婚享同學會


可用已有生活易帳號

登入


未有生活易帳號?

立即註冊

LYCHEEE的動態

LYCHEEE的主頁 | 打個招呼

2021-07-15

  • LYCHEEE 發表了新BLOG 9日前
    幸運遇到的優惠活動 - 一擊即中嘅裙褂

    準備婚禮過程中我一直都冇乜點理過裙褂呢個項目,因為我對於著裙褂冇乜期望,唔識分咩龍咩鳳,都冇留意邊d叫靚邊d唔靚,所以冇太大興趣去ko佢,都係周圍問完價錢就算~


    直到早排碌ig見到有間裙褂舖做緊超級大優惠,我一睇到個價錢就雙眼發光😂秒速book左去試身~


    上去到有一男一女負責人,佢哋比左套紅睡衣我換,因為big day當日裙褂入面都係著睡衣~睡衣薄身唔會著到個人咁臃腫~


    今次嘅大優惠真係好抵($2000租裙后、$2800租褂皇,只限十人已完結),但就因為價錢真係好抵,佢都直接同我哋講d款唔會係最新最靚嗰批,但亦都唔會太舊~然後就好親切咁叫我睇下款,睇啱又啱size就可以試上身~


    我就揀左以下幾款黎試:


    條裙係唔可以試上身嘅,要用條腰帶綁住~

    近鏡:

    呢個價錢有呢個質素🥰🥰🥰 超乎我預料呀!你哋覺得邊套最靚?

    試嘅過程中男女負責人都好溫柔,唔會嫌我哋問題多,會一路介紹d款比我哋,又唔會因為我哋揀優惠款而hea我哋或者嫌棄我哋(呢樣真係超重要!)


    其中兩款最近超受歡迎嘅款式:


    雖然真係好靚,但我都係睇價錢做人😂 揀返優惠款

    由於我哋太啱傾,店主仲帶左我哋參觀佢哋嘅秘密基地~原來入面仲有好多褂架!


    店主咁親切、價錢又咁抵,我哋就即場confirm左以上其中一套喇☺️ 但大家要留意,店主為咗保障鋪頭利益,係大家未俾錢confirm之前都唔可以自己影相架~不過confirm之後就可以任影了


    p.s. 呢間舖頭之前有發生過D不愉快事件,但我睇完來龍去脈之後,覺得錯不在店主,所以無對佢哋失去信心~但每人對每事都會有不同睇法同意見,只希望大家互相尊重~同埋我出post並唔係想幫佢哋平反,而係親身上完去之後真心感覺到店主希望大家和和平平,開開心心出嫁的想法,所以先想向大家推薦~我諗大家上到去都會感受到~


    P.p.s. 以上個大優惠已完結,但我問咗店主,如經我介紹即場confirm都有8折優惠,有興趣再pm我~另外,我哋係真金白銀比錢confirm左一套褂(雖然係優惠款🤣),非打手!