今朝一早處理公司上既急事後, 就開始趕快去醫院陪媽媽. 入到醫院, 已經3點, 媽媽已經O係病房安頓好. 環境十分舒適, 面對無敵馬場景, 媽媽既心情都未見十分差. 無所事事, 教媽媽用電腦上FACEBOOK, 見到佢好開心, 都希望開心能夠暫時忘記憂慮. 除左袁醫生外, 劉醫生同麻醉醫生都見過媽媽, 解釋過手術, 我同媽媽都知道

以下係我發現上一代同依家個一輩後生見工既分別....唔知大家有冇似曾相識咁呢?   CV 1. 上一輩.......會整理好先會FAX俾人, 務求俾一個第一個好既印象俾人. 2. 現在一輩......連份工要乜野學歷都唔知, 完全冇關係都收過. 而且可能慣左COPY & PASTE, 我收過同時間4~5份一模一樣既CV(可能畢業時既功課)

其實依幾日真係冇事.....一番工, 就係咁做, 返到屋企又做....做到好累, 目的都係做多D, 可以安心D放假....    

今日所有既報告俾哂劉教授, 教授就認為媽媽心臟只有小小問題,  所以適合做手術. 開始時初訂星期六做手術, 但我地都想早DD 做, 快D減少變化既風險, 但最後都係定左星期六, 因為手術室冇位.   媽媽知道能夠做手術, 心情輕鬆左好多 希望當日手術順順利利啦. 我都希望我都訓得好D.....因為我已經晚晚

今日下晝出去陪媽媽, 同佢傾下計. 等佢冇咁悶, 點知帶左隻"天水圍既日與夜", 睇完仲悶....套片我個人覺得係一套紀錄片, 好似冇主題咁, 更加似去到普通公屋既情況一樣, 拍唔到天水圍既特色, 不過只能講拍到公屋好似比私人屋村更加有人情味係真. 因為我依家同鄰居打招呼, 真係冇反應....好奇怪. 以前同屋企人住,

由於唔想俾人打小報告, 所以今日O係公司係咁做, 係咁做...... 放左一日假, 已經成台面野, 真係想死.   不過我諗我又要習慣番依D狂開OT既日子....人老左, 真係容易累, 今日返到旺角食飯時, 第一時間就係訓啦.

今日打番公司, 請一日假, 接媽媽去做幾個身體檢查, 抽血及心臟檢查, 以確保媽媽做切除腫瘤既手術時, 減低中風既風險.   今朝9點, 我就出到去旺角屋企, 打電話BOOK 檢查既時間, 由於媽媽空肚抽血, 所以就想媽做左抽血, 食完飯, 再去 做超聲波檢查心臟, 最後去養和做中子量檢查心臟. 預算媽媽都會幾辛苦走咁多

今年既64 20周年...對我來講毫無感覺, 因為我都冇心情去理會 今日我二佬一早收到佢朋友既來電, 講袁醫生有時間去見我媽媽. 咁我二佬就馬上請假去接媽媽見醫生. 袁教授係舌癌既專家, 微創超聲手術刀應用於舌癌亦都係佢提倡, O係佢既經驗, 冇一位病人有併發症, 我二佬因為有醫學既知識, 所以佢就抽空去陪媽媽. 聽佢地

今日早上, 我O係巴士上打去香港大學既醫學院,詢問有關超聲波檢查既技術, 但可惜原來只係確定左係CANCER後, 量度腫瘤既SIZE, 而唔係CHECK良性定惡性. 而且問過排期情況都係同排公立醫院一樣, 都係等咁耐. 我問佢舌CANCER, 3個星期已經可以擴散到全身, 佢話知道, 但程序上係咁, 幫唔到.....我真係好"文", 點解我地

今日大嫂幫媽排期, 有埋醫生既TRANSFER LETTER, 但竟然醫院覺得冇必要性(即暫時未確定係CANCER), 所以排期, 排到2011年先有得睇醫生.   2年? 冇事都變有事啦, 我地一家人每年都俾唔少稅, 退稅/免乜免乜都冇我地份, 連醫療既福利都冇....反而大陸落黎生仔唔俾錢都得. 我地香港人乜野福利都冇!!!!!