今日睇番自己手機影左d相，才發現一個月前(6月)拍拖一年去左迪士尼、父親節買禮物、去左婚紗展，二個月前(5月)去行宜家睇傢俱食野... 三個月前(4月)去台灣影婚紗相.... 3月買餅咭、netbook... 2月渡過我們第一個亦係最後一個拍拖的情人節... 行婚紗展..... 睇演唱會..... 1月新年定酒席.... 咁就半年....  

2009年6月23日係我們拍拖一週年，咁快一年啦！上一年我們係泰國開始異地情緣...  所以我地都放假去一個我地都未去過的地方 - 香港迪士尼樂園！(因為mtr club 換到一張免費入場券！) 當日平日但超多人，我有d懷疑係咪平日... 由澳去到目的地，天朗氣清！正！藍天白雲~ 但係真的好熱！  

7月1日... 今日有得攞介子，好心急！嘩嘩! 靚！不過我老公仔隻手剛剛好... 佢怕到時戴唔到，好左可以改唔另收錢！   老公個隻粒石高身d，感覺似方形，我個隻似圓形！放大鏡下可以見到八箭，八心留左係下面... 心底！

今日終於買到心水結婚介子，之前見到PN個對好鐘意有d斜紋，我個隻有好多碎鑽，但同朋友一齊再行下D大鋪e.g.周大福、周生生、... 之後，我地都係周生生買左對介，超開心！我地係睇介子的時候﹐發現唔同地方買會有唔同價，但最緊要係我地遇到個好售貨員，佢較新入行因為開單時都仲有好多問題要人指點，但介紹介子俾我地時意

已經過了不足200日，好快到我們的大日子... 幾日前去了婚紗展.... 又再睇下有d乜野要... 其實已經攪點左好多野... 今次去買左個花球，超平hkd198，可以影相時用！而加要努力減肥.... 近個多個月肥左好多，可能因為壓力，面又多了點點... 煩惱... 下一次9月係我地最後一次出擊！

仲有266日就到我們的大日子，今日突然感覺好似時間快咗好多，今個月(四月)月中試衫、月底我地去影相，下個月(五月)可能要搬家準備新屋，再下個月(六月)買結婚介子，再過多三個月(九月)開始約兄弟姊妹見面，又過多三個月(十一月)過大禮、攪點酒席、派帖等等重要事項，最後個一個月(十二月)... 到.... 有d想時間停留...

MTR CLUB有優惠，只要有4,000分可以換迪士尼樂園入場券一張.... 我平時無用到D分.... 有用啦... 但當然要換多一張找人陪我去...努力中...   「站站獎」積分計劃 搭搭車 購購物 站站賺分 1/3/2009 - 30/6/2009 $10港鐵站商店購物現金券經已換罄! 多謝支持!由