擬結婚通知書

http://wow.esdlife.com/space.php?uid=22382&do=blog&id=99152

wingwingman SAID:


擬結婚通知書提交小貼士
標籤:  行禮  7日前
各位親愛既準新娘們，雖然我好不幸地要取消婚禮，但係十足8婆既我，重有好多好姊妹都係就黎要嫁喇，超開心，有好多個都係12月果段時間，亦因為咁，大家都開始要為提交呢個“擬結婚通知書”大傷腦筋，今日我就為大家打左個電話去問喇，以下係少少資料

如果姊妹們係教徒的話，“擬結婚通知書”只要係你既婚期最少17日前提交，提交後婚姻註冊處會將申請張貼公告15日，期間如果冇人反對你地既結婚申請，就可以攞到“婚姻登記官證明書”，到手後，你可以將通知書交俾你想行禮既教堂，只要係出左通知書既3個月內行禮就得架喇~

如果係用律師證婚的話，準新人們會輕鬆好多，因為所有野都會由律師樓搞掂，所以呢個我唔多講喇

到最後，亦係最麻煩既註冊地方 - 本港既“婚姻註冊處”
如果大家想係大會堂、紅棉道註冊的話要留意﹕
當你地提交“擬結婚通知書”時，需要去大會堂婚姻登記處、紅棉道婚姻登記處或者金鐘婚姻登記事務及紀錄辦事處
亦可以網上提交﹕
http://www.gov.hk/tc/apps/immdmarriagebooking.htm
呢度會有提示話你知，佢依家接受到邊一日前既登記


如果大家係響其他註冊處﹕
尖沙咀婚姻登記處
屯門姻登記處
沙田姻登記處
就可以去任何一個登記處或者去大會堂婚姻登記處、紅棉道婚姻登記處或者金鐘婚姻登記事務及紀錄辦事處提交申請

好，提交地點提供左喇，依家就要提係註冊處註冊既姊妹一d熱線叔叔俾既“溫馨提示”(佢真係咁同我講架，我聽到呢句爆笑左出黎，有d失禮)

姊妹們要記住，係註冊處註冊係需要係婚期既3個月14日前提交申請架
者係如果你係婚期12年12月9日(借用一下EASY個婚期先)
係要響12年8月26日朝早8:00提交預約申請
叔叔既提示係，請大家記住提交預約既時候要搵多幾個朋友同你一齊做網上申請呀，你只要將你既身份證號碼、出生年月日同埋婚期輸入就可以架喇，另外佢會有一個查詢號碼要你輸入既，到時你叫朋友輸入你所想既號碼就可以方便查返個申請，記住，因為預約登記時間係先到先得，大家記住“搶”呀~~~

一經確定，就唔會再有人可以預約到你想要既時間，完成提交之後，佢會有一個預約日期俾你上去登記處提交申請，到時記住要帶你同你honey既身份證呀~~
可以兩個人去或者一個人去都得~

不是9月15日!!
你上婚姻註冊處網上服務，需輸入擬舉行婚禮的日期，便能查得"最早"可預約遞交通知書的日期。
如果我沒記錯, 好似係3個月+15日前就可以預約, 不要錯過啊。

問題係我未婚妻只有星期六才有空，所以打算約9月15日星期六去交。
同埋係3個月+14日。[本話題由 CherriEric798 於 2012-08-29 12:18:57 編輯]

8:00am網上遞交左先, 攞左籌先。 過程只需5-10分鐘。
如果你唔遞交, 就會沒機會攞籌, 就沒可能選時間了。

我曾經入過去網站作練習，原來是先要輸入新人ID，再按下一頁才揀時間。
我已裝了RoboForm預先入定新人資料。

請問這樣會否較快拿到籌？

你應該是9月1日網上遞交“擬結婚通知書”, 成功左之後, 就即時有個日期及籌號, 你要親身去登記處提交申請。而籌號就係你選時間的先後次序。

我本來想12月9日註冊, 所以8月27日已經預約左, 攞左4號籌。
但衣加決定改12月15日律師到場。

8:00 當天只需是於網上遞交“擬結婚通知書" 。
所需遞交資料:
註冊日期,
身份證明號碼 ,
出生日期 ,
電話,
四位數字編號 (以便日後更改之用) 可自行選擇

多謝！

請問有冇朋友知道伊甸園註冊, 遞交擬結婚通知書的程序和時間等詳情?
謝謝!

伊甸園即係用律師（監禮人）證婚，只要找到律師便可託他代辦就可以。

其實唔駛咁緊張架，因為我哋係教堂行禮，唔駛同其他人搶時間，
我啱啱前日己經登記預約咗啦!!
之前會好似你咁好緊張，諗住較定鬧鐘去起身，第一時間去登記，
點知...周公好痴纏~我唔知醒，仲攪到返工都遲到，咪第一時間返咗公司先，返到公司先再登記，到最終10點幾先預約，結果都好順利攪掂，仲要好多時間任我揀。
放鬆啲…!! 主祝福你們。

問題係未婚妻要星期六才有空，我想我和她一齊去交擬結婚通知書，所以必須book到星期六。

星期六得上晝咋好似…!! 不過你9點前都好易有位…!!
始終你唔係限時限刻果啲丫嘛…^^

CherriEric798, 我都係o係教堂行禮架, 我big day 係10月20日.
由於我唔想平日請假去申請, 心目中都打算係揀星期六去. 8月頭我先上網預約, 都可以預約到第2個星期六, 即8月11日朝早.

到咗果日, 我搭正9點鐘去到, 註冊處都未開, 門口有條人龍排緊隊. 入到去再排隊拎張form填, 簡單填d個人資料&big day 資料, 等叫名, 再交form, 再等宣誓, 搞掂! 成個過程15mins到啦. 跟住俾張紙仔通知你幾時幾日就可以返去拎張"擬結婚通知書", 呢張野到時我地要交俾教堂嘅

希望咁樣講可以幫到你

忘了講添, 唔洗帶父母id copy架, 帶自己身份證就得架喇.

好似可以預約某個時間的，是否都需要9時正去排隊？

唔好意思呀! 我講漏咗少少添
我係預約左9點鐘, 所以我先會一早去啫
你係預約定的時間出現就得架喇

唉~~我好失望同唔開心呀...因為我今朝登記時已經無位啦,請問仲有冇其他方法??

你可以在任何時候選擇一個日期交表，由下一個工作天至其後第12個工作天都可以。
不過只能在平日去做。[本話題由 CherriEric798 於 2012-09-05 00:15:36 編輯]

唔該晒你^^