婚享同學會


可用已有生活易帳號

登入


未有生活易帳號?

立即註冊

HEIHEI的BLOG

HEIHEI的主頁 | 查看全部BLOG
自我介紹:
結婚 + 育兒 + 手作DIY 的生活 雙職媽媽,育有一女。自籌備婚禮時開始寫BLOG分享生活點滴,最愛混合媒介的藝術,閒時會跟女兒一起創作。

你可能也喜歡…

當前第 3 個 | 共 1012 個BLOG      上一個 | 下一個
查看BLOG | 返回BLOG列表

小熊貓 - 香港紅十字會「有備.無災患」嘉年華

標籤國際減災日  香港紅十字會  孩子成長  27日前

上個週末,HeiHei同小熊貓上午完成面試,
下午就參加左香港紅十字會小紅星既活動。


「有備。無災患」嘉年華


活動內容非常豐富,
包括:VR(虛擬實景)體驗災難來臨、
緊急事故體驗區、急救工作坊、
布偶劇、手作工作坊、
繪畫比賽、賑災物資展覽等

我地生活在香港呢個福地,
大型災難,幸運的不算太多。
即使剛剛的山竹,我們總算平安渡過。
但地球先生病了,氣候急劇變化,
惡劣天氣會持續增加,
日後可能要面對更多、更強的颱風暴雨。

備災。這個議題是要好好學習。
當日既活動亦同等大家分享一下!

第一個攤位。小小消防員

提供消防員制服、頭盔,
小朋友一變成為小小消防員。
同時有消防安全及火警危險的展板,
認識一下消防處在應對災難的工作。

最後仲可以帶"消防員或者救護員"返屋企添。


除了消防處的拯救工作,
土木工程拓展處在應對災難亦擔當很重要的角色。
是次嘉年華就設有山泥傾瀉既VR體驗,
HeiHei 覺得好真實,而小熊貓就話好驚!!!

除左VR體驗災難來臨,即場有拼圖工作坊,
拼圖是公主王子遇上山泥魔的故事,
學習一下,若果遇上山泥傾瀉應如果處理。
例如:保持警覺、遠離斜坡,
按救援人員指示疏散到安全地方。

完成後可帶埋拼圖返屋企,再次重溫。


黎到 逃出生天 攤位,
先有義工介紹遇到火警時應帶備既逃生三寶,
並派發其中一寶毛巾的紀念品,
讓參加者走入“火場”體驗逃生。

“火場”好大好大煙,燶煙由出入口湧出來,
最初小熊貓真係好驚,唔敢入去。
但HeiHei同小熊貓一人一條毛巾,
拖到實一實!

衝呀!

裡面真係白矇矇,咩都睇唔到,但氣味不大。
我地安全逃離“火場”!

小熊貓話唔再怕怕了,
明白火警時點解要帶備濕毛巾。


亦有攤位教我地如何處理壓力及注意個人衛生


而在 急救大本營 裡面可以學習及練習如何包扎及心肺復蘇法,
睇完近日大熱既救護員電視劇,小熊貓當然會試試!!

除此之外, 還有仲設有偽裝傷者既活動體驗,
但小熊貓的皮膚唔太合適整傷口上去,
姐姐就教小熊貓整隻斷指啦。

 

為求迫真,按照小熊貓的手指1:1的做出來,
仲要...斷指見晒骨呀!!!


受傷過後,需學習一下如何備災。
你的逃生包

遇上天災和緊急事故時除了需要保持鎮定,
需要一個包含各樣所需物資的逃生包。
於發生災難前,已預先準備所需物資於逃生包內,
除了要小心留意更換包內有機會過期的物品,
逃生包放在一個容易提取及全家人均知道的地方,以便逃生時使用。

逃生包的物資如下:
水、身份証明文件副本、鎖匙、
電話及叉電、少量現金及八達通、手搖式電筒、
哨子、毛巾、急救包、眼鏡及藥物


999報案室
就教左小熊貓在見到災難時要打999求助,
並提供清楚及準確的資料,讓999指揮及控制中心可安排適當的救援服務。


人道探索
當中有義工分享在外地的人道行動,
小熊貓認識一下紅十字會為災民的衛生包以及臨時廁所。

 



好有意義既活動,小熊貓獲益良多,
更對自己身為小紅星而感到自豪。


如果想了解多 香港紅十字會 小紅星獎勵計劃, 




2018.10.22

----------------------------------------------------------------------------------

聯絡電郵:heiheichan927@gmail.com
歡迎追縱IG:agnesheihei
731 次閱讀 | 3 個評論
Facebook WOW Google+ Weibo Mail
當前第 3 個 | 共 1012 個BLOG      上一個 | 下一個

留下足跡

評論

  • 牢騷王 26日前
    HEIHEI: 好呀~ 冇問題!!!! 或者我報活動又搵埋你~ :)
  • HEIHEI 26日前
    牢騷王: 下次有呢啲, 叫埋我地AR, HEI HEI EE.....
    好呀~ 冇問題!!!! 或者我報活動又搵埋你~ :)
  • 牢騷王 27日前
    下次有呢啲, 叫埋我地AR, HEI HEI EE.....

您需要先登入才能繼續本操作