婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 1 個BLOG      上一個 | 下一個
查看BLOG | 返回BLOG列表

無得去旅行不如用味覺遊世界

By natmo (聯絡作者) 於 2020-08-27 11:30
因為今次疫情,最鍾意去旅行嘅香港人全部都被困香港差唔多大半年,我都唔例外,已經好似有種「被蟻咬」嘅感覺......好想出走啊!!!!無得飛,咁品嚐世界各地美食都得掛!雖然有限聚令,但都無阻吃貨去尋找味蕾嘅享受!

嗱嗱嗱!我唔係去咗旅行,亦唔係出咗去食飯,千祈唔好誤會喎!其實我只係網購咗好多世界各地嘅美食返嚟啫今日就先同大家介紹下台灣味道之旅啦!

呢個麻辣鴨血冬粉大家一定聽過!簡直係近期最hit食品!其實台灣好多唔同牌子都出咗麻辣鴨血嘅食品,各個牌子都有佢自己嘅fans,而我今次試嘅就係藝人賈靜雯嘅自家品牌「賈以食日」!

我平時好細食,本身都好擔心會食唔曬,但煮完出來發現佢份量啱啱好。
先講下個鴨血,件件都好大件好鮮甜,又唔腥,好有食麻辣火鍋嘅感覺!
而冬粉份量唔多唔少,同鴨血好夾,煙韌得嚟唔會太難消化,一啖鴨血一啖冬粉,正呀!
最後就係個湯頭!絶對係適合香港人嘅口味!香港人都好愛辣,但始終我地同長年住喺潮濕地區果啲食辣長大嘅人唔同,比較少人頂得順正宗川辣果種極致嘅麻同辣,而呢個湯頭不得不講係平衡咗喜歡食辣嘅香港人所追求嘅味道。

第二樣試嘅係泰式酸辣粉。比起麻辣鴨血冬粉其實佢更適合夏天食用!酸酸辣辣咁好開胃,而且佢係扁扁嘅寬粉,更啱我嘅口味同男朋友一路食住泰式酸辣粉,一邊嘆住冷氣,一邊煲劇,爽!

今日就分享到呢度啦,大家平時有咩消遣活動不妨分享下等我都試下吖
275 次閱讀 | 0 個評論
Facebook WOW Google+ Weibo Mail
當前第 1 個 | 共 1 個BLOG     

評論


您需要先登入才能繼續本操作