呢日我哋去金域假日酒店參加美素佳兒嘅講座， 第一次見識到大型品牌搞嘅產前講座。 美素佳兒嘅三角枕遠近馳名，好多人去都係為咗個枕頭， 我都唔例外。一入場職員畀咗個folder我，內有試食券、 體驗券、問卷之類的。每張紙都可以換嘢：試食券可以換薑汁撞奶嚟食、體驗券可以換三角枕、 講座完咗之後交返問卷可以換一袋

照3次除咗因為好緊要之外，最主要原因係阿b太怕醜…… 話說我第一次去醫院自己一個見醫生，醫生有問我啲家族病史， 我嗰陣一路都答佢冇特別，只係媽媽有糖尿， 所以醫院冇安排我照結構，叫我自己出去搵私家照結構。OK， 既然唔係高危，政府唔安排我照都好正常。 過咗幾日再返醫院照唐氏，今次奴隸可以一齊入房睇阿b， 助

早兩日我突然發現自己嘅腳踭腫到豬蹄咁，唔通呢啲就係傳說中嘅水腫腳？過兩日我去健康院覆診，姑娘都話我腫得太快，話通常都係6至7個7先開始腫，我5個月都未到啊……不過因為我啲血壓同小便冇問題，姑娘只係叫我行多啲、食淡啲。 於是我開始嚴格控制鹽份吸收。 早餐： 方包兩塊——308mg 　　　火腿一片——217

上網見到人話佢嘅講座十分實用，所以就算冇禮物我都報咗去聽， 希望學到嘢。 我報咗3點嗰場， 但由於有啲1點嗰場嘅媽媽臨時轉咗去聽3點嗰場，成個場好逼， 仲唔夠櫈坐，遲到嘅媽媽要企喺門口聽，有啲辛苦呢…… 不過呢堂真係好有用﹗﹗﹗ 講者由點抱BB開始講起，到點同BB沖涼、有頭泥點算、 到點同BB掃風都有

對於一個從未做過阿媽嘅人嚟講，大肚時應該食乜唔應該食乜、坐月點坐為之好、阿b要點湊，呢啲都好似未知嘅宇宙咁，想知多啲，最好就係去聽講座學嘢（兼攞禮物）。而我嘅講座之旅頭炮係智多健。 說話我喺健康院門口畀一班姐姐蹂躪（係親切包圍問候收集資料先啱）之後兩三日，智多健就打畀我話有講座問我去唔去。老實

話說我舊年6月頭打咗德國痲疹針，半年內唔可以有bb，咁即係最快要12月嘅period完咗之後先好開始。而我嘅備孕大計就由11月開始執行，補定身先~~~ 1. 綜合維他命 準備要bb之前要補充維他命葉酸鐵質blahblahblah是常識吧？我都買咗樽GNC Meca Women，冇特別比較過成分，見佢乜成分都有就買。 2. 添寶方 某年

估唔到去一趟健康院會拎咗一大堆嘢返屋企。 做完產檢一出門口，就畀人圍住叫我入媽媽會，填低個人資料就可以入會同拎份禮物。嗰班品牌代表一張接住一張咁畀我填，填吓填吓開始大風，佢哋就唔使我填，叫我簽個名就得，佢哋自己抄資料。然後我就拎咗堆嘢返屋企lu（排名不分先後呀吓）。 智多健：嬰兒護理墊一塊

舊年啟動嘅「3仔」計劃，竟然一年內完成！ 1. 屋仔：舊年上半年買咗樓，順利咁喺10月入伙，住咗差唔多半年，so far so good，係有要執漏嘅地方但唔多，裝修公司都肯同我哋搞返掂（ 雖然要三催四請），整體嚟講都滿意間屋，住得算開心~~~ 2. 車仔：奴隸考牌順利一take pass，然後佢老細又肯賣部車畀佢，價錢冇特別平

話說5月去咗做body check，結果我哋除咗膽固醇輕微超標外一切正常。不過呢， 醫生話我冇德國麻疹同乙型肝炎抗體，最好打返。 我中學之後冇打過針，冇抗體都好正常， 咁既然打算生b就梗係打返針啦！於是約個時間打兩針。 到打針時， 由於德國麻疹疫苗係打啲菌入你身體等你KO佢哋自製抗體， 護士一直提我呢半年唔可以有bb，