婚享同學會


可用已有生活易帳號

登入


未有生活易帳號?

立即註冊

sleepyceci的BLOG

sleepyceci的主頁 | 查看全部BLOG
自我介紹:
新手媽媽為左小JM而努力學習再學習。 希望同小JM一齊共同成長! 歡迎聯絡我同小JM參與產品試用或者各樣活動 媽咪既Email係: sleepyceci@hotmail.com 小JM 成長印記 Facebook Page: 傑。斯 與 晴 (Jolie Babe。小JM の 成長印記) https://www.facebook.com/cjoliema022

你可能也喜歡…

當前第 137 個 | 共 401 個BLOG      上一個 | 下一個
查看BLOG | 返回BLOG列表

【「天灸療法」知多少】天灸初體驗@農本方中醫診所

By sleepyceci (聯絡作者) 於 2018-06-28 23:07
話說,我同小JM爸兩個都係鼻敏感患者,而小JM爸屬於比較嚴重嘅類型,每朝起身揉到個鼻都好似就甩咁添。而我地嘅鼻敏感基因亦無奈地傳咗俾小JM,所以我地閒時都會好注重屋企嘅清潔以保持空氣流通。

曾經聽長輩講過要治療鼻敏感可以做「天灸療法」,剛好而家亦係做「天灸」嘅好時機,所以我同小JM就去左黃大仙豪苑嘅農本方中醫診所搵註冊中醫師古壁光了解同問診。



====================================
黃大仙豪苑診所
九龍黃大仙龍翔道110號豪苑翔盈里3樓1A號舖
預約電話:2377 9668
====================================

「三伏天灸療法」知多少?
天灸,又稱發泡療法,係一種具中國特色嘅傳統外治療法,簡便安全之餘又具成效。 

而天灸亦有分「三伏」及「三九」天,當中「三伏」係指夏天中陽氣最盛嘅日子;「三九」則指冬天中陰氣最盛嘅日子。 

「三伏天灸」是指選擇喺全年最熱嘅「三伏天」以特製中藥敷貼喺特定穴位上,透過藥物刺激而激及經絡、調整氣血,以達至行氣活血、提升陽氣而改善體質,同時亦起到防病治病作用。 


「三伏天灸療法」重點事項
「三伏天灸療法」所使用嘅藥物具有較強嘅刺激性,如細辛、麻黃、白芥子,會令血液流動加快,以發揮行氣活血、消腫散嘅作用,所以要多加注意以下事項: 

1.) 成人一般貼藥時間以0.5~1小時,小朋友則約20~30分鐘為佳,醫師亦會根據實際情況而延長或減短貼藥時 
     間。已經感冒發燒者、患感染性疾病(如肺炎者、過敏性皮炎)及孕婦忌用。 
2.) 貼藥後皮膚或局部出現發紅、灼熱、刺麻癢、水泡或結痂等,屬正常反應。 
  若出現紅腫灼痛或水泡,應避免抓破,以防感染,盡早尋求醫師協助。 
3.) 藥貼撕去2小時後才可沖涼,而且亦唔可以沖凍水涼。 
4.) 貼藥貼藥期間避免在陽光下曝曬或進行劇烈運動,要多飲水; 
  同時忌食生冷、辛辣煎炸炸、海鮮、牛肉、鵝肉、花生、筍類等,以免影響 療效等。 

「三伏天灸療法」又適合咩人呢?
天灸療法適合體質虛弱、哮喘、慢性支氣管炎、過敏性鼻炎(鼻敏感)、氣管敏感、精神不振、經常感冒、體質偏寒或四肢冰冷嘅人仕都可以架。 


介紹完有關天灸嘅資訊,不如就等我同大家分享一下診症過程啦! 

今次我地去咗位於黃大仙嘅農本方,門面有別於傳統嘅中醫診所。 

診所內嘅藥櫃好特別,原來係採用咗人體工學設計,做起事上來就更加得心應手啦。唔單止咁,就連混合藥粉嘅機器都放埋出來,透明度甚高喔。 

睇完姑娘執藥我地就登記完等見醫師。 

入到醫師房小JM因為見到古壁光醫師而有啲緊張,所以就由我來陪佢「把脈」。「把脈」嘅用意其實醫師係想了解一下身體狀況適唔適合做天灸。因為天灸藥性較強,如果好似我咁遇著有小小皮膚敏感都唔可以做,以免令皮膚敏感惡化。 

把完脈又問完診,醫師覺得小JM適合做天灸,所以就準備「材料」,預備幫小JM上藥。 

小JM雖然有啲緊張,但都總算合作乖乖貼好晒啲藥貼。 
完成後醫師都有幫我記低要撕走藥貼嘅時間, 
而媽媽我怕小JM會敏感又見等候時間唔長,所以係診所等夠鐘再撕藥貼。 

不得不讚嘅係醫師有留意到我地未離開,仲提我地夠鐘要撕走藥貼添。 

小JM臨走亦有同醫師及姑娘講再見,仲自爆咗一句:BB下次來探你啦,拜拜! 
媽媽我都打左個突,真係太突然啦! 
232 次閱讀 | 0 個評論
Facebook WOW Google+ Weibo Mail
當前第 137 個 | 共 401 個BLOG      上一個 | 下一個

留下足跡

評論


您需要先登入才能繼續本操作