婚享同學會


可用已有生活易帳號

登入


未有生活易帳號?

立即註冊

HEIHEI的BLOG

HEIHEI的主頁 | 查看全部BLOG
自我介紹:
結婚 + 育兒 + 手作DIY 的生活

你可能也喜歡…

當前第 4 個 | 共 972 個BLOG      上一個 | 下一個
查看BLOG | 返回BLOG列表

小手作 - 親子手作。聖誕故事禮物盒

標籤孩子成長  1月前




小熊貓就讀的幼稚園是一所基督教學校,

聖誕節是學校的重大節日,而且重視親子關係,

所以聖誕節又有親子擺設設計比賽,

又有機會畀Hei hei同小熊貓一齊做手工啦。


是次活動要以耶穌降世的故事為主題,

Hei Hei想到有幾個重要場景,

天使與牧羊人、約瑟與瑪利亞、馬槽與耶穌,

還有三博士。。。

需以安全物料,環保素材製作。 



HeiHei同小熊貓就在家中搵垃圾!

很多朋友仔都知道Hei Hei愛大改造,

因此丟垃圾時都會問下Hei Hei要唔要,如覺得有改造空間我也會接收啊。

例如,朋友公司棄掉的木盒、爛左或不完整的聖誕飾物、樣板鈕扣、結婚佈置剩下的物資.....



先準備大木盒,貼一些背景紙,

再拎啲結婚用剩既草碎整左個草地比綿羊。




小熊貓好努力咁整緊啲綿羊,

廢紙做底,貼綿花貼綿花。

仲同Hei Hei講,係學校都有咁玩過,好開心。




再貼埋天使,加由小熊貓揀選的小小閃石貼紙,

成了天使向牧羊人告訴大喜訊息的一幕。




為左想有多點聖誕氣氛,採用一下閃片。

閃片比閃粉易控制,相對地清理現場也容易,

小熊貓也可以做到。




Hei Hei在上一 回提及的花環上拆一個松果出來,

以及用破舊的裝飾品中取些可用部份,便完成了唱詩敬拜的場景。





  







禮物盒的其中四格,

同是破舊的裝飾品及包裝物料,

互相取出可用的部份就可以併砌成新的裝飾品了。









另外, Hei Hei亦聯想到一些埸景,
配合整個作品的
聖誕氣氛。包括唱聖詩和火車出發派禮物。

同樣是收長年累月收集”垃圾”及分類而得來的鈕扣、珠片拼砌出來。




不要忘記,一邊製作,一邊與小熊貓講聖經故事,
繼續聖經故事的發展,
三博士帶了三種禮物送給耶穌,
分別是黃金、乳香、沒藥。


Hei Hei同小熊貓都未曾見過乳香和沒藥,
上網做下資料搜集先。
我們就決定用碎石染色來扮演這兩種珍貴的禮物。

至於黃金,係淘寶買野贈送的,完全不合用的”金”粒手鏈(呆~),

剛好用來扮演黃金,再用一些手作的金箔點綴一下。


到最重要的一幕了,
小熊貓用印章製作馬匹、綿羊、駱駝。


Hei Hei就用花花(我家的兔子)食剩既乾草、

結婚佈置剩下草碎以及外賣飲品的紙托,
做一個礦野場境。


遠遠的馬槽內就是馬利亞與約瑟,

誕下救世主耶穌。

外邊還有三博士前來道賀。




最後最後...耶穌的降生是天父給我們的禮物,

這個故事禮物盒決定用舊有的包裝的絲帶,

重新製作一個合用的蝴蝶結,放在木盒上。
充實意見的小熊貓還決定把
蝴蝶結放到禮物盒的左上方,
覺得這樣才是美。




後記
大部份家長都是用幾個小時就完成親子功課,
又或者選擇唔交,(因是自由參與),

我們卻用了幾日的時間來完成聖誕故事禮物盒。

我們輸了,

有朋友說,輸了很可惜呀!

主因是Hei Hei解錯題,(大意的媽媽)
又或者係老師認為不是
小熊貓做,
又可能係
老師認為材料不是”垃圾”。 哈哈~~~
 什麼原因也好,Hei Hei很滿足,

因為完成這類的盒子的製作是一個重大的挑戰。


小熊貓有點失望,但相信小孩的能力,

人要受挫敗才不會驕傲及進步!

還有好姊妹的支持,不用遷就別人的想法, 

內心夠強大做自己喜歡的創作,

堅持自己的風格。



2017.12.8

294 次閱讀 | 4 個評論
Facebook WOW Google+ Weibo Mail
當前第 4 個 | 共 972 個BLOG      上一個 | 下一個

評論

  • HEIHEI 1月前
    Bowing: 同學校講其實啲木係由聖誕樹度砍出嚟XDDDDD

    應該冇家長整到你咁靚咁多手工呱
    哈哈哈!!!!

    其實我同老公都想學鬥木,不過要買好多工具,
    唔玩啦。或者搵次去台灣玩啲體驗workshop!😊
  • Bowing 1月前
    HEIHEI: 我解錯題呀,要做聖誕樹配合耶穌降生的喜悅,
    我呢個唔係樹,離題🤣🤣。

    雖然可以係延伸創作,呢個係聖誕樹下的禮物。
    不過幼稚園levevl應該未諗到。


    其他作
    同學校講其實啲木係由聖誕樹度砍出嚟XDDDDD

    應該冇家長整到你咁靚咁多手工呱
  • HEIHEI 1月前
    Bowing: 咁都贏唔到? 咁拎第一嘅作品係咩嚟?
    我解錯題呀,要做聖誕樹配合耶穌降生的喜悅,
    我呢個唔係樹,離題🤣🤣。

    雖然可以係延伸創作,呢個係聖誕樹下的禮物。
    不過幼稚園levevl應該未諗到。


    其他作品我都有影呀,作日後參考。
    但風格真係同我整既完全唔同😅😅😅
  • Bowing 1月前
    咁都贏唔到? 咁拎第一嘅作品係咩嚟?

您需要先登入才能繼續本操作