可用已有生活易帳號

未有生活易帳號?

新婚圈子 - 2012年11月結婚新人圈子

舉報 |

蜜月期一問

josa 2012-05-28 11:47

唔知道各位黎緊結婚嘅姊妹們，你地計劃左去邊度度蜜月呢？

我就同我嘅Honey諗住去日本嘅「京都，大板」啦！因為唔想咁早起床嘅原故，所以我地係諗住自由行！但呢次係我地第一次自由行去日本，所以只能夠靠旅遊書嘅知料，但本本書嘅資料都差唔多都係一色一樣！如果想要多d「捐濃捐啦」嘅優惠詳情！

就真係要有賴你地呢班熱心唧網友啦！其實我同我至愛都有

search 網上同書嘅資料，但都想睇下各位有冇行程可以參考！我地想去六日五夜！仲有就係我聽講話係鐵路站嘅附近係有平d嘅車票，係係邊度買嘅呢？係唔係真係有？仲有就係十一月中去嘅話，會係咩天气呢?

以佢嘅地理位置，會唔會仲有機會有紅葉睇呢？真係好想見到呀！另外，有冇人係係旅行社或者係可以買到平.靚.正嘅自由行package?

我有咁多野想知…睇黎你都係時候留下言，比較多d實際資料比我啦！Baby!

Thank you every one!

jade234 2012-05-28 13:54

Ha ha, 我都有諗過去"日本北海度", 但未有行動, d yan 好貴, 仲係考慮中!! 11月中好大機會睇到紅葉, 遲d 可以上網check check 個紅葉期呀!!

happychristy 2012-05-28 14:43

你就好啦......... >.<
我比人禁左去日本..................... 男朋友話免得老人家 (其實果個老人家講黎講去咪又係果個) 話有幅射喎 >.<
我不知幾想去北海道呀!!

josa 2012-05-28 16:08

jade234: Ha ha, 我都有諗過去"日本北海度", 但未有行動, d yan 好貴, 仲係考慮中!! 11月中好大機會睇到紅葉, 遲d 可以上網check check 個紅葉期呀!!

係呀。d yen 好貴

，但我至愛話冇所謂喎！過左蜜月期，佢就唔會咁豪爽ge 啦！所以我都舉腳讚成！我開頭都諗住去北海道的，但個邊較為近褔島，所以放棄了！

josa 2012-05-28 16:20

happychristy: 你就好啦......... >.<
我比人禁左去日本..................... 男朋友話免得老人家 (其實果個老人家講黎講去咪又係果個) 話有幅射喎 >.<
我不知幾

哈哈，為有張就下啦你…

其實我一同人講話去日本，我個個朋友都話生就唔好去了！開頭我都同我至愛講，會唔會有問題？但之後我地問左我地嘅醫生！佢就話我地「方某」！佢話我地食日本野，用微波爐都有複射啦！如果你咁驚，屋企嘅微波爐就掉左佢啦！我覺得佢又講得幾有道理，我真係日日都用微波爐丁野喎！

仲有佢話如果出發時仲未有BB,就ok冇問題！不過家和萬事興。只要同自己至愛嘅人一齊去，就算去邊都一樣咁開心好玩嘅！

happychristy 2012-05-28 16:31

josa: 哈哈，為有張就下啦你…

其實我一同人講話去日本，我個個朋友都話生就唔好去了！開頭我都同我至愛講，會唔會有問題？但之後我地問左我地嘅醫生！佢就話我地「方某」！佢

"只要同自己至愛嘅人一齊去，就算去邊都一樣咁開心好玩嘅！"
呢句最岩聽........... haha

我而家plan緊去斐濟或者岩里......... 為左結婚, 兩年都無享受過陽光與海灘~~~ 因為我一曬就會變朱古力...

ROSAW 2012-05-28 17:14

本來我都想日本呀但朋友呀老人家呀話要有bb就唔好去日本住遲d先喎~
跟住比我隻激死話問去西藏喎honeymoon去西藏=="
跟住我話要去土耳其^^ 多數都係我諗

happychristy 2012-05-28 17:20

西藏 <~~~~ HAHAHAHA 我都有提議過喎!! 我男朋友話我痴線!! kaka
土耳其我都有提議過...... 我男朋友話無啖好食 =.= 佢話honeymoon唔想咁辛苦喎...................

ROSAW 2012-05-28 17:29

happychristy: 西藏 <~~~~ HAHAHAHA 我都有提議過喎!! 我男朋友話我痴線!! kaka
土耳其我都有提議過...... 我男朋友話無啖好食 =.= 佢話honeymoon唔想咁辛苦喎.............

係呀Turkey冇啖好食但好想去好靚~ 我隻佬好想去馬爾代夫同浮羅交怡就真^^

shwong 2012-05-28 18:04

我剛剛去完京阪, 不過係睇櫻花呀...我超喜歡京都, 好靚...如果budget許可, 可以試下d一泊二食既日式旅館, 好正! 我地住果間就12000yen/位/晚。
11月中下旬睇紅葉perfect呀!!! 我見往年都係呢個時候滿開的。
你可以去welcome2japan個網睇下, 佢到時到候就會update下紅葉既資料...
http://www.welcome2japan.hk/
下邊呢個blog資料都幾詳細...
http://nicklee.tw/index.php?load=read&id=760

我都好想去睇紅葉...但今年12月婚期, 去唔到, 唯有過多1,2年再去啦。
聽d醫生/教授都話去日本根本就無事, 所以放心啦!

#10

josa 2012-05-29 06:07

ROSAW: 本來我都想日本呀但朋友呀老人家呀話要有bb就唔好去日本住遲d先喎~
跟住比我隻激死話問去西藏喎honeymoon去西藏=="
跟住我話要去土耳其^^ 多數都係我諗

我都係朱古力人！話黑就黑！

#11

josa 2012-05-29 06:08

我會揀土耳其啦咁！好似靚d喎！

#12

josa 2012-05-29 06:14

shwong: 我剛剛去完京阪, 不過係睇櫻花呀...我超喜歡京都, 好靚...如果budget許可, 可以試下d一泊二食既日式旅館, 好正! 我地住果間就12000yen/位/晚。
11月中下旬睇紅葉

係囉。馬爾代夫就冇了，要去就去了！但因為我唔識游水，好似會好悶咁，而且我個個係日本愛好者

，所以不在考慮之内！

#13

josa 2012-05-29 06:24

ROSAW: 係呀Turkey冇啖好食但好想去好靚~ 我隻佬好想去馬爾代夫同浮羅交怡就真^^

係囉。馬爾代夫就冇了，要去就去了！但因為我唔識游水，好似會好悶咁，而且我個個係日本愛好者

，所以不在考慮之内！

#14

josa 2012-05-29 06:35

同道中人！give me five!如果真係睇到紅葉就好啦！我地都好大其望！但我想問下，你住個d係唔係民宿，我睇電視見佢地好似好開心咁！好nice!我都想體驗下…而且仲可以平d呀！咁你地係係邊度買package ,係唔係平d!

#15

Wingcat 2012-05-29 10:08

對於Honeymoon,我只有兩個要求:
1. 落雪
2. 衝出東南亞
老公好似好想去北海道,仲話咁快買咗旅遊書睇,但我哋仲未得閒攪...

#16

shwong 2012-05-29 10:13

josa:

同道中人！give me five!如果真係睇到紅葉就好啦！我地都好大其望！但我想問下，你住個d係唔係民宿，我睇電視見佢地好似好開心咁！好nice!我都想體驗下…而且仲可以平

我果間唔知算唔算民宿, 因為佢比一般民宿大(規模似酒店但服務好貼身)。我果時因為櫻花期太遲book好多民宿full晒, 呢間係網上都冇么comment, 我就膽粗粗走左去book。好彩有驚喜! 不過要打電話去用日文book的啊…
http://www.gotenso.com/

你仲有好多時間, 可以嘗試下去book d hit果d, 可能仲book到。例如呢間田舍亭
www.inakatei.com

講到package…以前試過去銀行中心果d旅行社book, 間間唔係confirm唔到機票就係confirm唔到酒店, 氹你落左訂之後先話無位要upgrade (我地無落嗒但有朋友試過中招)。之後我地自遊行都好喜歡book 國泰假期, 貪佢方便同明碼實價(雖然可能貴少少但唔洗同佢周旋)。不過櫻花期+復活節=超貴 & 時間好差! (一位連稅大概HKD 7-8000) 之後比我發現深圳有飛大阪來回連稅都係RMB3000 (不過要在福州停1小時), 加埋大阪酒店4晚 (平均HKD350/人/晚), 都係大概HKD5000, 班機就一定無國泰咁好, 無電視睇飛機餐麻麻…但慳返d錢係日本洗咪仲好 :p
http://global.shenzhenair.com/zh/main.jsp

不過平日香港d直飛機票都唔貴既, 我唔知紅葉期係咪都係好似四月咁難book, 你都可以留意下d航空公司 or 國泰假期既promotion…你可以like下邊呢個facebook page, 佢成日有update。長氣左少少...不過希望幫到你啦^^

http://www.facebook.com/#!/flyagainla[本話題由 shwong 於 2012-05-29 10:56:40 編輯]