨係換uniqlo啲內衣都夠晒 過兩日我就已經換晒啲內衣番嚟

講番活動當日 我地係第一場 11:15之前要去報到 我地搭10點船  我地10點前去到架船已經冇位 要搭加班船 仲見到啲小朋友拎住個大鏟去 可惜入場掘蛋唔可以用自己啲鏟 可以嘅應該挖土機都有人會用

去到第一時間去登記 條龍長到打蛇餅咁 我見啲吹氣城堡未算好多人排 就叫爸爸帶個女去排隊玩先  當日非常之曬 去玩吹氣城堡同曬命係冇分別 玩咗兩個之後燶燶地就夠鐘去沙灘 去到沙灘 其實未開始玩個沙灘都已經沙塵滾滾 因為個個都諗住喺沙灘曬一日命 啲小朋友係咁玩沙 啲沙幼又有風 好易有沙塵暴 

沙灘嘅充氣城堡係最高同最好玩 有3個咁多 可能啲小朋友仲留喺廣場玩 所以呢度冇乜人排 我地掘完蛋之後仲可以唔駛點排隊去玩下 

到比賽時段 我當然係派爸爸去陪個女入去掘蛋 我就隔岸觀火 其實個場框好晒 入面亦唔算好多人 不過真係好多沙塵 一定要幫小朋友戴太陽眼鏡 我見住佢地兩父女 執完一個位 又不時去挖下其他位置 我女直情係監工 乜都冇做 好好笑 可能佢覺得好曬好熱已經唔想做嘢


主持話就話30分鐘 其實15分鐘左右啲大蛋掘晒出嚟比賽就完 如果要喺度暴曬30分鐘應該有人中暑

之後我地行咗去沙灘另一邊玩zipline 想俾個女玩好耐 但原來佢驚 應該係反彈嗰下佢驚 咁唔得 一定要搵機會同佢玩多幾次 之後佢玩韆鞦都話要慢慢嚟 但又唔喊 成個師奶好緊張咁講嘢 好好笑


而玩呢個活動最麻煩係搵地方食lunch 好多餐廳 但間間都full 安排咗美食車但食物唔吸引 結果我地喺露天茶座叫外賣慢慢食(愉景灣唯一一間快餐店) 之後行下玩具舖 間玩具舖係幾多嘢睇 都推介大家行下 仲喺舖度搵到泳褲俾我仔 然後諗住去Epicland睇下 時間又唔夠 結果我地喺碼頭度hea等船然後就返歸 因為細佬仲喺屋企等緊我地 今日冇帶佢嚟真係好正確嘅決定 如果唔係佢應該曬病

下次真係想去Epicland度玩下 順便住下愉景灣酒店都好  


108 次閱讀 | 7 個評論
Facebook WOW Google+ Weibo Mail
當前第 18 個 | 共 654 個BLOG      上一個 | 下一個

留下足跡

評論

  • HEIHEI 5月前
    Bowing: 我女啲同學仔都自組掘蛋 好似慢慢變成傳統咁
    多個機會比小朋友放電!

    有沙有水玩,佢地好開心!
    就連啲大個少少既哥哥都同佢地一齊玩!!
  • Bowing 5月前
    HEIHEI: 睇人地啲相真係好似打緊仗咁,結果我地同啲朋友友自組掘蛋!
    仲未得閒打晒啲blog😅😅😅😅
    我女啲同學仔都自組掘蛋 好似慢慢變成傳統咁
  • HEIHEI 5月前
    Bowing: 淨係企埋一邊影相同食花生
    睇人地啲相真係好似打緊仗咁,結果我地同啲朋友友自組掘蛋!
    仲未得閒打晒啲blog😅😅😅😅
  • Bowing 5月前
    HEIHEI: 竟然你做左戰地記者
    淨係企埋一邊影相同食花生
  • HEIHEI 5月前
    竟然你做左戰地記者
  • Bowing 5月前
    小方: 其實我真係好大鄉里,如果唔係今年有人出咗個唱衰嘅post,我根本唔知有掘蛋活動。復活節年年都係受苦後復活,咩都冇搞
    XDDDD 而家你知道要受苦仲有好多層次
  • 小方 5月前
    其實我真係好大鄉里,如果唔係今年有人出咗個唱衰嘅post,我根本唔知有掘蛋活動。復活節年年都係受苦後復活,咩都冇搞

您需要先登入才能繼續本操作