食埋今日藥就冇哂藥, 但仲係咁咳同打思憶.... 不過有兩日既假期充電, 我諗都OK既.   拍拖既時候好少嘈交, 到臨結婚時三日唔埋都鬧交, 到依家婚後既生活, 好似係感情三段唔同既感覺 現在, 冇左婚禮既壓力, 我地兩個就少左好多鬧交, 佢都好乖咁做家務, 又好識照顧我, 反而病左既我, 真係累都乜都唔想做.

全日打"思憶".....打到嘔. 幾時先好返呢?

成晚咳....仲要咳到出血, 搞到我老婆都冇得訓, 老婆....好對唔住, 結婚咁多日都要你照顧, 仲要夜麻麻搞到你, 仲諗住我能夠照顧你, 做家務, 依幾日就靠哂你啦.   返工.....今朝真係忙到死, 係咁要開會, 累到想死, 依然要撐住自己, 仲要俾條仆街係咁炳....心諗....成件事唔關我事, 你鬧我做乜, 你叻既就去炳出面

今日係結婚第十日, 仍然係病下病下咁.....OT之後先有時間再睇醫生, 希望睇番由細睇到大既醫生會好番啦. 已經食左成個星期藥啦....

3月30日, 今日下晝開完會就去旺角拎部電腦走.... 點知豐澤話UPGRADE既RAM, LENOVO 竟然唔認, 搞到我要去番豐澤理論 開頭佢地話唔會UPGRADE (琴日都話會), 佢地既PROMOTION 都有寫有(我即刻用相機拍底, 費時佢地毀滅証據,而向我SELL野既SALES好彩都認, 佢就幫我UPGRADE 做1.5GB, 都算抵啦...3588, S10 有1.5GB RAM, 1

3月29日....結左8日啦 今日買左好多野....訂左部LENOVO S10, 1.5G RAM, 160GB Hard Disk, 6 CELL 電, 以後同老婆一齊用電腦啦...唔使排隊. 另外我太太又買左麻將台, 掠衫架..... 咁又唔見幾千啦.....   今日見到媽成手腫哂, 又紅哂....哎.... 仲有, 今晚老婆返左娘家訓. 今晚又一個人訓啦

3 月28日.....岩岩結婚一星期 下晝一放工, 返旺角舊居陪媽, 擔心佢一個人屋企會傷到佢傷口, 點知一食完藥就訓左4個鐘...可能我真係成個月都唔夠訓, 一病就係咁訓...希望快D 好番啦. 食完藥反應遲鈍.....

3月27 日.....仲係好唔舒服.  今日大約4:30做完野, 就再睇醫生啦...今日精神又差, 把聲沙哂... 醫生開多D藥, 開埋抗生素, 希望星期六,日可以醫好哂個病啦, 依家D 病毒越來越勁, 要起碼睇兩次醫生先好番. 睇完醫生, 就盡快出廣華醫院探媽咪, 我媽因為心唔舒服, BOOK左今日進行導管檢查, 醫生話可能要做"

....我O係BLOG 留言, 係因為想其他人租車要小心D, 以過來人身份提醒未BOOK車既人小心D 搵 其實關於依家公司, 我O係ESDLIFE 同DISCUSS都有打出黎, 好可惜唔夠一日已經俾人BAN 左, 真係唔明, 其他投訴既POST 仲O係度, 而我既POST 竟然冇哂....利害利害.   我同太太大約個半個月前BOOK車, BOOK 一架花車, 同兩

3月26日....婚後第五天, 病後第一天. 今朝終於可以一齊坐車, 一齊返工, 一齊放工啦, 不過放工唔係一齊坐.... 今日由於成日都食藥....返工都係咁吊魚, 我都唔想, 食完藥個腦好遲鈍咁....只係想快D放工, 但咁多工作又幾時完呢? 放工後我就返左屋企訓, 我老婆就返左娘家食粥, 佢專登拎埋粥俾我食, 我真係好感動, 而