其實上胎只係餵咗半年人奶 主要係覺得冇乜成功感 一嚟埋身失敗要做泵媽 二嚟唔夠奶 每次得幾安 三嚟愛自由的我突然間要限時限刻趕住返屋企雪奶泵奶 又要拎住咁鬼多嘢返工放工 覺得好麻煩 餵完半年奶之後我講過好多次 如果生第二個都係餵番奶粉 然後到陀緊第二個時又自自然然諗住餵番人奶 不過前題係阿仔要好湊食得乖 (湊

當阿仔滿月時見到佢皮膚滑滑 仲諗住今次可以避開濕疹之難 (因為大女當年係接近滿月時爆發 有醫生話係胎毒發出嚟....) 點知過咗滿月就嚟料 一開始係見到佢塊面乾 就試下用大女嗰隻lotion (大女當年嘅濕疹靠佢斷尾) 但一搽完發得仲勁 咁要睇醫生 醫生建議我地用另一條line嘅lotion, 沐浴露同shampoo 同埋話如果都係繼續發

咁得閒打blog 因為等緊產後檢查 等咗2個鐘都未到我。。。 暫訂haha為小兒網上名稱 haha哥去到第二個月 雖然未好似家姐當年咁玩嘢 但佢比起初生時係麻煩咗 例如會好醒瞓 特別係開閘門嘅聲 或者家姐講嘢聲 但佢就好似其他bb咁鍾意聽風筒同吸塵機聲 如果喊 咁啱開著呢兩樣 會停喊 日頭唔瞓床 寧願瞓bb櫈 但瞓前扭抱 明

不得不讚 fifi雖然成日想同我玩 但佢會好忍耐俾我搞掂細佬同其他雜務先 唔會扭計 而夜晚爸爸返嚟可以湊細佬時 我就俾晒啲時間同佢玩  對話方面“技巧”提升了不少 唔會駁咀但回應得好抵死 有佢表姨嘅影子 例如婆婆頂唔順佢食得太慢餵咗佢食一啖 我即刻話點解要人餵 佢施施然咁話 唔緊要啦。。。。。吐血 遇到困

fifi小姐最近開始明白想同小朋友做朋友 係唔需要「出手出腳」 係可以送小禮物俾人 其實佢都好肯送嘅 但奇就奇在之前送禮物俾佢嘅朋友仔 唔知點解係唔鍾意收禮物 一齊上英文班嘅小妹妹成日周圍送貼紙送餅 到我女送返啲嘢俾佢佢就死都唔要想喊咁 學校同學仔我睇唔到 但收咗同學仔朱古力回番一粒俾佢都好正常呀 嗰個同學仔又唔

上星期計錯咗數 以為今個星期先猛長期 結果有兩日佢日扭夜扭 1個鐘飲1次奶 過後計番先知佢做乜扭扭扭 又話猛長期之後奶量會增 冇 所以開始煲上奶湯 一飲就好上奶 但唔飲又打回原形 咁樣唔係好掂 慢慢再摸索下 而家佢心情好嘅時候會應下我地講嘢 er呀 a呀 最多時候係應我媽 仲會笑 佢比家姐早咗識笑 可能家姐當年忙於示範

講真 大緊肚時雙下巴 黑眼圈 手臂勁粗 個肚又有腹中線 今胎仲要爆咗好多妊娠紋 加上見網上啲大肚相太唯美 我唯美唔起 所以一直冇諗住影大肚相 不過今次見到有baby bump painting  就不如俾弟弟出世前影啦 我繼續做唔見得人嘅媽媽 個肚任由Fiona姐姐畫 佢今次分3次畫progressive painting 而主題就配合番弟弟近復活

有時間幫阿仔寫blog 證明阿仔比家姐易湊好多 湊家姐時我對手係冇得閒過 好似到返工之後先寫成長日誌 呢一個月我感受到原來初生bb真係會成日瞓 同埋瞓醒係唔喊周圍望 呢啲甜蜜回憶我一定會記住  阿仔食奶食得快 10分鐘就食完 但而家發現佢係唔鍾意飲配方奶 一食配方奶 起碼要半個鐘 食得安幾兩安 神勇啲就食到3

不知不覺寫到4歲 唔知仲有毅力寫幾耐  一直有幾樣嘢好想幫佢戒：夜片 奶樽 痰罐 夜片呢 公公趁我坐月 佢夜晚過埋嚟瞓時 好想幫fifi戒埋夜片 我話係絕對有難度 因為佢夜晚真係會痾好多次 而努力咗3星期 只能偶然有幾日冇濕片 但其實佢已經一晚去兩次廁所 一次公公叫佢起身 另一次就好似平時咁 3 4點會自己會叫去廁

一直以為接受新事物有困難嘅阿女會對弟弟有戒心 但結果完全相反 弟弟簡直就係新玩具 但佢又知道弟弟唔係玩具 因為阿女基本上係日日都錫弟弟起碼10次 頭又錫 面又錫 腳板又錫 弟弟一喊就去錫 如果弟弟收咗聲 佢就會話“因為我錫咗佢所以佢唔喊啦” 講到自己好勁咁  亦因為屋企多咗件“玩具” 加上公公婆婆長時間駐場