星期一收到通知 我既同事已經過左身 心情出奇的平靜 或者我一早已經做好心理準備接受現實   我中午多數帶飯返工 我呢個同事次次來到都話﹕又食雞翼?! 今天我既飯盒都係雞翼 但係已經再無人同我講呢句說話   再見了！廣叔！一路好走！

近排實在有太多唔好既事啦! 由於農曆新年就到 我就叫埋d中學同學農曆新年黎我屋企玩開心下 講講下計埋我同老公有8個人咁多 第一次有咁多人黎我地屋企 唔知會唔會迫爆   我而家仲已經諗定到時煮咩食 好想而家即刻就係新年

呢幾日都有d唔好既消息 首先就係很要好既朋友 佢家姐1月初因cancer離開了   另外就係我既同事好日都唔請病假 12月初開始放到而家 昨天知道佢又係cancer 而家在家中進行化療 佢年紀大了 希望佢挨得過

結左婚之後最煩人既問題，就係"今晚煮咩餸?"~~ 未結婚前一星期都會煮1-2次 而家有時一星期4-5次 要諗食咩餸都真係會諗到頭都爆~~~ 有時兩餸一湯，無湯就要有三個餸~~~   蕃茄薯仔大眼雞/肉碎湯 節瓜咸蛋肉碎湯 芫茜皮蛋魚片/肉碎湯 紫菜肉碎湯 冬瓜草菇雞雜湯 菜心炒牛丸

很久沒有寫blog，很懶寫 但我有上來追blog~~~   很多朋友都問我結左婚有咩唔同 唔...其實都無咩唔同既 而家煮多左飯，一星期洗兩次衫 得閒拖下地，收衫執屋囉~~~ 不過最唔同既就係我既體重 從來體重不會超過103磅既我，而家竟然有111磅 oh my god~~~ 不過而家都keep住110磅左右，都係

昨天中銀開始發售百年華誕紀念鈔 老公一向都有儲鈔票，佢都好想買 但係昨天同今天返工時路過中銀都係超多人 所以我都諗住無架啦~~~ 點知食飯果陣收到消息 中銀會繼續派埋明天及之後既籌 於是我食完飯即刻去左中銀排隊 仲排左兩次，幫同事攞埋籌 哈哈~~~