婚享同學會


可用已有生活易帳號

登入


未有生活易帳號?

立即註冊

HEIHEI的BLOG

HEIHEI的主頁 | 查看全部BLOG
自我介紹:
結婚 + 育兒 + 手作DIY 的生活

你可能也喜歡…

當前第 4 個 | 共 967 個BLOG      上一個 | 下一個
查看BLOG | 返回BLOG列表

小熊貓 - 學校生活。親親特別的小動物

標籤孩子成長  Baby  1月前
返左學兩個月,小熊貓都習慣學校生活。
每天都會同我分享學校的事,
有時候聽唔明,
或者問啲問啲咁, 成件事會知得會完整啲。

如入學前的預期,功課量唔算多,
平日一至兩樣,寫字及畫圖。
週末就一至四樣不等,
寫字/工作紙/閱讀報告/畫圖等等。

這間學校絕對不是著重抄寫,
與其他人比較K2的功課,
大部分都寫十次或以上,
但小熊貓的只是六至八次。

反而主要是延伸的思考,
親身經歷分享為多。
例如到公園觀察、植物的種類等等。
有時候都會考起家長,
要我同爸爸上網/睇書搵資料先教一次小熊貓,
再由小熊貓把有關知識繪畫在工作紙上。

另外,學校亦注重品格教育、親職教育。
與其他學校機構合作,舉辦了品格生命樹的活動。 
在週末,有家長講座、親子活動等等。

十月中就有一次難忘的親子活動,
先有愛心麵包製作,
教育小朋友要有愛心,與人分享。


製作完畢,
小熊貓即刻拎愛心麵包到老人院與太婆分享。


還有製作感恩日記,
小朋友同家長各自繪畫感謝對方的圖畫,
貼到日記上,
學習凡事要有感謝的心。


最後,牧師帶了不同的動物來分享靈性的重要。
除了一一介紹,
還有機會讓家長同小朋友親親小動物。


估下有咩動物黎到?
狗?貓?
唔係唔係。 

而係有守宮、好細隻既樹鞋、
大過手掌的牛蛙、同埋蟒蛇呀!!


基於安全的原因,只可以比家長抱蛇蛇,
小熊貓好興奮,但有點失望,因只可摸,不可抱。


活動完結,跟牧師講再見時,
小熊貓再次再次摸摸蛇蛇。
好勇敢呀!!


期待更多學校活動,
再次肯定沒有轉錯學校,
很喜歡這間多元化又充滿愛的學校。



2017.10.24






150 次閱讀 | 8 個評論
Facebook WOW Google+ Weibo Mail
當前第 4 個 | 共 967 個BLOG      上一個 | 下一個

評論

  • HEIHEI 22日前
    Bowing: 好多親子活動但家長參加唔到嘅話 小朋友會唔開心...
    係呀,我地都盡量配合。
    所以家長揀學校都要考慮埋可唔可以配合到。
  • Bowing 28日前
    HEIHEI: 呢家學校真係好多家長活動,但如果啲唔想煩既家長就真係唔岩。太多親子野。
    好多親子活動但家長參加唔到嘅話 小朋友會唔開心...
  • HEIHEI 1月前
    Bowing: 蛙同蛇我都麻麻....個活動仲請埋家長嚟 好好
    呢家學校真係好多家長活動,但如果啲唔想煩既家長就真係唔岩。太多親子野。
  • Bowing 1月前
    HEIHEI: 我都好興奮呀!
    如果平時見蛇我會驚,但有人養既就唔怕。

    但我最開心係見到牛蛙BB,幾個月大都已經掌咁大,
    大隻蛙好可愛。不過佢有牙,食肉既,只可以隔住箱
    蛙同蛇我都麻麻....個活動仲請埋家長嚟 好好
  • HEIHEI 1月前
    shirleytph: 恭喜找到合適的學校!
    而家開始煩緊小學。好苦惱。
  • HEIHEI 1月前
    Bowing: 呢間學校好勁蛇都夠膽帶入學校 唔係間間學校夠膽做
    我都好興奮呀!
    如果平時見蛇我會驚,但有人養既就唔怕。

    但我最開心係見到牛蛙BB,幾個月大都已經掌咁大,
    大隻蛙好可愛。不過佢有牙,食肉既,只可以隔住箱望。
  • shirleytph 1月前
    恭喜找到合適的學校!
  • Bowing 1月前
    呢間學校好勁蛇都夠膽帶入學校 唔係間間學校夠膽做

您需要先登入才能繼續本操作