人生第一次影Pre Wedding, 難免都會覺得特別緊張同重視

正因為咁我地係攝影風格, 婚紗, 地點, 甚至道具上都有悉心去考慮過, 幸好攝影師同化妝師都好nice, 事前俾左好多專業意見我地, 問我地想影咩風格, 個妝有冇咩特別要求, 推薦好多唔同既婚攝景點俾我地, 最終我地就決定去一個影到唯美日落景既地方 – 下白泥

影相當日化妝師已經一早到步準備好為我地化妝, 過程都好仔細好用心, 不時都仲會同我地傾下計, 好nice好舒服既感覺, 最後出黎既妝同髮型都好滿意

當化好妝同攝影師見面之後, 我地就準備好出發去下白泥。當日我地仲帶埋屋企隻百厭狗一齊去, 諗住可以去附近鴨仔坑片草地到一齊影相, 點知因為疫情關係唔開放俾公眾，一時間真係反應唔黎, 好彩攝影師黎過好多次下白泥, 知道有咩位置都適合同狗仔一齊影相, 先令我地安心d冇咁緊張。同狗狗影左陣之後我地就轉下景, 中途又要戴返口罩, 搞到成日要補妝, 所以係我補緊妝既時候, 攝影師都爭取時間同我男朋友影下d單人照

影嘅過程都好輕鬆好自然, 攝影師好快搵到邊個位置影得靚, 不斷教我地擺唔同嘅pose, 仲不時引我地笑, 令到影出黎嘅表情唔會好生硬, 全程化妝師都好熟手咁幫我地補妝set返好個頭, 仲幫我地抽住d道具拎黎拎去, 其實都幾辛苦嫁

攝影師仲用佢嘅即影即有相機幫我地影相, 影完仲送埋俾我地留念, 真係好特別好有紀念價值, 影出黎嘅效果都真係好靚

以下就分享其中一d相俾大家睇啦, 經調色之後仲有少少菲林相嘅感覺, 我地真係好鍾意

有興趣想知攝影師/化妝師ig, 都可以pm我嫁