婚享同學會


可用已有生活易帳號

登入


未有生活易帳號?

立即註冊

HEIHEI的BLOG

HEIHEI的主頁 | 查看全部BLOG
自我介紹:
結婚 + 育兒 + 手作DIY 的生活 雙職媽媽,育有一女。自籌備婚禮時開始寫BLOG分享生活點滴,最愛混合媒介的藝術,閒時會跟女兒一起創作。

你可能也喜歡…

當前第 10 個 | 共 1011 個BLOG      上一個 | 下一個
查看BLOG | 返回BLOG列表

生活 - 濕疹 + 小一大作戰

標籤Baby  孩子成長  濕疹  小一  升學  2月前
呢大半年其實都少左打blog,
原因都係工作上忙碌,
上月才出差回來。

原本一個沒有機會、或需要出差的崗位,
竟然遇上這個難得的機會,
跟相關行業的人員交流,
即使要放下小熊貓數天,
家人也相當支持。

平安回來,當然有一堆報告要交差,
總叫完成了。
不知未來還有沒有機會再與同業交流、學習,
雖然會掛住阿女,但我十分期待。


濕疹,小熊貓的濕疹。 
壓力好大,外間的說話,其實好難受。
由兩個月到而家四歲半,
出入醫院、診所,
無數咁多專科、潤膚膏、偏方。 

多謝各位,訊息我收到了,
我明白的。 
請給予我們空間,
說話、眼神、態度,
一切對我、對小熊貓、對我家人,
很大的壓力。

每個小朋友的獨特,
只有媽媽最會明白。

這月初,小熊貓開始睇中醫、食中藥。
戒類固醇!!
外表比原來的更差,滿面結焦;
進食比之前進步,整體身體都進步中;
但成身換皮的狀況真不好受,
身體好攰,成日都要訓覺休息,
晚上亦睡得不好。

我每晚都要不停的為小熊貓搽椰子油,
一個星期就用完一大樽。。。
只要好就得了。

有時候見到小熊貓痕的無助,
真係想抱住佢一齊死左去。
不過解決唔到問題的方法,我唔會去做,
反而有位老師比左啲類似輔導既資料我,
我報左名同小熊貓去上堂啦,
仲有本關於濕疹小朋友既繪本添,
期待!


至於小一大作戰,已沒期望,
我也不可坐以待斃,
即管填下表,小熊貓身體情況許可就去面試,
雖然有朋友同我講,小熊貓濕疹咁嚴重,
可以選擇的話,學校都唔會收,
邊有學校想收啲麻煩學生;
但唔交表,唔面試就一定會無。 

或者都會帶點佛系,緣分到學位自然到。 

第一間見既音小如何?
Reject。 但我無失望,都是預期的結果。

繼續交表中。。。
王錦輝
嶺小
德雅

準備中。。。
祟真
禮賢會
救恩
SMC
九真
培道
培僑

自行都已經確定報邊間。。。
廿分只有一間,
我們沒宗教,該校也不是宗教學校,
廿分唯有搏下抽唔抽到。


我都keep住病,喉嚨痛、發燒,
好完兩日又再重複,沒完沒了。
幾時先可以再做下手工呢?


2018.08.01

----------------------------------------------------------------------------------

聯絡電郵:heiheichan927@gmail.com
歡迎追縱IG:agnesheihei



162 次閱讀 | 17 個評論
Facebook WOW Google+ Weibo Mail
當前第 10 個 | 共 1011 個BLOG      上一個 | 下一個

留下足跡

評論

  • HEIHEI 2月前
    Bowing: 廸士尼我覺得OK 多冷氣地方 海洋公園真係唔會夏天去
    昨日就係去左廸士尼。。。
    唉半夜癲左咁!!!!

    今朝兩公孫攪住喊呀!!!
  • Bowing 2月前
    HEIHEI: 但阿女又要去下廸士尼 同海洋公園。
    廸士尼我覺得OK 多冷氣地方 海洋公園真係唔會夏天去
  • HEIHEI 2月前
    Bowing: 係呀 唔好曬 一熱一曬就發 我仔都係咁
    但阿女又要去下廸士尼 同海洋公園。
  • Bowing 2月前
    HEIHEI: 我好相信中醫可以幫到手!!!
    而暑假亦係好機會, 阿女九月先開學,
    CUT 晒運動, 留返D 靜態野比佢... 希望都有幫助~!
    係呀 唔好曬 一熱一曬就發 我仔都係咁
  • HEIHEI 2月前
    maviso: 針灸其實係第一下,然後就唔痛,我都針過,不過等得好漫長好無聊。
    我不知幾鐘意針灸,訓係到針下就好,仲減埋肥。
    懶人必備!!
  • maviso 2月前
    HEIHEI: 針灸 YES~~ 好有效, 不過我女仍未敢...

    仍肯去睇, 肯食中藥已經係行前左一大步~!!!!!
    針灸其實係第一下,然後就唔痛,我都針過,不過等得好漫長好無聊。
  • HEIHEI 2月前
    maviso: 我朋友個仔濕疹細個好嚴重,嚴重到幾次入急症果隻,
    佢地花咗一年左右時間針灸,仲有戒口,有睇過西醫,驗到佢對花生過敏「我只記得花生」,家下都好好多,不過
    針灸 YES~~ 好有效, 不過我女仍未敢...

    仍肯去睇, 肯食中藥已經係行前左一大步~!!!!!
  • maviso 2月前
    我朋友個仔濕疹細個好嚴重,嚴重到幾次入急症果隻,
    佢地花咗一年左右時間針灸,仲有戒口,有睇過西醫,驗到佢對花生過敏「我只記得花生」,家下都好好多,不過身為父母係好難捱,佢地每個星期去三次針,到後來一週一次,再一個月一次,無記錯家下仲有去但少咗,佢個仔三歲。最初我朋友唔覺得有咩改善,有排停咗佢個仔就病~一個星期病一劑,一病就濕疹併發症~口腫眼腫乜都有。
  • HEIHEI 2月前
    Bowing: 肯飲中藥好乖呀 小熊貓咁努力媽媽都要俾心機 一家會搵到方法根治
    我好相信中醫可以幫到手!!!
    而暑假亦係好機會, 阿女九月先開學,
    CUT 晒運動, 留返D 靜態野比佢... 希望都有幫助~!
  • HEIHEI 2月前
    牢騷王: 阿女咁乖肯飲中藥都好, 調理下, 可能有幫助~~~
    我細時都試過, 因為本身皮膚都唔好既, 好多野都生過, 不過, 都小學了, 我記得果時飲左一排, 仲要用黎浸....
    飲藥都係打仗咁呀~
    昨晚又轉藥, 好似好訓左呀~!!
  • HEIHEI 2月前
    maviso: KEEP住飲下LEMON AND GINGER WATER,我覺得呢個吊命方法好好。
    薑水... 我又唔太喜歡,
    係喜歡薑茶湯、蕃薯糖水~~~
  • HEIHEI 2月前
    maviso: 如果佢有好轉。捱病都係值得嘅。我都病緊,我女仲要瞓覺趁我病拎個鐵頭鐘我胸骨幾下。
    Take Care~~~

    我病時, 阿女仲喊... 大叫...  真係爆炸!!!!
  • Bowing 2月前
    肯飲中藥好乖呀 小熊貓咁努力媽媽都要俾心機 一家會搵到方法根治
  • 牢騷王 2月前
    阿女咁乖肯飲中藥都好, 調理下, 可能有幫助~~~
    我細時都試過, 因為本身皮膚都唔好既, 好多野都生過, 不過, 都小學了, 我記得果時飲左一排, 仲要用黎浸....
  • maviso 2月前
    KEEP住飲下LEMON AND GINGER WATER,我覺得呢個吊命方法好好。
  • maviso 2月前
    如果佢有好轉。捱病都係值得嘅。我都病緊,我女仲要瞓覺趁我病拎個鐵頭鐘我胸骨幾下。

您需要先登入才能繼續本操作