我都好耐好耐無上黎……結完婚真係忙到隻野咁… 之前已經請左好多假, 加上準備開一年三度既大會………係一年三度…衣個月都唔敢請假 悉尼~ 老公話要食龍蝦食到怕 ~~哈 ~~ 好想快d 到月尾呀

唔覺唔覺...已經結左婚兩個幾星期.. 可能我地之前已經一齊住, 分別不大....係多左張紙 不過諗返....由佢求婚到結婚....只係5 個月...我覺得自己真係快手快腳~~ 雖然只係屋企人食飯無擺酒, 但其他我做到足架, 連結婚相都影埋 ~  可惜11 月先有得攞啦~~~   我仲記得化好粧換緊衫落狗屎.......  

我好緊張好期待好興奮又好驚.... 仲有三個星期....我就要嫁人啦...... 好似突然轉得好快咁.............

雖然聽到老公同其他朋友讚賞....但有人同我講結婚當日...係得件裙褂靚 (仲有件婚紗同晚裝) 唔開心了...  真係那麽差嗎..     聽完個攝影師朋友咁講......真係好在意... 不停諗唔知其他人係咪諗.........好好好唔開心呀 X___X

衣幾日同d friend 係咁研究衣個topic, 真係講到興高采烈, 停唔到呀...   其實我唔知我應唔應該參與design 衣個環節....但......因平時比佢同佢d 兄弟恰得太盡, 衣個攞正牌蝦返佢地既環節, 我真係唔想錯過呀   大家都有晒共識, 唔玩米田共....其實都幾核突 ....姐妹們都唔太like , 宜家我地準備

仲有4 日咋 ~~~ 叫做乜都搞掂晒啦 ~ 宜家差婚蛋糕未訂~~因為得幾圍, 所以諗住起美心訂個細細地既~   our cake - 名: 天作之盒~~   既開心又期待

最後十日......好期待呀... 我都為我既婚禮做左one and only one 既DIY....simple but I like it 我地對結婚鞋 ~~~ 平凡中帶點搶鏡  

尋日, 係兩個星期以黎第一日既大好天, 我地去左栢麗灣影相 ~~ 9 點已經入到去準備化粧~~~ 好興奮 個天真係超靚 ~~~~心情都靚d ~~ 不過影落相, 就知大件事, 因為太好天既關係, 隻船晒到太陽既地方都好Q 熱..... 仲要擺出各種高難度動作, 如好enjoy 咁訓起甲板度, sorry 我真係唔enjoy 呀  踩落去已經勁

由於自己天生手工麻麻, 所以一開始已經決定搵人整花球 出去格價啦, 先知咁貴 ......我仲要兩個...連街市既min pay 都要$380.....好灰呀.. 無意中睇到介紹話有個女仔整絲花又平又靚, 一拍即合 宜家share 下俾wow 友多個選擇 (Esp. for 吞拿魚)   (我發覺佢唔俾我放網址 , 你地要就問我啦, 我PM 俾你

我好緊張呀..... 尋晚男友話佢都好緊張, 搞到我更加"囉囉攣"..... 好多野諗 : 唔知會係咩效果, 唔知個粧靚唔靚, 唔知個頭set 成點, 唔知會有咩頭飾, 唔知個攝影師好唔好, 最重要唔知會唔會好天  !!!!!!! 不過今朝聽天氣報告話星期五天青炎熱..個心都定d.... 希望開開心心順順利利 ~